ਕਪੂਰਥਲਾ,(ਸਮਾਜ ਵੀਕਲੀ) ( ਕੌੜਾ )- ਅੱਖਰ ਮੰਚ ਵੱਲੋਂ ਜ਼ਿਲ੍ਹੇ ਦੇ ਕਾਰਜਕਾਰੀ ਖਜ਼ਾਨਾ ਅਫਸਰ ਜੈਮਲ ਸਿੰਘ ਦੇ ਸਨਮਾਨ ਵਿੱਚ ਭਾਵ ਪੂਰਤ ਸਮਾਗਮ ਆਯੋਜਿਤ ਕੀਤਾ ਗਿਆ। ਸਮਾਗਮ ਦੀ ਪ੍ਰਧਾਨਗੀ ਸੇਵਾ ਮੁਕਤ ਜ਼ਿਲ੍ਹਾ ਸਿੱਖਿਆ ਅਧਿਕਾਰੀ ਗੁਰਭਜਨ ਸਿੰਘ ਲਸਾਨੀ ਨੇ ਕੀਤੀ ਮੰਚ ਦੇ ਪ੍ਰਧਾਨ ਤੇ ਨੈਸ਼ਨਲ ਐਵਾਰਡੀ ਸਰਵਣ ਸਿੰਘ ਔਜਲਾ ਨੇ ਸਨਮਾਨ ਸਮਾਰੋਹ ਵਿੱਚ ਸ਼ਾਮਿਲ ਸ਼ਖਸ਼ੀਅਤਾਂ ਨੂੰ ਖੁਸ਼ਾਮਦੀਦ ਆਖਦੇ ਹੋਏ ਜੈਮਲ ਸਿੰਘ ਦੀ ਜੀਵਨ ਸੰਘਰਸ਼ ਸਬੰਧੀ ਵਿਸਥਾਰ ਪੂਰਵਕ ਰੋਸ਼ਨੀ ਪਾਈ । ਉਹਨਾਂ ਕਿਹਾ ਕਿ ਜੈਮਲ ਸਿੰਘ ਨੇ ਘਰ ਤੇ ਦਫਤਰ ਦੀਆਂ ਜਿੰਮੇਦਾਰੀਆਂ ਪੂਰੀ ਲਗਨ ਨਾਲ ਨਿਵਾਈਆਂ ਹਨ ਪ੍ਰੋਫੈਸਰ ਕੁਲਵੰਤ ਸਿੰਘ ਔਜਲਾ ਨੇ ਜੈਮਲ ਸਿੰਘ ਦੀ ਪ੍ਰਾਪਤੀ ਨੂੰ ਆਪਣੇ ਇਲਾਕੇ ਦੀ ਪ੍ਰਾਪਤੀ ਆਖਿਆ ਉਹਨਾਂ ਕਿਹਾ ਕਿ ਜੈਮਲ ਸਿੰਘ ਬਹੁਪੱਖੀ ਸ਼ਖਸ਼ੀਅਤ ਹਨ। ਹਰਪਿੰਦਰ ਸਿੰਘ ਬਾਜਵਾ ਨੇ ਜੈਮਲ ਸਿੰਘ ਦੇ ਮਿਲਣਸਾਰ ਸਹਿਯੋਗੀ ਸਮਰਪਿਤ ਸੁਭਾਅ ਦੀ ਵਡਿਆਈ ਕੀਤੀ । ਇਸ ਦੌਰਾਨ ਬਾਬਾ ਨਿਰਮਲ ਸਿੰਘ ਸਪੇਨ ਆਰਟਿਸਟ ਜਸਵੀਰ ਸੰਧੂ ਨੇ ਜੈਮਲ ਸਿੰਘ ਸਿੰਘ ਦੇ ਹੋ ਰਹੇ ਇਸ ਸਨਮਾਨ ਤੇ ਖੁਸ਼ੀ ਦਾ ਇਜ਼ਹਾਰ ਕਰਦਿਆਂ ਹੋਇਆਂ ਉਹਨਾਂ ਦੇ ਜੀਵਨ ਤੇ ਵਿਸਥਾਰ ਪੂਰਵਕ ਰੋਸ਼ਨੀ ਪਾਈ। ਇਸ ਦੌਰਾਨ ਅੱਖਰ ਮੰਚ ਦੀ ਟੀਮ ਨੇ ਜੈਮਲ ਸਿੰਘ ਨੂੰ ਅੱਖਰਾਂ ਦੇ ਤੋਹਫੇ ਨਾਲ ਵਿਸ਼ੇਸ਼ ਸਨਮਾਨ ਦੇ ਕੇ ਸਨਮਾਨਿਤ ਕੀਤਾ ਸਨਮਾਨ ਉਪਰੰਤ ਜੈਮਲ ਸਿੰਘ ਨੇ ਅੱਖਰ ਮੰਚ ਦੇ ਮੈਂਬਰਾਂ ਧੰਨਵਾਦ ਕੀਤਾ। ਉਹਨਾਂ ਕਿਹਾ ਕਿ ਅੱਖਰ ਮੰਚ ਵੱਲੋਂ ਸਨਮਾਨ ਕਰਨ ਨਾਲ ਸਮਾਜ ਪ੍ਰਤੀ ਮੇਰੀਆਂ ਜਿੰਮੇਵਾਰੀਆਂ ਹੋਰ ਵੀ ਵੱਧ ਗਈਆਂ ਹਨ। ਇਸ ਮੌਕੇ ਪ੍ਰੋਫੈਸਰ ਕੁਲਵੰਤ ਔਲਾ ਸਰਵਣ ਔਜਲਾ ਤੇ ਗੁਰਭਜਨ ਸਿੰਘ ਲਸਾਨੀ ਨੇ ਆਪੋ ਆਪਣੀਆਂ ਕਵਿਤਾਵਾਂ ਵੀ ਪੇਸ਼ ਕੀਤੀਆਂ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
