(ਸਮਾਜ ਵੀਕਲੀ)
ਤੇਰਾ ਫ਼ੈਸਲਾ ਨੀ ਹੈਗਾ ਇਹ ਠੀਕ ਦਿੱਲੀਏ
ਪਾਈ ਜਾਨੀਂ ਏਂ ਤਰੀਕ ਤੇ ਤਰੀਕ ਦਿੱਲੀਏ।
ਅੰਨਦਾਤੇ ਦਾ ਤੂੰ ਪਰਖੀ ਜਾਨੀ ਏ ਸਬਰ
ਟਾਲ ਮਟੋਲ ਵੀ ਹੁੰਦੈ ਇੱਕ ਹੱਦ ਤੀਕ ਦਿੱਲੀਏ ।
ਜੇ ਹੱਥ ਤੇਰੀ ਕੁਰਸੀ ਦੇ ਪਾਵਿਆਂ ਨੂੰ ਪਾ ਲਿਆ
ਚੱਡਿਆਂ ‘ਚ ਲੈ ਕੇ ਪੂਛ ਉੱਠੇਂਗੀ ਤੂੰ ਚੀਕ ਦਿੱਲੀਏ ।
ਵੇਲੇ ਸਿਰ ਪਾ ਲੈ ਝੋਲੀ ਚੁੱਕ ਡੁੱਲ੍ਹੇ ਹੋਏ ਬੇਰਾਂ ਨੂੰ
ਪਛਤਾਵੇਂਗੀ ਜੇ ਸਾਡੀ ਮੁੱਕਗੀ ਉਡੀਕ ਦਿੱਲੀਏ ।
ਕੋਝੀਆਂ ਤੂੰ ਚਾਲਾਂ ਸਦੀਆਂ ਤੋਂ ਆਈ ਚੱਲਦੀ
ਸਾਡੀ ਪੀੜ ਦੀ ਵੀ ਕਦੇ ਬਣ ਜਾ ਸ਼ਰੀਕ ਦਿੱਲੀਏ ।
ਇੱਟ ਕੁੱਤੇ ਦਾ ਤੂੰ ਸਦੀਆਂ ਤੋਂ ਵੈਰ ਰੱਖਿਆ
ਜੱਗੋਂ ਤੇਰਵੀਂ ਕੋਈ ਗੱਲ ਕਰ ਬਣਕੇ ਰਫ਼ੀਕ ਦਿੱਲੀਏ ।
ਕੁਝ ਪਾ ਗਏ ਸ਼ਹੀਦੀਆਂ ਤੇ ਅਸੀਂ ਤਿਆਰ ਬੈਠੇ ਹਾਂ
ਜਿੱਤ ਕੇ ਹੀ ਮੁੜਨਾ, ਹੈ ਗੱਲ ਤਸਦੀਕ ਦਿੱਲੀਏ।
ਜਤਿੰਦਰ ਭੁੱਚੋ
9501475400
