(ਸਮਾਜ ਵੀਕਲੀ)
ਨੈਣ ਮਿਲਾ ਕੇ ਦਿਲ ਮੇਰਾ ਧੜਕਾ ਜਾਂਦਾ ,
ਉਸ ਦਾ ਨਖ਼ਰਾ ਸੱਚੀ ਹੋਸ਼ ਭੁਲਾ ਜਾਂਦਾ !
ਕਰ ਜਾਂਦਾ ਏ ਪਾਗਲ ੳਹਦਾ ਹਸਣਾ ਵੀ ,
ਨੀਵੀਂ ਪਾ ਕੇ ਤਕਣਾ ਸੋਚੀਂ ਪਾ ਜਾਂਦਾ !
ਜਦ ਤੁਰਦਾ ਏ ਪੋਲੇ ਪੈਰੀਂ ਧਰਤੀ ਤੇ ,
ਦਿਲ ਮੇਰਾ ਅਸਮਾਨੀਂ ਉੱਡਣ ਲਾ ਜਾਂਦਾ !
ਫੁੱਲਾਂ ਤੋਂ ਵਧ ਨੂਰ ਗੁਲਾਬੀ ਚਿਹਰੇ ਤੇ ,
ਚਾਰੋ ਪਾਸੇ ਖੁਸ਼ਬੂ ਉਹ ਫੈਲਾ ਜਾਂਦਾ !
ਛਾ ਜਾਂਦੀ ਇਕ ਕਾਲੀ਼ ਬਦਲੀ਼ ਅੰਬਰ ਤੇ ,
ਨੈਣੀਂ ਪਾ ਕੇ ਕੱਜਲ਼ ਜਦ ਮਟਕਾ ਜਾਂਦਾ !
ਸੂਰਜ ਵੀ ਫਿੱਕਾ ਏ ੳਹਦੇ ਮੁਖ ਸਾਹਵੇਂ ,
ਵੇਖ ਕੇ ਓਹਨੂੰ ਚੰਦਾ ਵੀ ਸ਼ਰਮਾ ਜਾਂਦਾ !
ਆਮ ਜਿਹਾ ਏ ਰੁਤਬਾ ਇੱਥੇ #ਬੱਬੂ ਦਾ ,
ਅਪਣਾ ਕਹਿ ਕੇ ਸਭ ਤੋਂ ਖਾਸ ਬਣਾ ਜਾਂਦਾ !
ਬਲਬੀਰ ਕੌਰ ਬੱਬੂ
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
