(ਸਮਾਜ ਵੀਕਲੀ)
ਇੱਕ ਨਿਸ਼ਾਨ,ਤਖ਼ਤ, ਹੈ ਹੁਕਮ ਇੱਕੋ,
ਨਾ ਪੰਥ ਲਈ ਕੁਝ ਹੋਰ ਮੀਆਂ।
ਸਦੀਆਂ ਤੋਂ ਰੀਤ ਇਹ ਤੁਰੀ ਆਉਂਦੀ,
ਤੁੱਲ ਨਾਹੀਂ ਦਿੱਲੀ ਲਾਹੌਰ ਮੀਆਂ।
ਉੱਚੇ ਨਿਸ਼ਾਨ ਝੂਲ ਦੇਣ ਸੰਦੇਸ਼ ਇਹੇ,
ਉੱਚੀ ਪੀਰੀ, ਮੀਰੀ ਕਮਜ਼ੋਰ ਮੀਆਂ।
ਗੱਲ ਸੋਈ ਹੋਣੀਂ ਭਾਵੇ ਜੋ ਖ਼ਾਲਸੇ ਨੂੰ,
ਲੱਖ ਹੋਣ ਹਕੂਮਤੀ ਜ਼ੋਰ ਮੀਆਂ।
ਕੁਝ ਲੋਕ ਨੇ, ਸਵਾਰਥ ਵੱਸ ਹੋ ਕੇ,
ਪਤਾ ਹੁੰਦਿਆਂ ਪਾਉਂਦੇ ਸ਼ੋਰ ਮੀਆਂ।
ਮੈਨੂੰ ਲੱਗਦਾ ਸਾੜੇ ਸੀ ਜੋ ਕੱਠੇ,
ਸਿੰਘ,ਮੁਗਲ, ਗੜ੍ਹੀ ਚਮਕੌਰ ਮੀਆਂ।
ਉਹ ਹੁਣ ਜੰਮੇ ਮਲੇਸ਼ ਨੇ ਘਰਾਂ ਅੰਦਰ,
ਹੋਏ ਹੁਕਮੋਂ ਫ਼ਿਰਨ ਲੰਡੋਰ ਮੀਆਂ।
ਸੁਣੋਂ!ਜੋ ਹੋਇਆ ਮੁੜੇ ਨਾ ਹੁਕਮ ਉਹੋ,
ਬਣੋਂ ਕਿਉਂ ਫਿਰ ਦੱਸੋਂ ਚੋਰ ਮੀਆਂ।
ਪੰਜ ਸਿੰਘਾਂ ਵਿੱਚ ਰੱਬ ਦਾ ਵਾਸ ਹੁੰਦਾ,
ਪੱਤੋ, ਕਰਨਾ ਕਿਓਂ ਅਗਨੋਰ ਮੀਆਂ।
ਹਰਪ੍ਰੀਤ ਪੱਤੋ ਪਿੰਡ ਪੱਤੋ ਹੀਰਾ ਸਿੰਘ ਮੋਗਾ ਫੋਨ ਨੰਬਰ
94658-21417
