ਪੈਰਿਸ— ਪੈਰਿਸ ਓਲੰਪਿਕ ਤੋਂ ਵਿਨੇਸ਼ ਫੋਗਾਟ ਦੀ ਬੁਰੀ ਖਬਰ ਨੇ ਪੂਰੇ ਭਾਰਤ ਦਾ ਦਿਲ ਤੋੜ ਦਿੱਤਾ ਹੈ।ਜਿਸ ਤਣਾਅ ਵਿਚ ਵਿਨੇਸ਼ ਨੇ ਮੰਗਲਵਾਰ ਦੀ ਪੂਰੀ ਰਾਤ ਦੇਸ਼ ਦਾ ਦਿਲ ਨਾ ਟੁੱਟੇ, ਉਸ ਦਾ ਸੱਚ ਸਾਹਮਣੇ ਆਉਣ ਤੋਂ ਬਾਅਦ ਪੂਰੇ ਦੇਸ਼ ਦੀਆਂ ਨਜ਼ਰਾਂ ਵਿਚ ਵਿਨੇਸ਼ ਦਾ ਸਨਮਾਨ ਹੋਰ ਵਧ ਗਿਆ ਹੈ।ਓਲੰਪਿਕ ਤੋਂ ਅਯੋਗ ਕਰਾਰ ਦਿੱਤੀ ਗਈ ਵਿਨੇਸ਼ ਦਾ ਮੰਗਲਵਾਰ ਰਾਤ ਨੂੰ 50 ਕਿਲੋਗ੍ਰਾਮ ਵਰਗ ਦੀ ਤੈਅ ਸੀਮਾ ਤੋਂ ਜ਼ਿਆਦਾ ਪਾਈ ਗਈ ਸੀ, ਮੀਡੀਆ ਰਿਪੋਰਟਾਂ ਮੁਤਾਬਕ ਮੰਗਲਵਾਰ ਰਾਤ ਵਿਨੇਸ਼ ਫੋਗਾਟ ਦਾ ਭਾਰ 2 ਕਿਲੋ ਜ਼ਿਆਦਾ ਸੀ ਅਤੇ ਉਸ ਨੇ ਇਸ ਨੂੰ ਘੱਟ ਕਰਨ ਲਈ ਕਾਫੀ ਮਿਹਨਤ ਕੀਤੀ। ਉਹ ਸਾਰੀ ਰਾਤ ਜਾਗਦੀ ਰਹੀ ਅਤੇ ਆਪਣਾ ਵਾਧੂ ਭਾਰ ਘਟਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ।ਵਜ਼ਨ ਘਟਾਉਣ ਲਈ ਵਿਨੇਸ਼ ਨੇ ਸਾਈਕਲ ਚਲਾਇਆ, ਸਕਿੱਪਿੰਗ ਕੀਤੀ, ਇੱਥੋਂ ਤੱਕ ਕਿ ਆਪਣੇ ਵਾਲ ਅਤੇ ਨਹੁੰ ਵੀ ਕੱਟੇ ਪਰ ਇਸ ਦੇ ਬਾਵਜੂਦ ਖਿਡਾਰਨ ਸਿਰਫ 50 ਕਿਲੋ, 150 ਗ੍ਰਾਮ ਤੱਕ ਹੀ ਪਹੁੰਚ ਸਕੀ। ਜੋ ਕਿ 50 ਕਿਲੋ 100 ਗ੍ਰਾਮ ਦੇ ਤੈਅ ਨਿਯਮ ਤੋਂ 50 ਗ੍ਰਾਮ ਵੱਧ ਸੀ।ਇਸ ਤੋਂ ਬਾਅਦ ਉਸ ਨੂੰ ਅਯੋਗ ਕਰਾਰ ਦੇ ਦਿੱਤਾ ਗਿਆ।ਵਿਨੇਸ਼ ਦਾ ਫਾਈਨਲ ਵਿੱਚ ਅਮਰੀਕਾ ਦੀ ਸਾਰਾਹ ਐਨ ਹਿਲਡੇਬ੍ਰਾਂਡ ਨਾਲ ਮੁਕਾਬਲਾ ਹੋਣਾ ਸੀ। ਇਸ ਅਮਰੀਕੀ ਪਹਿਲਵਾਨ ਨੇ ਟੋਕੀਓ ਓਲੰਪਿਕ ਵਿੱਚ ਕਾਂਸੀ ਦਾ ਤਗ਼ਮਾ ਜਿੱਤਿਆ ਸੀ। ਉਸਨੇ ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਦੋ ਚਾਂਦੀ ਅਤੇ ਦੋ ਕਾਂਸੀ ਦੇ ਤਗਮੇ ਵੀ ਜਿੱਤੇ ਹਨ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
