ਦਿੜਬਾ ਮੰਡੀ ਨਕੋਦਰ ਮਹਿਤਪੁਰ (ਹਰਜਿੰਦਰ ਪਾਲ ਛਾਬੜਾ) (ਸਮਾਜ ਵੀਕਲੀ): ਪੰਜਾਬੀਆਂ ਦੇ ਹਰਮਨ ਪਿਆਰੇ ਨੇਤਾ ਨਵਜੋਤ ਸਿੰਘ ਸਿੱਧੂ ਨੂੰ ਅੱਜ ਕਾਂਗਰਸ ਹਾਈ ਕਮਾਂਡ ਨੇ ਪੰਜਾਬ ਦੀ ਪ੍ਰਧਾਨਗੀ ਦੀ ਵਾਂਗਡੋਰ ਸੋਂਪ ਦਿੱਤੀ ਹੈ। ਸਿੱਧੂ ਹਰ ਵਰਗ ਦੇ ਲੋਕਾਂ ਦੇ ਚਹੇਤੇ ਨੇਤਾ ਹਨ। ਇਸ ਮੌਕੇ ਹਲਕਾ ਦਿੜਬਾ ਨਾਲ ਸਬੰਧਿਤ ਉੱਘੇ ਸਮਾਜ ਸੇਵਕ, ਖੇਡ ਪ੍ਰੇਮੀ, ਤਿੱਬਤ ਭਾਰਤ ਸਹਿਯੋਗ ਮੰਚ ਦੇ ਆਗੂ, ਸਸਟੋਬਾਲ ਐਸੋਸੀਏਸ਼ਨ ਪੰਜਾਬ ਦੇ ਪ੍ਰਧਾਨ ਰਣਧੀਰ ਸਿੰਘ ਕਲੇਰ ਨੇ ਦੱਸਿਆ ਕਿ ਸਿੱਧੂ ਦੇ ਪ੍ਰਧਾਨ ਬਣਨ ਨਾਲ ਪੰਜਾਬ ਵਿਚ ਚੰਗੀ ਰਾਜਨੀਤਿਕ ਪਾਰੀ ਦਾ ਆਗਾਜ ਹੋਵੇਗਾ। ਸਿੱਧੂ ਪਰਿਵਾਰ ਦੇ ਅਤਿ ਨਜਦੀਕੀ ਅਤੇ ਮੈਡਮ ਨਵਜੋਤ ਕੌਰ ਸਿੱਧੂ ਦੇ ਨੇੜਲੇ ਆਗੂ ਸ੍ ਕਲੇਰ ਨੇ ਇਸ ਸਮੇਂ ਆਪਣੀ ਪੂਰੀ ਟੀਮ ਸਮੇਤ ਸਿੱਧੂ ਨੂੰ ਵਧਾਈ ਦਿੱਤੀ। ਉਹ ਸੰਗਰੂਰ ਦੀ ਸਿਆਸਤ ਵਿਚ ਚੰਗਾ ਰਸੂਖ ਰੱਖਦੇ ਹਨ।
ਇਸ ਮੌਕੇ ਬਾਂਸਲਜ ਗਰੁੱਪ ਦੇ ਚੇਅਰਮੈਨ ਸੰਜੀਵ ਬਾਂਸਲ ਚੇਅਰਮੈਨ ਸਸਟੋਬਾਲ ਐਸੋਸੀਏਸ਼ਨ ਸੰਗਰੂਰ ਨੇ ਵੀ ਸਿੱਧੂ ਦੀ ਨਿਯੁਕਤੀ ਦਾ ਸਵਾਗਤ ਕੀਤਾ ਹੈ। ਉਹਨਾਂ ਦੱਸਿਆ ਕਿ ਸਿੱਧੂ ਪੰਜਾਬ ਦੇ ਹਿੱਤਾ ਲਈ ਮਜਬੂਤੀ ਨਾਲ ਖੜਨ ਵਾਲੇ ਆਗੂ ਹਨ। ਇਸ ਮੌਕੇ ਗੁਰਕੀਮਤ ਸਿੰਘ ਸਿੱਧੂ ਬਰਨਾਲਾ, ਮੁਨੀਸ਼ ਸਿੰਗਲਾ ਮੀਤ ਪ੍ਰਧਾਨ ਸਸਟੋਬਾਲ ਐਸੋਸੀਏਸ਼ਨ ਸੰਗਰੂਰ, ਕੁਲਦੀਪ ਸਿੰਘ ਔਜਲਾ ਆੜਤੀਆ ਐਸੋਸੀਏਸ਼ਨ ਛਾਹੜ, ਗੁਰਸੇਵਕ ਸਿੰਘ ਲੱਡੂ ਖੜਿਆਲ, ਜਗਦੀਪ ਸਿੰਘ ਘਾਕੀ, ਉੱਘੇ ਖੇਡ ਬੁਲਾਰੇ ਸਤਪਾਲ ਮਾਹੀ ਖਡਿਆਲ ਨੇ ਸਿੱਧੂ ਦੀ ਨਿਯੁਕਤੀ ਦਾ ਸਵਾਗਤ ਕੀਤਾ ਹੈ ।।
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
