(ਸਾਫ ਸਫਾਈ ਤੇ ਸਾਫ ਸੁਥਰੀ ਮਠਿਆਈ ਬਣਾਉਣ ਦੀ ਕੀਤੀ ਹਦਾਇਤ)
ਰਾਏਕੋਟ, (ਸਮਾਜ ਵੀਕਲੀ) (ਗੁਰਭਿੰਦਰ ਗੁਰੀ) ਦਿਵਾਲੀ ਤੇ ਹੋਰਨਾਂ ਤਿਓਹਾਰਾਂ ਨੂੰ ਲੈਕੇ ਬਹੁਤ ਦੁਕਾਨਦਾਰਾਂ ਵੱਲੋਂ ਨਕਲੀ ਮਠਿਆਈਆਂ ਬਣਾਈਆਂ ਜਾਂਦੀਆਂ ਹਨ ਜਿਸਨੂੰ ਲੈਕੇ ਅੱਜ ਸਿਵਲ ਸਰਜਨ ਲੁਧਿਆਣਾ ਡਾਕਟਰ ਰਮਨਦੀਪ ਕੌਰ ਆਹਲੂਵਾਲੀਆ ਤੇ ਸੀਨੀਅਰ ਮੈਡੀਕਲ ਅਫਸਰ ਰਾਏਕੋਟ ਮਨਦੀਪ ਸਿੰਘ ਦੇ ਦਿਸ਼ਾ ਨਿਰਦੇਸ਼ ਅਤੇ ਹੈੱਲਥ ਇੰਸਪੈਕਟਰ ਅਮਨਦੀਪ ਸਿੰਘ ਦੀ ਅਗਵਾਈ ਹੇਠ ਸਥਾਨਕ ਸ਼ਹਿਰ ਦੀਆਂ ਵੱਖ ਵੱਖ ਮਠਿਆਈ ਵਾਲੀਆਂ ਦੁਕਾਨਾਂ, ਫਲ ਫਰੂਟ ਦੀਆਂ ਦੁਕਾਨਾਂ ਤੇ ਰੇਹੜੀਆਂ ਤੇ ਲੱਗੇ ਫਲ ਫਰੂਟਾਂ ਦੀ ਵਿਸ਼ੇਸ਼ ਤੌਰ ਤੇ ਚੈਕਿੰਗ ਕੀਤੀ ਗਈ ਤੇ ਇਸ ਦੌਰਾਨ ਹੈੱਲਥ ਇੰਸਪੈਕਟਰ ਅਮਨਦੀਪ ਸਿੰਘ ਵੱਲੋਂ ਦੁਕਾਨਦਾਰਾਂ ਨੂੰ ਸਾਫ਼ ਸੁਥਰੀ ਮਠਿਆਈਆਂ ਬਣਾਉਂਣ ਤੇ ਵੇਚਣ ਸਬੰਧੀ ਤੇ ਉਹਨਾਂ ਵੱਲੋਂ ਨਕਲੀ ਪਨੀਰ ਜਾਂ ਹੋਰ ਕਿਸੇ ਕੈਮੀਕਲ ਦੀ ਵਰਤੋਂ ਨਾ ਕੀਤੇ ਜਾਣ ਸਬੰਧੀ ਵੀ ਹਦਾਇਤ ਕੀਤੀ ਗਈ। ਇਸ ਤੋੰ ਇਲਾਵਾ ਫਲ ਫਰੂਟ ਦੀਆਂ ਦੁਕਾਨਾਂ ਤੇ ਰੇਹੜੀਆਂ ਵਾਲਿਆਂ ਨੂੰ ਵੀ ਗਲ ਚੁੱਕੇ ਫਰੂਟਾਂ ਨੂੰ ਸੁੱਟ ਦੇਣ ਤੇ ਸਾਫ ਸੁਥਰਾ ਫਰੂਟ ਵੇਚਣ ਲਈ ਕਿਹਾ ਗਿਆ। ਇਸ ਮੌਕੇ ਰਜਾਕ ਅਹਿਮਦ, ਬੂਟਾ ਸਿੰਘ ਮ.ਪ.ਹ.ਵ, ਮੋਹਨ ਸਿੰਘ ਤੇ ਮਨਿੰਦਰ ਸਿੰਘ ਆਦਿ ਹਾਜ਼ਰ ਸਨ।ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samaj
