ਰੋਮੀ ਘੜਾਮੇਂ ਵਾਲ਼ਾ ਅਤੇ ਹੋਰ ਕਲਾਕਾਰਾਂ ਨੇ ਲਵਾਈਆਂ ਦਿਲ ਟੁੰਬਵੀਆਂ ਸੰਗੀਤਕ ਹਾਜ਼ਰੀਆਂ
ਚਮਕੌਰ ਸਾਹਿਬ (ਸਮਾਜ ਵੀਕਲੀ): ਕੌਰ ਵੈਲਫ਼ੇਅਰ ਫਾਉਂਡੇਸ਼ਨ (ਰਜਿ.) ਵੱਲੋਂ ਪਿੰਡ ਸੁਰਤਾਪੁਰ ਵਿਖੇ ਪੀਰ ਬਾਬੇ ਦੀ ਸਮਾਧ ‘ਤੇ ਕਰਵਾਇਆ, ਕੁੜੀਆਂ ਦਾ ਪਹਿਲਾ ਕਬੱਡੀ ਕੱਪ ਅਮਿੱਟ ਪੈੜਾਂ ਛੱਡਦਾ ਸਮਾਪਤ ਹੋਇਆ। ਫਾਊਂਡੇਸ਼ਨ ਦੇ ਚੇਅਰਮੈਨ ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਮੁੱਖ ਪ੍ਰਬੰਧਕ ਨਿੰਮਾ ਸੁਰਤਾਪੁਰੀ ਦੇਖ-ਰੇਖ ਵਿੱਚ ਹੋਏ ਇਸ ਟੂਰਨਾਮੈਂਟ ਵਿੱਚ ਜਲੰਧਰ, ਨਵਾਂ ਸ਼ਹਿਰ, ਸੰਗਰੂਰ, ਫਰੀਦਕੋਟ, ਫਾਜਿਲਕਾ, ਅਮਿ੍ੰਤਸਰ, ਰੂਪਨਗਰ, ਫਤਿਹਗੜ੍ਹ ਸਾਹਿਬ ਅਤੇ ਸੋਲਨ (ਹਿਮਾਚਲ ਪ੍ਰਦੇਸ਼) ਤੋਂ ਟੀਮਾਂ ਪਹੁੰਚੀਆਂ। ਕੌ.ਵੈੱ.ਫਾਂ. ਦੀਆਂ ਡਾਇਰੈਕਟਰਸ ਸੁਰਿੰਦਰ ਕੌਰ ਤੇ ਡਾ. ਜਸਬੀਰ ਕੌਰ ਵੱਲੋਂ ਉਦਘਾਟਨੀ ਰਸਮ ਉਪਰੰਤ ਲੀਗ ਮੁਕਾਬਲਿਆਂ ਤੋਂ ਬਾਅਦ ਫਾਈਨਲ ਵਿੱਚ ਫਤਿਹਗੜ੍ਹ ਸਾਹਿਬ ਨੇ ਪਹਿਲਾ ਇਨਾਮ 11000ਰੁਪਏ +ਕੱਪ ਅਤੇ ਰੋਪੜ ਨੇ ਦੂਜਾ 7100 ਰੁਪਏ+ਕੱਪ ਜਿੱਤੇ। ਰੋਪੜ ਦੀਆਂ ਜਸ਼ਨ ਤੇ ਗੁਰਜੀਤ ਨੂੰ ਬੈਸਟ ਰੇਡਰਾਂ ਅਤੇ ਫਤਿਹਗੜ੍ਹ ਸਾਹਿਬ ਤੋਂ ਗੰਗਾ ਸ਼ਰਮਾ ਨੂੰ ਬੈਸਟ ਕੈਚਰ ਵਜੋਂ ਸਨਮਾਨਿਤ ਕੀਤਾ ਗਿਆ।
ਰੂਪਨਗਰ ਕਬੱਡੀ ਐਸੋਸੀਏਸ਼ਨ ਦੇ ਪ੍ਰਧਾਨ ਭੁਪਿੰਦਰਜੀਤ ਸਿੰਘ ਮਿੰਟੂ, ਸੋਨੂੰ ਪੰਡਤ ਤੇ ਅਮਰਜੀਤ ਸਿੰਘ ਲਾਡੀ ਦੁਆਰਾ ਕੀਤੀ ਸ਼ਾਨਦਾਰ ਕੁਮੈਂਟਰੀ ਨੇ ਪੂਰੇ ਖੇਡ ਸਮਾਗਮ ਦੌਰਾਨ ਵੱਖਰਾ ਹੀ ਰੰਗ ਤੇ ਜਾਹੋ-ਜਲਾਲ ਭਰੀ ਰੱਖਿਆ। ਇਨਾਮ ਵੰਡ ਦੀ ਰਸਮ ਉਚੇਚੇ ਸੱਦੇ ‘ਤੇ ਪਹੁੰਚੇ ਗੱਬਰ ਸਿੰਘ ਐੱਸ.ਐੱਚ.ਓ. ਥਾਣਾ ਮਟੌਰ (ਮੋਹਾਲੀ) ਵੱਲੋਂ ਨਿਭਾਈ ਗਈ। ਮੈਚਾਂ ਤੋਂ ਬਾਅਦ ਗਾਇਕ ਰੋਮੀ ਘੜਾਮੇਂ ਵਾਲ਼ਾ, ਹਨੀ ਬੀ., ਸ਼ਰਨ ਭਿੰਡਰ, ਅਰਸ਼, ਜਿੰਦਰ ਢੱਕ, ਮਿਊਜਿਕ ਮਿਸਤਰੀ, ਸੁੱਖਾ ਧਾਲੀਵਾਲ, ਦੀਪੂ ਬਾਦਸ਼ਾਹ ਤੇ ਵਰਿੰਦਰ ਭੱਟੀ ਦੇ ਲੱਗੇ ਖੁੱਲੇ ਅਖਾੜੇ ਨੇ ਖੂਬ ਰੌਣਕਾਂ ਲਾਈਆਂ। ਇਸ ਮੌਕੇ ਜੈ ਦੇਵ ਸਿੰਘ ਮੁੱਖ ਸਲਾਹਕਾਰ, ਓਂਕਾਰ ਸਿੰਘ ਸਟੇਜ ਸੈਕਟਰੀ, ਸੁਖਦੇਵ ਸਿੰਘ ਲੰਬੜਦਾਰ, ਸਰਵਣ ਸਿੰਘ ਡਾਕਟਰ, ਹਿੰਮਤ ਸਿੰਘ ਸੁਰਤਾਪੁਰ, ਸੁਰਿੰਦਰ ਸਿੰਘ (ਹਰਿਆਣਾ), ਚਰਨਜੀਤ ਸਿੰਘ ਰਾਏ ਐੱਸ.ਡੀ.ਓ., ਐੱਮ.ਕੇ.ਡੀ. (ਡੀਜੇ/ਇਲੈਕਟ੍ਰੀਕਲ) ਸਰਵਿਸ ਰਿੰਕੂ ਸੈਣੀ ਕਟਲੀ ਖੂਨਦਾਨ ਕੈਂਪ ਆਯੋਜਕ, ਹੇਮੀ (ਸਾਊਂਡ ਸਰਵਿਸ) ਤੇ ਪ੍ਰਸ਼ੋਤਮ ਸਿੰਘ ਮਾਹਲਾਂ ਕਿਸਾਨ ਆਗੂ ਆਮ ਆਦਮੀ ਪਾਰਟੀ ਹਾਜ਼ਰ ਸਨ।
‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
