ਸਮੂਹ ਸਕਿਉਰਟੀ ਗਾਰਡ ਵੱਲੋ ਚੁਣੀ ਗਈ 13 ਮੈਂਬਰੀ ਕਮੇਟੀ

ਫਰੀਦਕੋਟ (ਸਮਾਜ ਵੀਕਲੀ)  ਅੱਜ ਬਾਬਾ ਫ਼ਰੀਦ ਯੂਨੀਵਰਸਿਟੀ ਆਫ ਹੈਲਥ ਸਾਇੰਸਜ਼ ਫ਼ਰੀਦਕੋਟ ਦੇ ਸਕਿਉਰਟੀ ਗਾਰਡ ਵੱਲੋ ਗੁਰੂ ਗੋਬਿੰਦ ਸਿੰਘ ਮੈਡੀਕਲ ਹਸਪਤਾਲ ਦੇ ਓ.ਪੀ.ਡੀ ਤੇ ਇਕੱਠ ਕਰ ਡਿਊਟੀ ਦੌਰਾਨ ਆ ਰਹੀਆਂ ਦਿਕਤਾਂ ਤੇ ਤਨਖ਼ਾਹ ਵਾਧੇ ਲਈ 13 ਮੈਂਬਰੀ ਕਮੇਟੀ ਦਾ ਗਠਨ ਕੀਤਾ ਗਿਆ। ਇਹ ‘ਦੀ ਫੋਰਥ ਕਲਾਸ ਯੂਨੀਅਨ’ ਦੇ ਜਿਲਾ ਪ੍ਰਧਾਨ ਇਕਬਾਲ ਸਿੰਘ ਢੁੱਡੀ, ਜਰਨਲ ਸਕੱਤਰ ਬਲਕਾਰ ਸਿੰਘ ਸਹੋਤਾ ਤੇ ਪੰਜਾਬ ਪੈਨਸ਼ਨਰ ਆਗੂ ਕਾਮਰੇਡ ਅਸ਼ੋਕ ਕੌਸ਼ਲ ਜੀ ਦੀ ਅਗਵਾਈ ਹੇਠ ਹੋਇਆਂ । ਇਸ ਸਮੇ ਸਮੂਹ ਸਕਿਉਰਟੀ ਗਾਰਡ ਵੱਲੋ 13 ਮੈਂਬਰੀ ਕਮੇਟੀ ਲਈ ਸਹਿਮਤੀ ਪ੍ਰਗਟਾਈ ਗਈ । ਸਮੂਹ ਸਕਿਉਰਟੀ ਗਾਰਡ ਮੁਲਾਜਮਾਂ ਦੀਆ ਮੰਗਾਂ ਪ੍ਰਤੀ 13 ਮੈਂਬਰੀ ਕਮੇਟੀ ਫੈਸਲੇ ਲਵੇਗੀ ਅਤੇ ਯੂਨਿਵਰਸਿਟੀ ਪ੍ਰਸ਼ਾਸਨ ਤੱਕ ਪਹੁੰਚਾਏਗੀ।