(ਸਮਾਜ ਵੀਕਲੀ)
ਅਬਾਦੀ ਵਿੱਚ ਸਭ ਦੇ ਰਿਕਾਰਡ ਤੋੜ ਤੇ,
ਕਹਿੰਦੇ ਭਾਰਤ ਨੇ
ਸਿਹਤ,ਸਿੱਖਿਆ ਦੇ ਨੱਕੇ,
ਪਿੱਛੇ ਵੱਲ ਮੋੜਤੇ
ਕਹਿੰਦੇ ਭਾਰਤ ਨੇ
ਭੁੱਖਮਰੀ ਵਾਲੇ ਅੰਕੜੇ ਚ,
ਹੋਰ ਜੋੜ ਤੇ
ਕਹਿੰਦੇ ਭਾਰਤ ਨੇ
ਆਮ ਲੋਕਾਂ ਦੇ ਵਿਕਾਸ ਵਾਲੇ,
ਲੰਡੇ ਰੋੜ੍ਹ ਤੇ
ਕਹਿੰਦੇ ਭਾਰਤ ਨੇ
ਮੰਗੀ ਨੌਕਰੀ ਤਾਂ,ਚੌਕਾਂ ਵਿੱਚ ਸਿਰ ਫੋੜ੍ਹਤੇ
ਕਹਿੰਦੇ ਭਾਰਤ ਨੇ
ਗੱਲੀਂ ਬਾਤੀਂ ਵੈਰੀ, ਆਪਣੇ ਮਰੋੜਤੇ
ਕਹਿੰਦੇ ਭਾਰਤ ਨੇ
ਨੇਤਾਵਾਂ ਛੱਡਿਆ ਨਾ ਪੈਸਾ,
ਪਿਆ ਟੀਸੀ ਬੋਹੜ ਤੇ
ਕਹਿੰਦੇ ਭਾਰਤ ਨੇ
ਫ਼ੌਜੀਆ ਲਾਈ ਨਾ ਬਰੇਕ,
ਵਿਦੇਸ਼ ਵਾਲ਼ੀ ਹੋੜ ਤੇ
ਕਹਿੰਦੇ ਭਾਰਤ ਨੇ
ਅਮਰਜੀਤ ਸਿੰਘ ਫ਼ੌਜੀ
ਪਿੰਡ ਦੀਨਾ ਸਾਹਿਬ
ਜ਼ਿਲ੍ਹਾ ਮੋਗਾ ਪੰਜਾਬ
95011-27033
