ਕਨੇਡਾ ਨਕੋਦਰ ਮਹਿਤਪੁਰ (ਹਰਜਿੰਦਰ ਪਾਲ ਛਾਬੜਾ) (ਸਮਾਜ ਵੀਕਲੀ) : ਲਹਿੰਦੇ ਪੰਜਾਬ ਦੇ ਚੱਕ 233 ਜੀ ਬੀ ਜੜ੍ਹਾਂਵਾਲਾ ਵਿਖੇ 15 ਜੂਨ ਨੂੰ ਪਹਿਲਾ ਗਰੇਵਾਲ ਲੁਧਿਆਣਾ ਕਬੱਡੀ ਕੱਪ ਕਰਵਾਇਆ ਜਾ ਰਿਹਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਹੰਸਲੋ ਦੇ ਸਾਬਕਾ ਮੇਅਰ ਦਰਸ਼ਨ ਸਿੰਘ ਗਰੇਵਾਲ ਨੇ ਦੱਸਿਆ ਕਿ ਉਹਨਾਂ ਤੋਂ ਇਲਾਵਾ ਇਸ ਕੱਪ ਨੂੰ ਰਾਜ ਗਰੇਵਾਲ ਕੈਨੇਡਾ, ਦਲਜੀਤ ਸਹੋਤਾ ਕੈਨੇਡਾ, ਸਨੀ ਗਰੇਵਾਲ ਆਸਟਰੇਲੀਆ, ਹਰਬੰਤ ਸਿੰਘ ਮੱਲੀ ਯੂ ਕੇ, ਵਾਹੀਦ ਹੁਸੈਨ ਵਿਹਾਰੀ ਡੁਬਈ, ਸਫਨ ਗਰੇਵਾਲ ਯੂ ਕੇ ਅਤੇ ਜੋਗਾ ਸਿੰਘ ਢੱਡਵਾੜ ਯੂ ਕੇ ਵੱਲੋਂ ਭਰਪੂਰ ਸਹਿਯੋਗ ਦਿੱਤਾ ਜਾ ਰਿਹਾ ਹੈ। ਬੀ ਆਰ ਬੀ ਕਲੱਬੀ ਕਲੱਬ ਅਤੇ ਗਰੇਵਾਲ ਲੁਧਿਆਣਾ ਕਬੱਡੀ ਕਲੱਬ ਦੇ ਉਦਮ ਸਦਕਾ ਕਰਵਾਏ ਜਾ ਰਹੇ ਇਸ ਟੂਰਨਾਮੈਂਟ ਨੂੰ ਵਿਸ਼ਵ ਭਰ ਵਿੱਚ ਵੱਸਦੇ ਪੰਜਾਬੀਆਂ ਦਾ ਥਾਪੜਾ ਹੈ। ਉਹਨਾ ਕਿਹਾ ਕਿ ਦੋਵੇਂ ਪੰਜਾਬਾਂ ਨੂੰ ਜਿੱਥੇ ਸਾਡੀ ਪੰਜਾਬੀ ਬੋਲੀ, ਸੱਭਿਆਚਾਰ, ਪਹਿਰਾਵਾ, ਖਾਣ ਪੀਣ ਸਾਨੂੰ ਆਪਸੀ ਸਬੰਧਾਂ ਨਾਲ ਜੋੜ੍ਹਦਾ ਹੈ, ਉੱਥੇ ਹੀ ਖੇਡਾਂ ਅਤੇ ਖਾਸ ਤੌਰ ਤੇ ਕਬੱਡੀ ਦੋਵੇਂ ਪੰਜਾਬਾਂ ਦੀ ਸਾਂਝੀ ਖੇਡ ਹੈ, ਜੋ ਸਾਨੂੰ ਆਪਸੀ ਪਿਆਰ ਅਤੇ ਮਿਲਵਰਤਣ ਸਿਖਾਉਂਦੀ ਹੈ।
‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
