ਅਮਰਜੀਤ ਸਿੰਘ ਸਡਾਨਾ ਪ੍ਰਧਾਨ ਬਣੇ
6 ਨਵੇਂ ਮੈਂਬਰ ਵੀ ਕੀਤੇ ਗਏ ਕਲੱਬ ਵਿਚ ਸ਼ਾਮਲ
ਕਪੂਰਥਲਾ (ਸਮਾਜ ਵੀਕਲੀ) (ਕੌੜਾ)-ਰੋਟਰੀ ਕਲੱਬ ਕਪੂਰਥਲਾ ਇਲੀਟ ਦਾ ਤਾਜਪੋਸ਼ੀ ਸਮਾਗਮ ਸਥਾਨਕ ਇਕ ਹੋਟਲ ਵਿਖੇ ਹੋਇਆ | ਇਸ ਮੌਕੇ ਪ੍ਰਧਾਨ ਨਿਯੁਕਤ ਕੀਤੇ ਗਏ ਰੋਟੇਰੀਅਨ ਅਮਰਜੀਤ ਸਿੰਘ ਨੂੰ ਰਸਮੀ ਤੌਰ ‘ਤੇ ਕਾਲਰ ਪਾ ਕੇ ਸਾਬਕਾ ਡਿਸਟਿ੍ਕਟ ਗਵਰਨਰ ਡਾ: ਸਰਬਜੀਤ ਸਿੰਘ ਨੇ ਪ੍ਰਧਾਨਗੀ ਦੇ ਅਹੁਦੇ ਦੀ ਜ਼ਿੰਮੇਵਾਰੀ ਸੌਂਪੀ ਤੇ ਉਨ੍ਹਾਂ ਦੇ ਨਾਲ ਸਕੱਤਰ ਅਮਿੱਤ ਸ਼ਰਮਾ ਨੂੰ ਪਿੰਨ ਲਗਾ ਕੇ ਉਨ੍ਹਾਂ ਦੀ ਜ਼ਿੰਮੇਵਾਰੀ ਤੋਂ ਜਾਣੂ ਕਰਵਾਇਆ ਗਿਆ | ਡਾ: ਸਰਬਜੀਤ ਸਿੰਘ ਨੇ ਕਿਹਾ ਕਿ ਨਵਨਿਯੁਕਤ ਪ੍ਰਧਾਨ ਤੇ ਸਕੱਤਰ ਬਾਕੀ ਅਹੁਦੇਦਾਰਾਂ ਤੇ ਮੈਂਬਰਾਂ ਦੇ ਨਾਲ ਸਮਾਜ ਸੇਵਾ ਦੇ ਕੰਮਾਂ ਨੂੰ ਹੋਰ ਅੱਗੇ ਵਧਾਉਣਗੇ |
ਇਸ ਮੌਕੇ ਸਾਬਕਾ ਪ੍ਰਧਾਨ ਅਮਿਤੋਜ ਸਿੰਘ ਮੁਲਤਾਨੀ, ਜ਼ੋਨਲ ਚੇਅਰਮੈਨ ਰੋਟੇਰੀਅਨ ਵਿੱਦਿਆ ਸਾਗਰ, ਰੋਟੇਰੀਅਨ ਡਾ: ਸੰਦੀਪ ਭੋਲਾ ਤੇ ਪਿ੍ੰਸੀਪਲ ਸਾਇੰਟਿਸਟ ਡਾ: ਗੁਲਜ਼ਾਰ ਸਿੰਘ ਸੰਘੇੜਾ ਨੇ ਵੀ ਸੰਬੋਧਨ ਕੀਤਾ | ਇਸ ਮੌਕੇ ਬੋਲਦਿਆਂ ਕਲੱਬ ਦੇ ਪ੍ਰਧਾਨ ਅਮਰਜੀਤ ਸਿੰਘ ਨੇ ਦੱਸਿਆ ਕਿ ਜੁਲਾਈ ਤੋਂ ਹੁਣ ਤੱਕ ਉਨ੍ਹਾਂ ਵਲੋਂ ਕਲੱਬ ਦੇ ਮੈਂਬਰਾਂ ਦੇ ਸਹਿਯੋਗ ਨਾਲ 12 ਕੋਰੋਨਾ ਵੈਕਸੀਨੇਸ਼ਨ ਕੈਂਪ ਸਟੇਟ ਗੁਰਦੁਆਰਾ ਸਾਹਿਬ ਵਿਖੇ ਲਗਾਏ ਜਾ ਚੁੱਕੇ ਹਨ | ਜਿਸ ਰਾਹੀਂ 3500 ਦੇ ਕਰੀਬ ਵਿਅਕਤੀਆਂ ਨੂੰ ਕੋਰੋਨਾ ਵੈਕਸੀਨੇਸ਼ਨ ਲੱਗ ਚੁੱਕੀ ਹੈ ਤੇ ਇਹ ਕੈਂਪ ਨਿਰੰਤਰ ਜਾਰੀ ਹਨ | ਇਸ ਤੋਂ ਇਲਾਵਾ ਸਕੂਲਾਂ ਵਿਚ ਬੂਟੇ ਲਗਾਉਣ ਦੇ ਨਾਲ-ਨਾਲ ਹੈਡ ਵਾਸ਼ ਸਟੇਸ਼ਨ ਤੇ ਮਾਸਕ ਵੀ ਵੰਡੇ ਗਏ ਹਨ | ਕਲੱਬ ਪ੍ਰਧਾਨ ਨੇ ਕਿਹਾ ਕਿ ਸਮਾਜ ਸੇਵਾ ਦੇ ਕੰਮ ਨਿਰੰਤਰ ਜਾਰੀ ਰੱਖੇ ਜਾਣਗੇ | ਇਸ ਮੌਕੇ ਸਟੇਜ ਸਕੱਤਰ ਦੇ ਫ਼ਰਜ਼ ਰੋਟੇਰੀਅਨ ਸੁਕੇਸ਼ ਜੋਸ਼ੀ ਨੇ ਨਿਭਾਏ ਤੇ ਸੀਨੀਅਰ ਰੋਟੇਰੀਅਨ ਵਿਜੇ ਕਾਲੀਆ ਨੇ ਆਏ ਹੋਏ ਸਾਰੇ ਮਹਿਮਾਨਾਂ ਦਾ ਧੰਨਵਾਦ ਕੀਤਾ | ਇਸ ਮੌਕੇ ਕਲੱਬ ਵਿਚ 6 ਹੋਰ ਨਵੇਂ ਮੈਂਬਰਾਂ ਨੂੰ ਸਾਬਕਾ ਗਵਰਨਰ ਨੇ ਰੋਟਰੀ ਪਿੰਨ ਲਗਾ ਕੇ ਸ਼ਾਮਲ ਕੀਤਾ |
ਸਮਾਗਮ ਦੌਰਾਨ ਸਹਾਇਕ ਗਵਰਨਰ ਬਲਵਿੰਦਰ ਸਿੰਘ ਬਰਿਆਰ, ਡਾ: ਬੀ.ਐਸ. ਮੋਮੀ, ਡਾ: ਰਾਜ ਕੁਮਾਰ, ਡਾ: ਪਿ੍ੰਸਜੀਤ ਸਿੰਘ ਸਰਗੋਧੀਆ, ਡਾ: ਅਮਨਦੀਪ ਕੌਰ ਸਰਗੋਧੀਆ, ਡਾ: ਸੰਦੀਪ ਭੋਲਾ, ਪਰਮਿੰਦਰ ਸਿੰਘ ਬੌਬੀ ਵਾਲੀਆ, ਰਾਹੁਲ ਆਨੰਦ, ਐਡਵੋਕੇਟ ਸੁਸ਼ੀਲ ਰਾਵਲ, ਗੁਲਸ਼ਨ ਆਹੂਜਾ, ਮੋਨਿਕਾ ਰਾਵਲ, ਕੰਚਨ ਆਹੂਜਾ, ਸੁਰਜੀਤ ਸਿੰਘ ਸਡਾਨਾ, ਸੁਰਿੰਦਰ ਕੌਰ, ਅੰਕੁਰ ਵਾਲੀਆ, ਹਰਦੇਵ ਸਿੰਘ, ਭੁਪਿੰਦਰ ਸਿੰਘ, ਗੁਰਮੀਤ ਸਿੰਘ ਜੋਸਨ, ਗੁਰਨੂਰ ਸਿੰਘ, ਸੰਦੀਪ ਓਬਰਾਏ, ਵਿਸ਼ਵਿੰਦਰ ਸਿੰਘ ਚੱਢਾ, ਬਲਜੀਤ ਕੌਰ ਸੰਘੇੜਾ, ਸੰਧਿਆ ਤੁਲੀ, ਵਿਕਾਸ ਮਲਹੋਤਰਾ, ਹਰਮਿੰਦਰ ਸਿੰਘ, ਉਂਕਾਰ ਕਾਲੀਆ, ਅਵਿਨਾਸ਼ ਸ਼ਰਮਾ, ਸਰਬਜੀਤ ਸਿੰਘ ਥਿੰਦ, ਰਤਨ ਸਿੰਘ ਸੰਧੂ, ਹਰਜੀਤ ਸਿੰਘ ਬਾਜਵਾ, ਹਰਪਾਲ ਸਿੰਘ ਬਾਵਾ, ਜਤਿਨ ਸੂਦ ਤੇ ਹੋਰ ਹਾਜ਼ਰ ਸਨ |
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
