ਲੰਘੇ ਤੇਰਾਂ ਸਾਲ ਮੌਜ ਮਸਤੀ ਦੇ ਨਾਲ਼

    (ਸਮਾਜ ਵੀਕਲੀ) 

ਮੈਂ ਤੇਰਾਂ ਵਿੱਚ ਰਿਟਾਇਰ ਹੋਇਆ ਹੁਣ ਛੱਬੀ ਚੱਲ ਰਿਹੈ,
ਅੱਜ ਤੀਹ ਅਪ੍ਰੈਲ ਨੂੰ ਪੂਰੇ ਤੇਰਾਂ ਸਾਲ ਹੋ ਗਏ ਨੇ ।
ਮੈਂ ਤਾਂ ਦਿਨੇਂ ਰਾਤ ਹੀ ਘੋੜੇ ਵਾਂਗੂੰ ਭੱਜਿਆ ਫਿਰਦਾ ਹਾਂ ,
ਕੁੱਝ ਤੁਰੇ ਜਹਾਨੋਂ ਕੁੱਝ ਦੇ ਮੰਦੜੇ ਹਾਲ ਹੋ ਗਏ ਨੇ ।
ਮੈਨੂੰ ਪੁੱਤਰ ਤੇ ਨੂੰਹ ਬਾਪੂ ਜੀ , ਬਾਪੂ ਜੀ ਕਹਿੰਦੇ ਨੇ ,
ਕਈਆਂ ਦੇ ਖ਼ੂਨ ਦੇ ਰਿਸ਼ਤੇ ਜਿਵੇਂ ਜੰਜਾਲ਼ ਹੋ ਗਏ ਨੇ ।
ਮੇਰੇ ਘਰ ਅਖ਼ਬਾਰ , ਰਿਸਾਲੇ ਅਤੇ ਕਿਤਾਬਾਂ ਮਹਿਕਦੀਆਂ ;
ਕਈਆਂ ਦੇ ਘਰ ਤਾਂ ਜਿਓਂ ਟੋਕੇ ਦੀ ਟਾਲ਼ ਹੋ ਗਏ ਨੇ ।
ਮੂਲ ਚੰਦ ਸ਼ਰਮਾ ਪ੍ਰਧਾਨ ,
ਪੰਜਾਬੀ ਸਾਹਿਤ ਸਭਾ ਧੂਰੀ ਜ਼ਿਲ੍ਹਾ ਸੰਗਰੂਰ ।