ਫਿਲੌਰ/ਅੱਪਰਾ (ਸਮਾਜ ਵੀਕਲੀ) (ਜੱਸੀ)-ਹਰ ਸਾਲ ਦੀ ਤਰਾਂ ਇਸ ਸਾਲ ਵੀ ਦਰਬਾਰ ਸਰਬਰ ਸਖੀ ਸੁਲਤਾਨ ਲੱਖ ਦਾਤਾ ਪੀਰ ਲਾਲਾਂ ਵਾਲੀ ਸਰਕਾਰ ਅੱਡਾ ਫਿਲੌਰ ਵਾਲਾ ਅੱਪਰਾ ਵਿਖੇ ਹਜ਼ਰਤ ਗੌਂਸਪਾਲ ਗੌਂਸਲੇ ਆਜ਼ਮ ਵੈਂੱਲਫੇਅਰ ਕਮੇਟੀ (ਰਜ਼ਿ) ਅੱਪਰਾ ਵਲੋਂ ਐੱਨ. ਆਰ. ਆਈ ਵੀਰਾਂ ਤੇ ਸਮੂਹ ਨਗਰ ਨਿਵਾਸੀਆਂ ਦੇ ਸਹਿਯੋਗ ਨਾਲ 13ਵੀਂ ਮਹਿਫ਼ਲ-ਏ-ਕੱਵਾਲ ਪੂਰਨ ਸ਼ਰਧਾ ਤੇ ਉਤਸ਼ਾਹ ਨਾਲ ਕਰਵਾਈ ਗਈ | ਇਸ ਮੌਕੇ ਦਰਬਾਰ ‘ਤੇ ਝੰਡਾ ਤੇ ਚਾਦਰ ਚੜਾਉਣ ਦੀ ਰਸਮ ਪੂਰਨ ਸ਼ਰਧਾ ਨਾਲ ਨਿਭਾਈ ਗਈ ਤੇ ਸਰਬੱਤ ਦੇ ਭਲੇ ਲਈ ਅਰਦਾਸ ਕੀਤੀ ਗਈ | ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਮੁੱਖ ਸੇਵਾਦਾਰ ਸ਼ੰਮੀ ਕੰਡਾ ਤੇ ਸਮੂਹ ਪ੍ਰਬੰਧਕਾਂ ਨੇ ਦੱਸਿਆ ਕਿ ਮਹਿਫ਼ਲ ਦੇ ਪਹਿਲੇ ਦਿਨ ਗੁਰਮੇਜ ਬਖਸ਼ੀ, ਆਦੀਬ ਅਲੀ ਮਤੋਈ ਤੇ ਸੋਨੂੰ ਨੱਕਾਲ ਐਂਡ ਪਾਰਟੀ ਨੇ ਆਪਣਾ ਪ੍ਰੋਗਰਾਮ ਸ਼ਾਮ ਦੇ ਸਮੇਂ ਪੇਸ਼ ਕੀਤਾ | ਮਹਿਫ਼ਲ ਦੇ ਦੂਸੇ ਦਿਨ ਪੰਜਾਬੀ ਗਾਇਕ ਮਾਸਟਰ ਸਲੀਮ ਤੇ ਪਰਵੇਜ਼ ਆਲਮ ਨੇ ਆਪਣੇ ਫ਼ਨ ਦਾ ਮੁਜ਼ਾਹਰਾ ਕੀਤਾ | ਇਸ ਮੌਕੇ ਹਾਜ਼ੀ ਇਜ਼ਹਾਰ ਚਿਸਤੀ ਅਜਮੇਰ ਸ਼ਰੀਫ਼, ਸਰਪੰਚ ਵਿਨੈ ਬੰਗੜ, ਸ੍ਰੀ ਪ੍ਰਮੋਦ ਘਈ (ਬਿੱਟੂ ਸਰਾਫ਼), ਸ੍ਰੀ ਰੋਪਨ ਘਈ ਸਰਾਫ਼, ਕੁਲਦੀਪ ਸਿੰਘ ਜੌਹਲ ਪੰਚ ਵੀ ਹਾਜ਼ਰ ਸਨ | ਇਸ ਮੌਕੇ ਇਲਾਕੇ ਭਰ ਤੋਂ ਸੰਤ-ਮਹਾਂਪੁਰਸ਼ ਤੇ ਪੀਰ-ਫਕੀਰ ਵੀ ਹਾਜ਼ਰ ਹੋਏ | ਮਹਿਫ਼ਲ ਦੇ ਅਖੀਰ ‘ਚ ਪ੍ਰਬੰਧਕਾਂ ਵਲੋਂ ਸਮੂਹ ਸੰਤਾਂ-ਮਹਾਂਪੁਰਸ਼ਾਂ, ਪੀਰਾਂ ਫਕੀਰਾਂ, ਗਾਇਕਾਂ ਤੇ ਮੋਹਤਬਰਾਂ ਨੂੰ ਯਾਦਗਾਰੀ ਚਿੰਨ ਦੇ ਕੇ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਅਤੁੱਟ ਲੰਗਰ ਵੀ ਵਰਤਾਏ ਗਏ |
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
