(ਸਮਾਜ ਵੀਕਲੀ)
ਘੇਰੋ ਇਰਾਨ, ਟਰੰਪ ਹੁਕਮ ਕੀਤਾ,
ਦਿੱਤੇ ਜ਼ੰਗੀ ਬੇੜੇ ਚਾੜ੍ਹ ਪੱਤੋ।
ਪਹਿਲਾਂ ਛੋਟੇ ਸੀ ਦੇਸ਼ ਜਿਹੜੇ,
ਨਾਲ ਬੰਬਾਂ ਦਿੱਤੇ ਰਾੜ੍ਹ ਪੱਤੋ।
ਨਿੱਤ ਨਵੀਂ ਧੋਸ ਜਮਾਈ ਜਾਵੇ,
ਲ਼ੈ ਕੇ ਟਰੈਫ ਦੀ ਆੜ ਪੱਤੋ।
ਵਿੱਚ ਦੁਨੀਆਂ ਦਹਿਸ਼ਤ ਪਾਈ,
ਜਿਓਂ ਵਾੜੇ ਫਿਰੇ ਬਘਿਆੜ ਪੱਤੋ।
ਅਪਣਾਓ ਮੇਰੀਆਂ ਨੀਤੀਆਂ ਨੂੰ,
ਨਹੀਂ ਸਿੱਟੂ ਸਭ ਉਖਾੜ ਪੱਤੋ।
ਹੋਰ ਕੰਮ ਨਾ ਇਹਨੂੰ ਦਿੱਸੇ ਕੋਈ,
ਨਿੱਤ ਲਾਵੇ ਨਵੇਂ ਜੁਗਾੜ ਪੱਤੋ।
ਨਿਗ੍ਹਾ ਤੇਲ ‘ਤੇ ਇਹ ਟਿਕਾਈ ਬੈਠਾ,
ਨਾਲ ਕਚੀਚੀ ਨੱਪੇ ਜਾੜ੍ਹ ਪੱਤੋ।
ਮਹਿੰਗਾਈ, ਬੇਰੁਜ਼ਗਾਰੀ ਵਧੀ,
ਫ਼ਿਕਰੀਂ ਗਾਹਕ ਅਤੇ ਕਰਾੜ ਪੱਤੋ।
ਹੁਣ ਕੀ ਬਣੂ ,ਸੋਚਦਾ ਹਰ ਬੰਦਾ,
ਨਿੱਤ ਵੱਧਦਾ ਜਾਵੇ ਪਾੜ ਪੱਤੋ।
ਲੱਗਦਾ ਧੱਕੂ ਦੁਨੀਆਂ ਜੰਗ ਵੱਲੇ,
ਨਹੀਂ ਹਟਦਾ ਦੇਊ ਉਜਾੜ ਪੱਤੋ।
ਹਰਪ੍ਰੀਤ ਪੱਤੋ ਪਿੰਡ ਪੱਤੋ ਹੀਰਾ ਸਿੰਘ ਮੋਗਾ ਫੋਨ ਨੰਬਰ
94658-2141
