ਸਮਾਜ ਵੀਕਲੀ
ਜੋ ਗ਼ਮਾਂ ਤੋਂ ਡਰ ਕੇ ਕਰਦਾ ਖੁਦਕੁਸ਼ੀ ਹੈ ,
ਉਹ ਨਾ ਜਾਣੇ ਕਿੰਨਾ ਜੀਵਨ ਕੀਮਤੀ ਹੈ ।
ਇੱਥੇ ਸਾਰੇ ਮਾਇਆ ਕੱਠੀ ਕਰ ਰਹੇ ਨੇ ,
ਕੌਣ ਅੱਜ ਕਲ੍ਹ ਰੱਬ ਦੀ ਕਰਦਾ ਬੰਦਗੀ ਹੈ ?
ਉਸ ਨੂੰ ਸਾਰੇ ਆਪਣੇ ਵਰਗੇ ਜਾਪਦੇ ਨੇ ,
ਜਿਸ ਦੇ ਹੇਠਾਂ ਹੁੰਦੀ ਗੱਦੀ ਗੁਦਗੁਦੀ ਹੈ ।
ਜੱਗ ਤੇ ਛਾ ਜਾਉ ਚੰਗੇ ਕੰਮ ਕਰਕੇ ,
ਮੌਤ ਪਿੱਛੋਂ ਜ਼ਿੰਦਗੀ ਕਿਸ ਨੂੰ ਮਿਲੀ ਹੈ ?
ਆਪਣਾ ਮਨ ਵੀ ਅੰਦਰੋਂ ਰੁਸ਼ਨਾਣਾ ਪੈਣਾ ,
ਯਾਰੋ , ਬਾਹਰ ਰਾਤ ਭਾਵੇਂ ਚਾਨਣੀ ਹੈ ।
ਮੈਂ ਇਨ੍ਹਾਂ ਦੇ ਨਾਲ ਰਹਿੰਦਾ ਘੁੰਮਦਾ ਹਾਂ,
ਮੇਰੀ ਗ਼ਜ਼ਲਾਂ ਨਾਲ ਗੂੜ੍ਹੀ ਦੋਸਤੀ ਹੈ ।
ਮਹਿੰਦਰ ਸਿੰਘ ਮਾਨ
ਸਲੋਹ ਰੋਡ ਨੇੜੇ ਐਮ. ਐਲ. ਏ. ਰਿਹਾਇਸ਼
ਨਵਾਂ ਸ਼ਹਿਰ(9915803554)
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly