ਮਹਿਤਪੁਰ,(ਸਮਾਜ ਵੀਕਲੀ) ( ਵਿਸ਼ੇਸ਼ ਪ੍ਰਤੀਨਿਧੀ )– ਮਹਿਤਪੁਰ ਜਗਰਾਓਂ ਰੋਡ ਸਥਿਤ ਹੀਰੋ ਮੋਟਰਸਾਈਕਲ ਦੀ ਇਜੰਸੀ ਦੇ ਮਾਲਕ ਗਗਨਦੀਪ ਪੁੱਤਰ ਬਲਬੀਰ ਸਿੰਘ ਵਾਸੀ ਸੁੰਦਰ ਨਗਰ ਨਕੋਦਰ ਨੇ ਅਜੀਤ ਟੀਮ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਉਨ੍ਹਾਂ ਦੀ ਗਣੇਸ਼ ਮੋਟਰਜ਼ ਦੇ ਨਾਮ ਪਰ ਨਜ਼ਦੀਕ ਚੀਮਾ ਹਸਪਤਾਲ ਮਹਿਤਪੁਰ ਵਿਖੇ ਮੋਟਰਸਾਈਕਲਾਂ ਦੀ ਇਜੰਸੀ ਹੈ। ਉਨ੍ਹਾਂ ਕਿਹਾ ਕਿ ਦਿਵਾਲੀ ਦੇ ਤਿਉਹਾਰ ਤੇ ਉਨ੍ਹਾਂ ਵੱਲੋਂ ਸੰਗੋਵਾਲ ਰੋਡ , ਨਜ਼ਦੀਕ ਪਟਰੋਲ ਪੰਪ , ਥਿੰਦ ਮਾਰਕੀਟ ਵਿਖੇ ਇਕ ਗਡਾਊਨ ਕਿਰਾਏ ਤੇ ਲੈ ਕੇ ਉਸ ਵਿਚ ਮੋਟਰ ਸਾਈਕਲ ਖੜ੍ਹੇ ਕੀਤੇ ਹੋਏ ਸਨ। ਦੇਰ ਰਾਤ ਅਣਪਛਾਤੇ ਚੋਰਾਂ ਵੱਲੋਂ ਗਡਾਊਨ ਦਾ ਸਟਰ ਤੋੜ ਕੇ ਤਿੰਨ ਹੀਰੋ ਮੋਟਰਸਾਈਕਲ ਜਿਨ੍ਹਾਂ ਦੀ ਕੀਮਤ ਕਰੀਬਨ ਦੋ ਲੱਖ ਰੁਪਏ ਬਣਦੀ ਹੈ ਚੋਰੀ ਕਰ ਲਏ ਗਏ। ਉਨ੍ਹਾਂ ਕਿਹਾ ਕਿ ਮੈਂ ਗਡਾਊਨ ਵੱਲ ਗੇੜਾ ਮਾਰਨ ਗਿਆ ਤਾਂ ਦੇਖਿਆ ਕਿ ਗਡਾਊਨ ਦਾ ਸਟਰ ਟੁਟਿਆ ਹੋਇਆ ਸੀ ਅਤੇ ਤਿੰਨ ਹੀਰੋ ਦੇ ਸਪਲੈਂਡਰ ਪਲੱਸ ਸ਼ੈਲਫ਼ ਸਟਾਟ ਮੋਟਰਸਾਈਕਲ ਚੋਰੀ ਕੀਤੇ ਜਾ ਚੁੱਕੇ ਸਨ। ਇਜੰਸੀ ਮਾਲਕ ਵੱਲੋਂ ਥਾਣਾ ਮਹਿਤਪੁਰ ਵਿਖੇ ਚੋਰੀ ਸਬੰਧੀ ਦਰਖਾਸਤ ਦੇ ਦਿੱਤੀ ਹੈ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
