ਮਣੀਪੁਰ ਘਟਨਾਂ ਨੂੰ ਲੈ ਕੇ ਮਹਿਤਪੁਰ ਵਿਚ ਜਥੇਬੰਦੀਆਂ ਵੱਲੋਂ ਰੋਸ ਪ੍ਰਦਰਸ਼ਨ

 ਮਹਿਤਪੁਰ 9 ਅਗਸਤ ( ਸੁਖਵਿੰਦਰ ਸਿੰਘ ਖਿੰੰਡਾ  )-ਅੱਜ ਇੱਥੇ ਮਣੀਪੁਰ ਦੀ ਘਿਨਾਉਣੀ ਘਟਨਾ ਨੂੰ ਲੈ ਕੇ ਪੰਜਾਬ ਦੀਆਂ 36 ਜੱਥੇਬੰਦੀਆਂ, ਈਸਾਈ ਤੇ ਬਾਲਮੀਕ ਸਭਾਵਾਂ ਵੱਲੋਂ ਭਾਰਤ ਬੰਦ ਦੀ ਦਿੱਤੀ ਕਾਲ ਦੀ ਕੜੀ ਵਜੋਂ ਮਹਿਤਪੁਰ 12 ਵੱਜੇ ਤੱਕ ਬੰਦ ਰਿਹਾ ਦੁਕਾਨਦਾਰ ਯੂਨੀਅਨ  ਵੱਲੋਂ ਰੋਸ ਵਜੋ ਰੋਡ ਜਾਮ ਕਰ ਦਿੱਤਾ ਗਿਆ। ਥੋੜੀ ਤਕਰਾਰ ਤੇ ਪੁਲਿਸ ਅਧਿਕਾਰੀਆਂ ਵੱਲੋਂ ਦਖਲ ਦੇਣ ਤੋਂ ਬਾਅਦ ਅਵਾਜਾਈ ਬਹਾਲ ਕਰ ਦਿੱਤੀ ਗਈ ।

ਅਤੇ ਦੁਕਾਨਦਾਰਾਂ ਨੇ ਬੰਦ ਦਾ ਸਮੱਰਥਨ ਦਿੱਤਾ। ਇਕੱਠੇ ਹੋਏ ਲੋਕਾਂ ਨੇ ਮਹਿਤਪੁਰ ਰੋਡ ਵਿਚ ਸ਼ੜਕ ਦੇ ਇਕ ਪਾਸੇ ਧਰਨਾ ਲਗਾ ਦਿੱਤਾ।ਇਸ ਮੌਕੇ ਇਕੱਠ ਨੂੰ ਸੰਬੋਧਨ ਕਰਦਿਆਂ ਕੁੱਲ ਹਿੰਦ ਕਿਸਾਨ ਸਭਾ ਦੇ ਸੂਬਾ ਆਗੂ ਸੰਦੀਪ ਅਰੋੜਾ ਜਿਲਾ ਸਕੱਤਰ ਦਿਲਬਾਗ ਸਿੰਘ ਚੰਦੀ ਯੂਥ ਵਿੰਗ ਦੇ ਪ੍ਰਧਾਨ ਮਨਦੀਪ ਸਿੱਧੂ,ਜਮਹੂਰੀ ਸਭਾ ਦੇ ਮੇਜਰ ਖੁਰਲਾਪਰ, ਦਿਹਾਤੀ ਮਜ਼ਦੂਰ ਸਭਾ ਦੇ ਆਗੂ ਸੱਤਪਾਲ ਸਹੋਤਾ,ਪੰਜਾਬ ਖੇਤ ਮਜ਼ਦੂਰ ਸਭਾ ਦੇ ਆਗੂ ਸਿਕੰਦਰ ਸੰਧੂ, ਭਾਰਤੀ ਕਿਸਾਨ ਯੂਨੀਅਨ ਪੰਜਾਬ ਦੇ ਬੁਲਾਰੇ ਸਰਵਨ ਸਿੰਘ ਜੱਜ,ਜਸਵੰਤ ਸਿੰਘ ਲੋਹਗੜ੍ਹ,ਕਰਾਂਤੀਜੀਤ ਸਿੰਘ ਐਮ ਸੀ, ਪਾਸਟਰ ਰਾਕੇਸ਼ ਕੁਮਾਰ, ਜੋਨ ਮਸੀਹ ਆਦਰਾਮਾਨ, ਸੁਰਿੰਦਰ ਕੁਮਾਰ  ਮਣੀਪੁਰ ਵਿੱਚ ਔਰਤਾਂ ਨੂੰ ਨਿਰਵਸਤਰ ਕਰਕੇ ਸ਼ੜਕਾ ਤੇ ਘੁਮਾਉਣ, ਬਲਾਤਕਾਰ ਕਰਕੇ ਕਤਲ ਕਰਨ,ਵਿਰੋਧ ਵਿੱਚ ਆਏ ਪਰਿਵਾਰਾਂ ਨੂੰ ਕੁੱਟ ਕੁੱਟ ਕੇ ਮਾਰ ਦੇਣ ਵਾਲੇ ਗੁੰਡਾ ਅਨਸਰਾਂ ਖਿਲਾਫ਼ ਕਾਰਵਾਈ ਨਾ ਕਰਨ ਕਰਕੇ ਸਰਕਾਰ ਦੀਆਂ ਨੀਤੀਆਂ ਖਿਲਾਫ ਜੰਮ ਕੇ ਨਾਅਰੇਬਾਜ਼ੀ ਕੀਤੀ ਉਨ੍ਹਾਂ ਕਿਹਾ ਇਸ ਘਟਨਾ ਨੇ ਦੇਸ਼ ਨੂੰ ਸ਼ਰਮਸ਼ਾਰ ਕੀਤਾ ਹੈ। ਅਤੇ ਇਸ ਘਟਨਾ ਨੇ  ਭਾਜਪਾ ਸਰਕਾਰ ਦਾ ਚਿਹਰਾ ਲੋਕਾਂ ਸਾਹਮਣੇ ਨੰਗਾ ਕਰ ਦਿੱਤਾ ਹੈ । ਉਨ੍ਹਾਂ ਕਿਹਾ ਪੂਰੇ ਦੇਸ਼ ਵਿਚ ਔਰਤਾਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਇਆ ਜਾਵੇ ਅਤੇ ਦੋਸ਼ੀਆਂ ਨੂੰ ਸਜ਼ਾ ਦਿੱਤੀ ਜਾਵੇ।ਇਸ ਮੌਕੇ ਸਰਪੰਚ ਰਮੇਸ਼ ਕੁਮਾਰ, ਸਤਨਾਮ ਸਿੰਘ ਬਿੱਲੇ, ਦੀਪਾ ਪ੍ਰਧਾਨ, ਯਕੂਬ ਮਸੀਹ, ਮੰਗਾ ਭਲਵਾਨ ਆਦਿ ਹਾਜ਼ਰ ਸਨ।