(ਸਮਾਜ ਵੀਕਲੀ)
ਜਦ ਤਕ ਸੱਚ ਦਬਾਇਆ ਜਾਵੇ, ਬੋਲਾਂਗੇ ਅਸੀਂ,
ਜ਼ੰਜੀਰਾਂ ਨਾਲ ਟਕਰਾਂ ਮਾਰ ਕੇ ਖੋਲਾਂਗੇ ਅਸੀਂ।
ਹੱਕਾਂ ਦੀ ਗੱਲ ਕਰੀਏ ਤਾਂ ਚੁੱਪ ਕਿਉਂ ਰਹੀਏ,
ਇਕ ਦਿਨ ਸੱਚ ਦਾ ਦਰਬਾਰ ਖੋਲਾਂਗੇ ਅਸੀਂ।
ਧਰਤੀ ਵੀ ਆਪਣੀ, ਅਸਮਾਨ ਵੀ ਸਾਡਾ ਹੈ,
ਕਿਉਂ ਫਿਰ ਹੱਕ ਲਈ ਹਰੇਕ ਬਾਰ ਰੋਲਾਂਗੇ ਅਸੀਂ?
ਸੁਣ ਲਏ ਜੇ ਜ਼ਮਾਨਾ ਤਾਂ ਚੰਗਾ, ਨਹੀਂ ਤਾਂ,
ਕਲਮ ਨੂੰ ਹਥਿਆਰ ਬਣਾ ਕੇ ਬੋਲਾਂਗੇ ਅਸੀਂ।
ਹਰ ਜ਼ੁਲਮ ਦਾ ਹੁਣ ਹਿਸਾਬ ਲਿਖਾਂਗੇ ਸਾਫ਼,
ਚੁੱਪ ਰਹੇ ਜੋ ਕੱਲ੍ਹ ਤੱਕ,ਹਰ ਬੋਲ ਤੋਲਾਂਗੇ ਅਸੀਂ।
ਮੰਜੂ ਰਾਇਕਾ
