ਸਮਾਜ ਵੀਕਲੀ
ਜੋ ਦੁੱਖਾਂ ਦਾ ਸਮੁੰਦਰ ਤਰ ਨਹੀਂ ਸਕਦਾ ,
ਕਦੇ ਉਹ ਸੁੱਖ ਪ੍ਰਾਪਤ ਕਰ ਨਹੀਂ ਸਕਦਾ ।
ਜੋ ਔਕੜ ਵੇਖ ਕੇ ਵੀ ਦਿਲ ਨਹੀਂ ਛੱਡਦਾ ,
ਕਦੇ ਉਹ ਮੰਜ਼ਿਲ ਯਾਰੋ , ਹਰ ਨਹੀਂ ਸਕਦਾ ।
ਬਹਾਦਰ ਤਾਂ ਕੇਵਲ ਇੱਕ ਵਾਰ ਮਰਦਾ ਹੈ ,
ਉਹ ਕਾਇਰ ਵਾਂਗ ਪਲ ਪਲ ਨਹੀਂ ਮਰ ਨਹੀਂ ਸਕਦਾ ।
ਹਰਿਕ ਘਰ ਰੌਸ਼ਨੀ ਸੂਰਜ ਦੀ ਪਹੁੰਚਦੀ ਹੈ ,
ਕਿਸੇ ਇੱਕ ਘਰ ਉਹ ਨੇਰ੍ਹਾ ਕਰ ਨਹੀਂ ਸਕਦਾ ।
ਜੋ ਕਰਦਾ ਹੈ ਕਿਸੇ ਨੂੰ ਪਿਆਰ ਤਹਿ ਦਿਲ ਤੋਂ ,
ਘੜਾ ਉਸ ਦੀ ਵਫਾ ਦਾ ਖਰ ਨਹੀਂ ਸਕਦਾ ।
ਸਿਰੜ ਤੇ ਸਬਰ ਬੰਦੇ ਕੋਲ ਚਾਹੀਦੈ ,
ਉਹ ਕਿਹੜਾ ਕੰਮ ਹੈ , ਜੋ ਉਹ ਕਰ ਨਹੀਂ ਸਕਦਾ ।
ਮਹਿੰਦਰ ਸਿੰਘ ਮਾਨ
ਸਲੋਹ ਰੋਡ ਨੇੜੇ ਐਮ. ਐਲ. ਏ. ਰਿਹਾਇਸ਼
ਨਵਾਂ ਸ਼ਹਿਰ(9915803554)
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly