(ਸਮਾਜ ਵੀਕਲੀ)
ਝੰਡੇ ਵਿੱਚ ਡੰਡਾ ਅਸੀਂ ਫਸਾਉਣ ਜੋਗੇ ਹੋ ਗਏ
ਰੈਲੀਆਂ ਚ ਮੂਹਰੇ ਨਾਹਰੇ ਲਾਉਣ ਜੋਗੇ ਹੋ ਗਏ
ਵੋਟਾਂ ਵੇਲੇ ਪੀ ਕੇ ਮੁਫ਼ਤ ਦੀ ਦਾਰੂ
ਗਲੀਆਂ ਚ ਬੱਕਰੇ ਬੁਲਾਉਣ ਜੋਗੇ ਹੋ ਗਏ
ਸ਼ਹੀਦਾਂ ਦੀ ਕਰਨੀ ਤੇ ਕੋਈ ਚੱਲਦਾ ਨਹੀਂ
ਬੱਸ ਬੁੱਤਾਂ ਉੱਤੇ ਹਾਰ ਚੜ੍ਹਾਉਣ ਜੋਗੇ ਹੋ ਗਏ
ਪੰਝੱਤਰ ਸਾਲਾਂ ਚ ਕੁਝ ਖੱਟਿਆ ਨਹੀ
ਐਵੇਂ ਹਰ ਸਾਲ ਝੰਡਾ ਲਹਿਰਾਉਣ ਜੋਗੇ ਹੋ ਗਏ
ਭ੍ਰਿਸ਼ਟਾਚਾਰੀ ਤੇ ਬੇਰੋਜਗਾਰੀ ਸਾਥੋਂ ਦੂਰ ਨਾ ਹੋਈ
ਦੇਕੇ ਰਿਸ਼ਵਤਾਂ ਟਾਈਮ ਟਪਾਉਣ ਜੋਗੇ ਹੋ ਗਏ
ਸੱਚੇ ਭਾਰਤਵਾਸੀ ਅਸੀਂ ਕਹਾਵਾਂਗੇ ਉਦੋਂ
ਜਦੋਂ ਲੋਟੂਆਂ ਤੋਂ ਦੇਸ਼ ਨੂੰ ਬਚਾਉਂਣ ਜੋਗੇ ਹੋ ਗਏ
ਬੋਲਣ ਤੋਂ ਪਹਿਲਾਂ ਦੀਪ ਘੁੱਟ ਦਿੰਦੇ ਮੂੰਹ
ਸਾਰੇ ਇਥੇ ਸੱਚ ਨੂੰ ਦਬਾਉਣ ਜੋਗੇ ਹੋ ਗਏ
ਅਮਨਦੀਪ ਕੌਰ ਹਾਕਮ ਸਿੰਘ ਵਾਲਾ ਬਠਿੰਡਾ
9877654596
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly