ਨਵੀਂ ਦਿੱਲੀ— ਆਸਟ੍ਰੇਲੀਆ ‘ਚ ਇਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ਇੱਕ ਵਿਅਕਤੀ ਦੀ ਸਰਜਰੀ ਹੋਈ ਅਤੇ ਉਸ ਦੇ ਅੰਦਰ ਧਾਤ ਦਾ ਬਣਿਆ ਦਿਲ ਟਰਾਂਸਪਲਾਂਟ ਕੀਤਾ ਗਿਆ। ਡਾਕਟਰਾਂ ਨੂੰ ਇਸ ਸਰਜਰੀ ਵਿਚ ਸਫਲਤਾ ਮਿਲੀ ਅਤੇ ਮਰੀਜ਼ ਲਗਭਗ 100 ਦਿਨ ਇਸ ਦਿਲ ਨਾਲ ਜ਼ਿੰਦਾ ਰਿਹਾ।
ਦਰਅਸਲ, ਇਸ ਵਿਅਕਤੀ ਦਾ ਨਵੰਬਰ 2023 ਦੌਰਾਨ ਸਿਡਨੀ ਦੇ ਸੇਂਟ ਵਿਨਸੈਂਟ ਹਸਪਤਾਲ ਵਿੱਚ ਆਪ੍ਰੇਸ਼ਨ ਕੀਤਾ ਗਿਆ ਸੀ। ਮਰੀਜ਼ ਦਾ ਦਿਲ ਪੂਰੀ ਤਰ੍ਹਾਂ ਫੇਲ੍ਹ ਹੋ ਚੁੱਕਾ ਸੀ। ਕੋਈ ਤਤਕਾਲ ਦਿਲ ਦਾਨੀ ਨਹੀਂ ਸੀ। ਇਸ ਤੋਂ ਬਾਅਦ ਡਾਕਟਰਾਂ ਦੀ ਟੀਮ ਨੇ 6 ਘੰਟੇ ਦੀ ਸਰਜਰੀ ਤੋਂ ਬਾਅਦ ਡੇਨੀਅਲ ਟਿਮਜ਼ ਦੁਆਰਾ ਤਿਆਰ ਕੀਤਾ ਗਿਆ ਬੀਕੋਰ ਟੋਟਲ ਆਰਟੀਫਿਸ਼ੀਅਲ ਹਾਰਟ ਪੂਰੀ ਤਰ੍ਹਾਂ ਨਾਲ ਮਰੀਜ ‘ਚ ਲਗਾ ਦਿੱਤਾ। ਇਹ ਨਕਲੀ ਦਿਲ ਦੁਨੀਆ ਦਾ ਪਹਿਲਾ ਰੋਟਰੀ ਬਲੱਡ ਪੰਪ ਹੈ। ਮਰੀਜ਼ ਇਸ ਦਿਲ ‘ਤੇ ਜ਼ਿੰਦਾ ਰਿਹਾ ਅਤੇ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਗਈ ਅਤੇ ਆਮ ਤੌਰ ‘ਤੇ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ। ਜਦੋਂ ਉਸ ਨੂੰ ਦਿਲ ਦੇਣ ਲਈ ਕੋਈ ਦਾਨੀ ਮਿਲਿਆ ਤਾਂ ਸੌ ਦਿਨਾਂ ਬਾਅਦ ਉਸ ਦੇ ਸਰੀਰ ਵਿਚ ਮਨੁੱਖੀ ਦਿਲ ਲਗਾਇਆ ਗਿਆ। ਉਹ ਟਾਈਟੇਨੀਅਮ ਦੇ ਬਣੇ ਦਿਲ ਦੀ ਵਰਤੋਂ ਕਰਨ ਵਾਲਾ ਪਹਿਲਾ ਵਿਅਕਤੀ ਬਣ ਗਿਆ। ਇਸ ਮਸ਼ੀਨੀ ਦਿਲ ਦੀ ਮਦਦ ਨਾਲ ਇਨਸਾਨ 100 ਦਿਨ ਤੱਕ ਜ਼ਿੰਦਾ ਰਿਹਾ, ਇਹ ਕਿਸੇ ਚਮਤਕਾਰ ਤੋਂ ਘੱਟ ਨਹੀਂ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਇਹ ਨਕਲੀ ਦਿਲ ਮੈਗਨੈਟਿਕ ਲੇਵੀਟੇਸ਼ਨ ਟੈਕਨਾਲੋਜੀ ਦਾ ਇਸਤੇਮਾਲ ਕਰਦਾ ਹੈ, ਜੋ ਹਾਈ ਸਪੀਡ ਟਰੇਨਾਂ ‘ਚ ਵਰਤੀ ਜਾਣ ਵਾਲੀ ਤਕਨੀਕ ਵਰਗੀ ਹੈ। ਇਹ ਸਰੀਰ ਅਤੇ ਫੇਫੜਿਆਂ ਵਿੱਚ ਖੂਨ ਨੂੰ ਪੰਪ ਕਰਨ ਲਈ ਕੰਮ ਕਰਦਾ ਹੈ, ਇਸ ਤਰ੍ਹਾਂ ਦਿਲ ਦੇ ਦੋਵੇਂ ਵੈਂਟ੍ਰਿਕਲਾਂ ਨੂੰ ਬਦਲਦਾ ਹੈ। ਇਸ ਵਿੱਚ ਸਿਰਫ ਇੱਕ ਹਿਲਾਉਣ ਵਾਲਾ ਹਿੱਸਾ ਅਤੇ ਇੱਕ ਘੁੰਮਦਾ ਰੋਟਰ ਹੁੰਦਾ ਹੈ, ਜੋ ਮੈਗਨੇਟ ਦੀ ਮਦਦ ਨਾਲ ਸੰਤੁਲਿਤ ਹੁੰਦਾ ਹੈ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
