(ਸਮਾਜ ਵੀਕਲੀ)
ਆ ਗਈ ਹੁਣ ਰੁੱਤ ਸਿਆਲ ਬੱਚਿਓ,
ਸਿਹਤ ਦਾ ਰੱਖਿਓ ਖਿਆਲ ਬੱਚਿਓ।
ਕੋਟੀ, ਸਵੈਟਰ ਬਿਨਾਂ ਬਾਹਰ ਜਾਇਓ ਨਾ,
ਗਰਮ ਕਰੇ ਬਿਨਾਂ ਕੋਈ ਚੀਜ਼ ਖਾਇਓ ਨਾ।
ਸਿਹਤ ਦਾ ਵਿਗੜੇ ਨਾ ਹਾਲ ਬੱਚਿਓ।
ਆ ਗਈ ਹੁਣ ਰੁੱਤ ………..
ਦੁਪਹਿਰ ਵੇਲੇ ਘਰ ਕੰਮਾਂ ਨੂੰ ਮੁਕਾ ਲਿਉ,
ਸੁਭਾ ਸ਼ਾਮ ਪੜ੍ਹਨ ‘ਚ ਚਿੱਤ ਲਾ ਲਿਉ।
ਗੱਲ ਬੰਨ੍ਹ ਲਿਓ ਪੱਲੇ ਨਾਲ ਬੱਚਿਓ।
ਆ ਗਈ ਹੁਣ ਰੁੱਤ,,,,,,,,,,
ਹੁੰਦੀ ਠੰਡ ਆਉਂਦੀ ਜਾਂ ਜਾਂਦੀ ਮਾਰਦੀ,
ਠੰਡੀ ਠੰਡੀ ਹਵਾ ਸਭ ਤਾਂਈ ਠਾਰਦੀ।
ਪਾਉ ਗਰਮ ਕੱਪੜੇ ਰੱਖੇ ਸੰਭਾਲ ਬੱਚਿਓ।
ਆ ਗਈ ਹੁਣ ਰੁੱਤ,,,,,,,,,,,,,
ਧੁੰਦ ਤੇ ਕੋਰਾ ਹੁਣ ਤੋਂ ਆਮ ਪਊਗਾ,
ਬਹੁਤ ਘੱਟ ਸੂਰਜ਼ ਦਿਖਾਲੀ ਦੇਊਗਾ।
ਸਭ ਦੀ ਬਦਲ ਜਾਣੀ ਚਾਲ ਬੱਚਿਓ।
ਆ ਗਈ ਹੁਣ ਰੁੱਤ,,,,,,,,,,,
ਸਿਆਣੇ ਬੱਚੇ ਵੱਡਿਆਂ ਦੀ ਗੱਲ ਮੰਨਦੇ,
ਚੰਗੀਆਂ ਨੇ ਗੱਲਾਂ ਲੜ ,ਪੱਤੋ, ਬੰਨਦੇ।
ਦਾਦੀ ਦੀ ਬੁੱਕਲ ਚ’ ਨਿੱਘ ਕਮਾਲ ਬੱਚਿਓ।
ਆ ਗਈ ਹੁਣ ਰੁੱਤ,,,,,,,,,,,
ਆ ਗਈ ਹੁਣ ਰੁੱਤ ਸਿਆਲ ਬੱਚਿਓ,
ਸਿਹਤ ਦਾ ਰੱਖਿਓ ਖਿਆਲ ਬੱਚਿਓ।
ਹਰਪ੍ਰੀਤ ਪੱਤੋ ਪਿੰਡ ਪੱਤੋ ਹੀਰਾ ਸਿੰਘ ਮੋਗਾ ਫੋਨ ਨੰਬਰ
94658-21417
