(ਸਮਾਜ ਵੀਕਲੀ)
1.
ਯੂ.ਪੀ ਦਾ ਇੱਕ ਸ਼ੇਰ ਦਹਾੜਿਆ ,
ਲੱਖਾਂ ਸ਼ੇਰ ਇਕੱਠੇ ਹੋ ਗਏ ।
ਅਜੇ ਅਸਾਡੀ ਅਣਖ ਜਿਉਂਦੀ ,
ਕਹਿ ਕੇ ਓਸ ਦੇ ਨਾਲ਼ ਖਲੋ ਗਏ ।
ਫਿਰਦੇ ਸੀ ਜਿਹੜੇ ਪੂੰਛਾਂ ਚੁੱਕੀਂ ,
ਸਾਰੇ ਚੱਡਿਆਂ ਵਿੱਚ ਲਕੋ ਗਏ ।
ਪੁਲਸ ਤੇ ਗੁੰਡਿਆਂ ਨੂੰ ਸਮਝਾ ‘ਤਾ ,
ਹਾਕਮ ਜਦੋਂ ਸੀ ਨਬਜ਼ਾਂ ਟੋਹ ਗਏ ।
2 .
ਹਾਕਮ ਦਾ ਹਰ ਇੱਕ ਮਨਸੂਬਾ ,
ਪੁੱਠਾ ਪੈ ਗਿਆ ਹੈ ।
ਟਿਕੈਤ ਦੇ ਨੈਣੋਂ ਕਿਰਿਆ ਅੱਥਰੂ,
ਲੈ ਕੇ ਬਹਿ ਗਿਆ ਹੈ ।
ਜਿਹਨਾਂ ਨੂੰ ਜਾਅਲੀ ਫੋਰਸਾਂ ਨਾਲ਼,
ਖਦੇੜਨਾਂ ਚਾਹੁੰਦਾ ਸੀ ;
ਦੇਸ਼ ਧਰੋਹੀਆਂ ਨੂੰ ਹੀ ਸੱਦਾ ,
ਦੇਣਾ ਪੈ ਗਿਆ ਹੈ ।
ਮੂਲ ਚੰਦ ਸ਼ਰਮਾ ਪ੍ਰਧਾਨ ,
ਪੰਜਾਬੀ ਸਾਹਿਤ ਸਭਾ ਧੂਰੀ ( ਪੰਜਾਬ )
148024
