ਬਾਬਾ ਨਾਨਕ ਜੀ ਆਇਆ

(ਸਮਾਜ ਵੀਕਲੀ)

ਹੱਕ ਸੱਚ ਦਾ ਹੋਕਾ ਦੇਣ ਧਰਤੀ ਤੇ ਆਇਆ
ਜਿਸ ਚੇਹਰੇ ਉੱਤੇ ਨੂਰ ਸੀ ਰੱਬੀ ਰੁਸ਼ਨਾਇਆ
ਕੱਢ ਲੋਕਾਂ ਨੂੰ ਵਹਿਮਾਂ ‘ ਚੋਂ ਰਾਹ ਦਿਖਾਇਆ
ਸ਼ਬਦ ਗੁਰੂ ਲੜ ਲਾ ਕੇ ਗਿਆਨ ਲੋਕਾਂ ਨੂੰ ਸਮਝਾਇਆ
ਸੱਚ ਦਾ ਹੋਕਾ ਦੇਣ ਬਾਬਾ ਨਾਨਕ ਜੀ ਆਇਆ

ਦੇ ਕੇ ਸ਼ਬਦ ਦਾ ਹੋਕਾ ਲੋਕਾਂ ਨੂੰ ਰੱਬ ਲੜ ਲਾਇਆ
ਉਲਝੇ ਲੋਕਾਂ ਨੂੰ ਕੱਢਣ ਵਹਿਮ ਜਾਲ਼ ‘ ਚੋਂ ਆਇਆ
ਦੁਨੀਆਂ ਬਾਬਾ ਬਾਬਾ ਕਰਦੀ ਜਦ ਰਾਹ ਦਿਖਲਾਇਆ
ਹਟਾ ਹਨੇਰਾ ਅਗਿਆਨ ਦਾ ਗਿਆਨ ਦਿਖਲਾਇਆ
ਸੱਚ ਦਾ ਹੋਕਾ ਦੇਣ ਬਾਬਾ ਨਾਨਕ ਜੀ ਆਇਆ

ਦੁਨੀਆਂ ਦੱਬੀ ਕੁਚਲੀ ਪਈ ਸੀ ਤਾਨਾਸ਼ਾਹ ਹੱਥੀਂ ਚੜਕੇ
ਬਾਬਾ ਨਾਨਕ ਆਇਆ ਸਭ ਲਈ ਰੱਬ ਬਣਕੇ
ਲੋਕ ਫਸੇ ਹੋਏ ਝੂਠੇ ਜਾਲ਼ ‘ ਚ ਬਾਬੇ ਨੇ ਕੱਢੇ ਰੱਬ ਬਣਕੇ
ਜਦੋਂ ਬਾਬੇ ਨੇ ਦੁਨੀਆਂ ਦੇ ਵਿੱਚ ਸੀ ਫੇਰਾ ਪਾਇਆ
ਸੱਚ ਦਾ ਹੋਕਾ ਦੇਣ ਬਾਬਾ ਨਾਨਕ ਜੀ ਆਇਆ

ਬਾਬਾ ਜੀ ਨੇ ਨਾਲ ਸਬੂਤਾਂ ਲੋਕਾਂ ਨੂੰ ਸਮਝਾਇਆ
ਘਰ ਤੋਂ ਭਟਕੇ ਲੋਕਾਂ ਨੂੰ ਘਰ ਦਾ ਰਾਹ ਦਿਖਲਾਇਆ
ਘਰ ਵੀ ਜਰੂਰੀ ਭਗਤੀ ਨਾਲ ਲੋਕਾਂ ਨੂੰ ਸਮਝਾਇਆ
ਗਿਆਨ ਗੁਰਬਾਣੀ ਪੜ ਲੋਕਾਂ ਨੇ ਗਿਆਨ ਵਧਾਇਆ
ਸੱਚ ਦਾ ਹੋਕਾ ਦੇਣ ਬਾਬਾ ਨਾਨਕ ਜੀ ਆਇਆ

ਕਰ ਉਦਾਸੀਆਂ ਚਾਰ ਬਾਬਾ ਜੀ ਨੇ ਜਗ ਵਿੱਚ
ਪੈਦਲ ਯਾਤਰਾ ਕਰ ਕਰ ਲੋਕਾਂ ਨੂੰ ਸਮਝਾਇਆ
ਭੁੱਲੇ ਭਟਕੇ ਲੋਕਾਂ ਨੂੰ ਸਿੱਧੇ ਰਾਹ ਸੀ ਪਾਇਆ
ਧਰਮਿੰਦਰ ਬਾਬਾ ਨਾਨਕ ਨੂੰ ਸਦਾ ਸੀਸ ਝੁਕਾਵੇ
ਬਾਬੇ ਨਾਨਕ ਨੇ ਕਰ ਕਿਰਪਾ ਇਹ ਸਭ ਲਿਖਵਾਇਆ

ਧਰਮਿੰਦਰ ਸਿੰਘ ਮੁੱਲਾਂਪੁਰੀ

9872000461

‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly