ਬੇਟੀ ਬਚਾਓ ਬੇਟੀ ਪੜ੍ਹਾਓ ਤਹਿਤ ਰੋਜ਼ਗਾਰ ਕਮ ਸਵੈ ਰੋਜ਼ਗਾਰ ਮੇਲਾ ਕਰਵਾਇਆ

ਕਪੂਰਥਲਾ,(ਸਮਾਜ ਵੀਕਲੀ) (ਕੌੜਾ)- ਸਰਕਾਰੀ ਆਈ ਟੀ ਆਈ ਕਪੂਰਥਲਾ ਖੀਰਾਂਵਾਲੀ ਵਿੱਖੇ ਬੇਟੀ ਬਚਾਓ ਬੇਟੀ ਪੜ੍ਹਾਓ ਤਹਿਤ ਰੋਜ਼ਗਾਰ ਕਮ ਸਵੈ ਰੋਜ਼ਗਾਰ ਮੇਲਾ ਪ੍ਰਿੰਸੀਪਲ ਰੁਪਿੰਦਰ ਕੌਰ ਅਤੇ ਪਲੇਸਮੇਂਟ ਅਫ਼ਸਰ ਪਰਦੀਪ ਸਿੰਘ ਦੀ ਅਗਵਾਈ ਹੇਠ ਕਰਵਾਇਆ ਗਿਆ। ਜਿਸ ਵਿੱਚ ਜ਼ਿਲ੍ਹਾ ਰੋਜ਼ਗਾਰ ਦਫ਼ਤਰ ਕਪੂਰਥਲਾ ਜ਼ਿਲ੍ਹਾ ਉਦਯੋਗਿਕ ਵਿਭਾਗ ਕਪੂਰਥਲਾ ਵਲ੍ਹੋਂ ਬੱਚਿਆਂ ਨੂੰ ਨੌਕਰੀ ਪ੍ਰਾਪਤ ਕਰਨ ਅਤੇ ਅਪਣੇ ਰੋਜ਼ਗਾਰ ਨੂੰ ਵਧਾਉਣ ਲਈ ਕਰਜ਼ੇ ਦੀਆਂ ਸਕੀਮਾਂ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਦਿੱਤੀ ਗਈ। ਇਸ ਮੇਲੇ ਵਿੱਚ ਪ੍ਰਾਈਵੇਟ ਬੈਂਕਾਂ ਅਤੇ ਅਰਧ ਸਰਕਾਰੀ ਕੰਪਨੀਆਂ ਨੇਂ ਭਾਗ ਲਿਆ ਅਤੇ ਬੱਚਿਆਂ ਦੀ ਇੰਟਰਵਿਊ ਲਈ। ਇਸ ਦੌਰਾਨ ਪ੍ਰਿੰਸੀਪਲ ਰੂਪਿੰਦਰ ਕੌਰ,ਡਾਕਟਰ ਵਰੁਣ ਜੋਸ਼ੀ, ਗੁਰਮੀਤ ਸਿੰਘ, ਮਨਪ੍ਰੀਤ ਸਿੰਘ, ਪਰਦੀਪ ਸਿੰਘ, ਸੰਦੀਪ ਕੁਮਾਰ ਹਾਜਰ ਸਨ।