(ਸਮਾਜ ਵੀਕਲੀ) ਜਿਸ ਤਰ੍ਹਾਂ ਇੱਕ ਵੈਂਟੀਲੇਟਰ ਬਿਮਾਰ ਵਿਅਕਤੀ ਨੂੰ ਸਾਹ ਲੈਣ ਵਿੱਚ ਮਦਦ ਕਰਦਾ ਹੈ, ਉਸੇ ਤਰ੍ਹਾਂ ਇਹ ਮੁਹਿੰਮ ਸਾਡੇ ਬਿਮਾਰ ਹੋ ਰਹੇ ਵਾਤਾਵਰਣ ਨੂੰ ਸਾਹ ਲੈਣ ਲਈ ਜ਼ਰੂਰੀ ਆਕਸੀਜਨ ਦੇ ਰਹੀ ਹੈ। ਜਦੋਂ ਅਸੀਂ ਪੇੜ ਲਗਾਉਂਦੇ ਹਾਂ ਤਾਂ ਅਸੀਂ ਸਿਰਫ਼ ਇੱਕ ਬੂਟਾ ਨਹੀਂ ਲਗਾਉਂਦੇ, ਸਗੋਂ ਧਰਤੀ ਨੂੰ ਨਵਾਂ ਜੀਵਨ ਦਿੰਦੇ ਹਾਂ। ਇਹ ਪੇੜ ਹਵਾ ਨੂੰ ਸਾਫ਼ ਕਰਦੇ ਹਨ, ਤਾਪਮਾਨ ਨੂੰ ਠੰਢਾ ਰੱਖਦੇ ਹਨ ਅਤੇ ਮੀਂਹ ਲਿਆਉਣ ਵਿੱਚ ਵੀ ਮਦਦ ਕਰਦੇ ਹਨ।
ਅੱਜ ਦੇ ਸਮੇਂ ਵਿੱਚ ਜਦੋਂ ਪ੍ਰਦੂਸ਼ਣ ਅਤੇ ਗਰਮੀ ਲਗਾਤਾਰ ਵੱਧ ਰਹੀ ਹੈ, ਉਦੋਂ ਪੇੜ ਲਗਾਉਣ ਵਰਗੀਆਂ ਮੁਹਿੰਮਾਂ ਸਾਡੇ ਵਾਤਾਵਰਣ ਲਈ ਇੱਕ ਆਸ ਦੀ ਕਿਰਨ ਹਨ। ਇਹ ਸਾਨੂੰ ਯਾਦ ਦਿਵਾਉਂਦੀਆਂ ਹਨ ਕਿ ਅਸੀਂ ਆਪਣੀ ਧਰਤੀ ਮਾਂ ਦੀ ਦੇਖਭਾਲ ਕਿਵੇਂ ਕਰ ਸਕਦੇ ਹਾਂ।
‘ਏਕ ਪੇੜ ਮਾਂ ਕੇ ਨਾਮ’ ਮੁਹਿੰਮ, ਜਿਸਦੀ ਸ਼ੁਰੂਆਤ ਭਾਰਤ ਸਰਕਾਰ ਦੁਆਰਾ ਕੀਤੀ ਗਈ ਹੈ, ਇੱਕ ਬਹੁਤ ਹੀ ਖੂਬਸੂਰਤ ਅਤੇ ਭਾਵਨਾਤਮਕ ਪਹਿਲ ਹੈ। ਇਸ ਦਾ ਮੁੱਖ ਮਕਸਦ ਦਰੱਖਤ ਲਗਾਉਣ ਨੂੰ ਕੇਵਲ ਇੱਕ ਸਰਕਾਰੀ ਪ੍ਰੋਗਰਾਮ ਤੱਕ ਸੀਮਿਤ ਨਾ ਰੱਖ ਕੇ, ਇਸ ਨੂੰ ਹਰੇਕ ਵਿਅਕਤੀ ਦੇ ਦਿਲ ਨਾਲ ਜੋੜਨਾ ਹੈ। ਇਸ ਮੁਹਿੰਮ ਵਿੱਚ ਰੁੱਖਾਂ ਨੂੰ ਮਾਂ ਨਾਲ ਜੋੜਨ ਦਾ ਕਾਰਨ ਬਹੁਤ ਡੂੰਘਾ ਅਤੇ ਭਾਵਨਾਤਮਕ ਹੈ। ਮਾਂ ਆਪਣੇ ਬੱਚਿਆਂ ਨੂੰ ਜਨਮ ਦਿੰਦੀ ਹੈ, ਪਾਲਦੀ ਹੈ ਅਤੇ ਉਨ੍ਹਾਂ ਦੀ ਸੁਰੱਖਿਆ ਕਰਦੀ ਹੈ। ਇਸੇ ਤਰ੍ਹਾਂ, ਰੁੱਖ ਵੀ ਮਨੁੱਖਤਾ ਅਤੇ ਧਰਤੀ ਨੂੰ ਬਹੁਤ ਕੁਝ ਦਿੰਦੇ ਹਨ:
ਜੀਵਨ: ਰੁੱਖ ਸਾਨੂੰ ਆਕਸੀਜਨ ਦਿੰਦੇ ਹਨ, ਜੋ ਜੀਵਨ ਲਈ ਸਭ ਤੋਂ ਜ਼ਰੂਰੀ ਹੈ।
