ਹਲਕਾ ਵਿਧਾਇਕ ਸ੍ਰ.ਗੁਰਦਿੱਤ ਸਿੰਘ ਸੇਖੋਂ ਨੂੰ ਦਿੱਤਾ ਗਿਆ ਮੰਗ ਪੱਤਰ

ਫ਼ਰੀਦਕੋਟ- ਅੱਜ ਸਕਿਓਰਟੀ ਇੰਪਲਾਈਜ਼ ਯੂਨੀਅਨ , ਬਾਬਾ ਫ਼ਰੀਦ ਯੂਨੀਵਰਸਿਟੀ ਆਫ਼ ਹੈਲਥ ਸਾਇੰਸਜ਼ ਫ਼ਰੀਦਕੋਟ ਵੱਲੋਂ ਹਲਕਾ ਵਿਧਾਇਕ ਸ੍ਰ.ਗੁਰਦਿੱਤ ਸਿੰਘ ਸੇਖੋਂ ਨੂੰ ਦਿੱਤਾ ਗਿਆ ਮੰਗ ਪੱਤਰ । ਇਹ ਜਾਣਕਾਰੀ ਯੂਨੀਅਨ ਦੇ ਪ੍ਰੈਸ ਸਕੱਤਰ ਜਸਕਰਨ ਸਿੰਘ ਢੀਮਾਂ ਵਾਲੀ ਨੇ ਦਿੱਤੀ । ਓਨਾਂ ਦੱਸਿਆ ਕਿ ਯੂਨੀਅਨ ਦੇ ਪ੍ਰਧਾਨ ਸੁਖਵਿੰਦਰ ਸਿੰਘ ਗਿੱਲ ਯੋਗ ਅਗਵਾਈ ਹੇਠ ਮੁਲਾਜ਼ਮ ਸਾਥੀਆਂ ਨੂੰ ਰੈਗੂਲਰ ਭਰਤੀ ਕਰਨ ਲਈ ਮੰਗ ਪੱਤਰ ਦਿੱਤਾ ਗਿਆ , ਕਿਉਂਕਿ ਸਾਡੇ ਮੁਲਾਜ਼ਮ ਤਕਰੀਬਨ 15 /16 ਸਾਲਾਂ ਤੋਂ ਨਿਗੂਣੀਆਂ ਤਨਖਾਹਾਂ ਤੇ ਆਪਣੀ ਤਨਦੇਹੀ ਡਿਊਟੀਆਂ ਕਰ ਰਹੇ ਹਨ । ਓਨਾਂ ਦੱਸਿਆ ,ਏਨੀ ਮਹਿੰਗਾਈ ਦੇ ਦੌਰ ਵਿੱਚ ਪਰਿਵਾਰ ਦਾ ਗੁਜ਼ਾਰਾ ਬੜੀ ਮੁਸ਼ਕਿਲ ਨਾਲ ਚੱਲਦਾ ਹੈ । ਮਹਿੰਗਾਈ ਦਿਨੋਂ ਦਿਨ ਅੰਬਰਾਂ ਨੂੰ ਛੂਹ ਰਹੀ ਤੇ ਤਨਖਾਹਾਂ ਦਾ ਵਾਧਾ ਉਥੇ ਰੁਕਿਆ ਹੋਇਆ । ਹਲਕਾ ਵਿਧਾਇਕ ਵੱਲੋਂ ਮੁਲਾਜ਼ਮਾਂ ਨੂੰ ਭਰੋਸਾ ਦਵਾਇਆ ਗਿਆ ਕਿ ਓਹ ਜਲਦ ਪੰਜਾਬ  ਸਰਕਾਰ ਤੇ ਯੂਨੀਵਰਸਿਟੀ ਦੇ ਵਾਈਸ ਚਾਂਸਲਰ ਨਾਲ ਓਨਾਂ ਦੀ ਮੰਗ ਤੇ ਗੱਲਬਾਤ ਕੀਤੀ ਜਾਵੇਗੀ । ਓਨਾਂ ਕਿਹਾ ਤੁਹਾਡੀ ਮੰਗ ਨੂੰ ਜਲਦ ਅਮਲ ਵਿੱਚ ਲਿਆਂਦਾ ਜਾਵੇਗਾ ।

   ਇਸ ਸਮੇਂ ਹਾਜ਼ਰ ਸ਼ਿਵਨਾਥ ਦਰਦੀ ਜਰਨਲ ਸਕੱਤਰ , ਰਣਜੀਤ ਗੋਲੇਵਾਲਾ , ਜੋਗਰਾਜ , ਸਤਨਾਮ , ਰਾਜਵਿੰਦਰ , ਰਣਜੀਤ , ਹਰਿੰਦਰ ਸੁਪਰਵਾਈਜ਼ਰ , ਜਗਸੀਰ ਸ਼ਾਹੀ , ਗੁਰਭੇਜ , ਗੁਰਪ੍ਰੀਤ ਗੋਲੂ , ਮੇਜਰ , ਮਨਵੀਰ , ਸੁਖਦੇਵ ਮਚਾਕੀ , ਲਲਿਤ ਕੁਮਾਰ , ਬਲਵਿੰਦਰ , ਚਰਨਜੀਤ ,ਬਨੀ , ਮੰਡ ਆਦਿ ਸਨ ।