(ਸਮਾਜ ਵੀਕਲੀ)
ਪੰਜਾਬ ਦੇ ਜੰਮਿਆਂ ਨੂੰ
ਭਾਦੋਂ ਦੇ ਵਿੱਚ ਝੜੀਆਂ ਲੱਗੀਆਂ ,
ਜਲ ਥਲ ਹੋਇਆ ਚੁਫੇਰਾ ।
ਡੈੱਮਾਂ ਦੇ ਵਿੱਚੋਂ ਪਹਿਲਾਂ ਹੀ ਸੀ ,
ਪਾਣੀ ਆ ਗਿਆ ਵਥੇਰਾ ।
ਰਾਜਸਥਾਨ ਤੇ ਹਰਿਆਣਾ ਹੁਣ ,
ਇਸ ‘ਚੋਂ ਵੀ ਹਿੱਸਾ ਮੰਗਣ ;
ਜਿਸ ਨੇ ਕੀਤਾ ਕਈਆਂ ਲੋਕਾਂ ਦਾ ,
ਕੋਠਿਆਂ ਦੇ ਉੱਪਰ ਵਸੇਰਾ ।
ਸਬਰ ਦੀ ਪਰਖ਼
——————
ਹੇਠਾਂ ਹੜ੍ਹ ਦਾ ਪਾਣੀ ਵੜਿਆ ਉੱਪਰ ਬੱਦਲ਼ ਵਰਸ ਰਹੇ ।
ਤੀਜੇ ਆਪ ਸਹੇੜੇ ਹਾਕਮ ਸਾਡੇ ਸਬਰ ਨੂੰ ਪਰਖ਼ ਰਹੇ ।
ਜਿਨ੍ਹਾਂ ਨੂੰ ਬੱਕਰੀ ਮੁਰਗੀ ਮਰੀ ਦਾ ਵੀ ਹਰਜ਼ਾਨਾ ਦੇਣਾ ਸੀ,
ਉਹ ਛੱਤਾਂ ‘ਤੇ ਬੈਠੇ ਰੁੱਖੀ ਰੋਟੀ ਨੂੰ ਵੀ ਤਰਸ ਰਹੇ ।
ਮੂਲ ਚੰਦ ਸ਼ਰਮਾ ਪ੍ਰਧਾਨ ,
ਪੰਜਾਬੀ ਸਾਹਿਤ ਸਭਾ ਧੂਰੀ ਜਿਲ੍ਹਾ ਸੰਗਰੂਰ ।
9914836037