ਪੋਸ਼ਣ: ਰੁੱਖਾਂ ਤੋਂ ਸਾਨੂੰ ਫਲ, ਸਬਜ਼ੀਆਂ ਅਤੇ ਅਨਾਜ ਮਿਲਦਾ ਹੈ।
ਸੁਰੱਖਿਆ: ਰੁੱਖ ਮਿੱਟੀ ਦੇ ਖੋਰ ਨੂੰ ਰੋਕਦੇ ਹਨ ਅਤੇ ਵਾਤਾਵਰਨ ਨੂੰ ਸਾਫ਼ ਰੱਖਦੇ ਹਨ।
ਸ਼ਾਂਤੀ: ਰੁੱਖਾਂ ਦੀ ਛਾਂ ਵਿੱਚ ਮਨ ਨੂੰ ਸਕੂਨ ਮਿਲਦਾ ਹੈ।
ਜਿਵੇਂ ਇੱਕ ਮਾਂ ਬਿਨਾਂ ਕਿਸੇ ਸ਼ਰਤ ਦੇ ਪਿਆਰ ਅਤੇ ਸੇਵਾ ਦਿੰਦੀ ਹੈ, ਉਸੇ ਤਰ੍ਹਾਂ ਰੁੱਖ ਵੀ ਸਾਨੂੰ ਲਗਾਤਾਰ ਫਾਇਦੇ ਦਿੰਦੇ ਰਹਿੰਦੇ ਹਨ। ਇਸ ਮੁਹਿੰਮ ਰਾਹੀਂ ਸਰਕਾਰ ਨੇ ਇਸ ਭਾਵਨਾ ਨੂੰ ਉਜਾਗਰ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ ਕਿ ਜਿਵੇਂ ਅਸੀਂ ਆਪਣੀ ਮਾਂ ਦਾ ਸਨਮਾਨ ਕਰਦੇ ਹਾਂ, ਉਸੇ ਤਰ੍ਹਾਂ ਸਾਨੂੰ ਕੁਦਰਤ ਅਤੇ ਰੁੱਖਾਂ ਦਾ ਵੀ ਸਨਮਾਨ ਕਰਨਾ ਚਾਹੀਦਾ ਹੈ।
ਇਹ ਮੁਹਿੰਮ ਲੋਕਾਂ ਨੂੰ ਆਪਣੀ ਮਾਂ ਦੀ ਯਾਦ ਵਿੱਚ, ਜਾਂ ਉਨ੍ਹਾਂ ਦੇ ਸਨਮਾਨ ਵਿੱਚ ਇੱਕ ਰੁੱਖ ਲਗਾਉਣ ਲਈ ਪ੍ਰੇਰਿਤ ਕਰਦੀ ਹੈ। ਇਸ ਨਾਲ ਲੋਕਾਂ ਅਤੇ ਬੱਚਿਆਂ ਦਾ ਰੁੱਖ ਲਗਾਉਣ ਨਾਲ ਇੱਕ ਨਿੱਜੀ ਅਤੇ ਭਾਵਨਾਤਮਕ ਜੁੜਾਵ ਬਣ ਜਾਂਦਾ ਹੈ। ਜਦੋਂ ਕੋਈ ਵਿਅਕਤੀ, ਬੱਚਾ ਆਪਣੀ ਮਾਂ ਦੇ ਨਾਮ ‘ਤੇ ਰੁੱਖ ਲਗਾਉਂਦਾ ਹੈ, ਤਾਂ ਉਹ ਉਸ ਰੁੱਖ ਦੀ ਦੇਖਭਾਲ ਵੀ ਆਪਣੀ ਮਾਂ ਵਾਂਗ ਹੀ ਕਰੇਗਾ। ਇਸ ਤਰ੍ਹਾਂ, ਇਹ ਸਿਰਫ਼ ਰੁੱਖ ਲਗਾਉਣ ਦਾ ਇੱਕ ਕੰਮ ਨਹੀਂ ਹੈ, ਬਲਕਿ ਇਹ ਮਾਂ ਪ੍ਰਤੀ ਸਾਡੇ ਪਿਆਰ ਅਤੇ ਸਤਿਕਾਰ ਨੂੰ ਕੁਦਰਤ ਨਾਲ ਜੋੜਨ ਦਾ ਇੱਕ ਖੂਬਸੂਰਤ ਤਰੀਕਾ ਹੈ। ਇਹ ਸੱਚਮੁੱਚ ਇੱਕ ਬਹੁਤ ਹੀ ਪ੍ਰਸ਼ੰਸਾਯੋਗ ਅਤੇ ਨੇਕ ਉਪਰਾਲਾ ਹੈ।
ਜਤਿੰਦਰ ਸ਼ਰਮਾ
ਈ.ਟੀ.ਟੀ ਅਧਿਆਪਕ ਸ.ਪ.ਸ.ਵਾਂਦਰ ਪੱਤੀ ਕੋਟਸ਼ਮੀਰ (ਬਠਿੰਡਾ)
