ਅਖੌਤੀ ਧੁੰਦ

 (ਸਮਾਜ ਵੀਕਲੀ) 

ਬੰਦੇ ਨੂੰ ਨਹੀਂ, ਦਿਸ ਰਿਹਾ ਬੰਦਾ,
ਇੱਥੇ ਜਾਤ-ਪਾਤ ਦੀ ਧੁੰਦ ਹੈ ਛਾਈ l

ਛੂਤ-ਅਛੂਤ, ਕਰਨ ਜੋ ਮੰਨਣ ,
ਪੜ੍ਹ-ਲਿਖ ਕੇ ਵੀ,ਰਹੇ ਸ਼ੁਦਾਈl

ਸੁੱਚ-ਭਿੱਟ ਅਤੇ ਊਚ-ਨੀਚ ਦੀ,
ਕਰਾਵੇ ਅਖੌਤੀ,ਧਰਮ ਪੜ੍ਹਾਈ l

ਹੈ ਕੇਹਾ,ਸਭਿਆਚਾਰ ਪੁਰਾਣਾ,
ਸਾਂਝ ਪਾਉਣ ਦੀ,ਕਰੇ ਮਨਾਹੀl

ਨੀਚ ਜਾਤ ਨੇ,ਨੀਚ ਹੀ ਰਹਿਣਾ,
ਦੱਸਣ ਇਹ ਨੇ,ਹੁਕਮ ਇਲਾਹੀ l

ਜਾਤ ਨਾਲ,ਜਨਮ-ਕਰਮ ਜੋੜ ਕੇ,
ਹੈ ਪੱਕੀ ਗੱਲ,ਅਫ਼ਵਾਹ ਫੈਲਾਈ l

ਜੇ ਅਜੇ ਵੀ ਇਹੇ,ਚੱਲਦਾ ਰਹਿਣਾ,
ਹੋਣੀ ਦੇਸ਼ ਸਾਡੇ ਦੀ,ਹੋਰ ਤਬਾਹੀ l

ਜਸਵੀਰ ਮੋਰੋਂ,ਸੱਚ ਜਾਣ ਗਿਆ,
ਪਰਖਿਆ ਨਿੱਕਲੀ,ਝੂਠ ਪੜ੍ਹਾਈl