ਡਾਕਟਰ ਇੰਦਰਜੀਤ ਕਮਲ
(ਸਮਾਜ ਵੀਕਲੀ)
ਚਿੱਟੇ ਬਗਲੇ ਸੰਸਦ ਅੰਦਰ ਕਾਂ ਕਾਂ ਕਾਂ ਕਾਂ ਕਰਦੇ ਨੇ ।
ਘਰ ਘਰ ਅੰਦਰ ਭੁੱਖੇ ਬੱਚੇ ਮਾਂ ਮਾਂ ਮਾਂ ਮਾਂ ਕਰਦੇ ਨੇ ।
ਮਾਨਵਤਾ ਦੀ ਗੱਲ ਨਾ ਕਰਦੇ ਗੂੰਗੇ ਬੋਲੇ ਨੇਤਾ ਨੇ ,
ਸਾਰਾ ਦਿਨ ਹੀ ਮਾਈਕ ਅੱਗੇ ਗਾਂ ਗਾਂ ਗਾਂ ਗਾਂ ਕਰਦੇ ਨੇ ।
ਨੇਤਾ ਜੀ ਦੇ ਖਾਤੇ ਅੰਦਰ ਗਿਣਤੀ ਕਰਨੀ ਮੁਸ਼ਕਿਲ ਹੈ ,
ਸਾਡੇ ਤਾਂ ਜੀ ਸਾਰੇ ਖਾਤੇ ਭਾਂ ਭਾਂ ਭਾਂ ਭਾਂ ਕਰਦੇ ਨੇ ।
ਵੱਜੇ ਥੱਪੜ ਕੰਨਾਂ ਉੱਤੇ , ਹੋਰ ਤਾਂ ਕੁਝ ਵੀ ਸੁਣਦਾ ਨਹੀਂ ,
ਬੱਸ ਫਿਰ ਬੋਲ ਤਾਂ ਕੰਨਾਂ ਅੰਦਰ ਸਾਂ ਸਾਂ ਸਾਂ ਸਾਂ ਕਰਦੇ ਨੇ ।
