ਤੁਲਸੀ ਵਿਵਾਹ ਸਮਾਰੋਹ ਸ਼ਕਤੀ ਨਗਰ ਵਿੱਚ ਧੂਮਧਾਮ ਨਾਲ ਮਨਾਇਆ ਗਿਆ

 ਡੇਰਾਬੱਸੀ   (ਸਮਾਜ ਵੀਕਲੀ)  (ਸੰਜੀਵ ਸਿੰਘ ਸੈਣੀ) ਸ੍ਰੀ ਹਨੂੰਮਾਨ ਮੰਦਿਰ ਸ਼ਕਤੀ ਨਗਰ (ਡੇਰਾਬੱਸੀ) ਵਿਖੇ ਅੱਜ ਧਾਰਮਿਕ ਸ਼ਰਧਾ ਤੇ ਉਤਸ਼ਾਹ ਨਾਲ ਤੁਲਸੀ ਵਿਵਾਹ ਸਮਾਰੋਹ ਮਨਾਇਆ ਗਿਆ। ਇਸ ਪਵਿੱਤਰ ਮੌਕੇ ‘ਤੇ ਸ਼ਹਿਰ ਦੇ ਪ੍ਰਸਿੱਧ ਸਮਾਜ ਸੇਵੀ ਹਰਦੀਪ ਸਿੰਘ ਸੈਣੀ, ਪੁੱਤਰ ਸਰਦਾਰ ਗੁਰਦਰਸ਼ਨ ਸਿੰਘ ਸੈਣੀ ਨੇ ਵਿਸ਼ੇਸ਼ ਤੌਰ ‘ਤੇ ਹਾਜ਼ਰੀ ਭਰੀ। ਮੰਦਿਰ ਕਮੇਟੀ ਵੱਲੋਂ ਉਨ੍ਹਾਂ ਦਾ ਗਰਮਜੋਸ਼ੀ ਨਾਲ ਸਵਾਗਤ ਕੀਤਾ ਗਿਆ ਤੇ ਉਨ੍ਹਾਂ ਨੂੰ ਸ਼ਾਲ ਅਤੇ ਮਾਲਾ ਭੇਟ ਕਰਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਤੇ ਹਰਦੀਪ ਸਿੰਘ ਸੈਣੀ ਨੇ ਆਪਣੇ ਵਿਚਾਰ ਪ੍ਰਗਟ ਕਰਦੇ ਹੋਏ ਕਿਹਾ ਕਿ, “ਤੁਲਸੀ ਮਾਤਾ ਸ਼ੁੱਧਤਾ, ਆਸਤਿਕਤਾ ਅਤੇ ਸੇਵਾ ਦੀ ਪ੍ਰਤੀਕ ਹੈ। ਤੁਲਸੀ ਵਿਵਾਹ ਨਾ ਸਿਰਫ਼ ਇੱਕ ਧਾਰਮਿਕ ਰਸਮ ਹੈ, ਸਗੋਂ ਇਹ ਸਾਡੇ ਜੀਵਨ ਵਿੱਚ ਸੱਚਾਈ, ਪ੍ਰੇਮ ਅਤੇ ਭਰੋਸੇ ਦੇ ਸੰਦੇਸ਼ ਨੂੰ ਮਜ਼ਬੂਤ ਕਰਦਾ ਹੈ। ਅਜਿਹੇ ਸਮਾਰੋਹ ਸਾਡੇ ਧਾਰਮਿਕ ਤੇ ਸਾਂਸਕ੍ਰਿਤਿਕ ਸੰਸਕਾਰਾਂ ਨੂੰ ਜਿਉਂਦਾ ਰੱਖਣ ਦਾ ਸਾਧਨ ਹਨ।” ਸਮਾਰੋਹ ਦੌਰਾਨ ਜਤਿੰਦਰ ਚੱਢਾ, ਸੁਸ਼ੀਲ ਵਿਆਸ, ਵਿਕਾਸ ਜੈਨ, ਅਰਜੁਨ ਸਿੰਘ, ਓ.ਪੀ. ਸ਼ਰਮਾ, ਮਹੇਂਦਰ ਪਾਲ, ਸੁਦੇਸ਼ ਚੱਢਾ, ਅਨੀਤਾ ਧਵਨ, ਮੀਨਾ ਵਿਆਸ ਅਤੇ ਕੀਰਤਨ ਮੰਡਲੀ ਦੇ ਮੈਂਬਰਾਂ ਸਮੇਤ ਕਈ ਭਗਤ ਹਾਜ਼ਰ ਸਨ। ਕੀਰਤਨ ਮੰਡਲੀ ਵੱਲੋਂ ਸੁਰੀਲੇ ਭਜਨਾਂ ਨਾਲ ਪੂਰੇ ਮੰਦਰ ਪ੍ਰੰਗਣ ਵਿੱਚ ਭਗਤੀਮਈ ਮਾਹੌਲ ਬਣ ਗਿਆ। ਮੰਦਿਰ ਪ੍ਰਬੰਧਕ ਮੰਡਲ ਨੇ ਸਮਾਰੋਹ ਦੇ ਸਫਲ ਆਯੋਜਨ ਲਈ ਸਭ ਹਾਜ਼ਰੀ ਭਰਣ ਵਾਲਿਆਂ ਦਾ ਧੰਨਵਾਦ ਕੀਤਾ ਅਤੇ ਅੰਤ ਵਿੱਚ ਪ੍ਰਸਾਦ ਦਾ ਵਿਤਰਨ ਕੀਤਾ ਗਿਆ।