ਪੰਚਮ ਪਾਤਸ਼ਾਹ

(ਸਮਾਜ ਵੀਕਲੀ)

ਜਬਰ-ਜੁਲਮ ਖ਼ਿਲਾਫ਼ ਬੀੜਾ ਚੁੱਕਿਆ ,
ਇਤਿਹਾਸ ਵਿਚ ਵਿਦਵਾਨਾਂ ਦੇ ਵਿਦਵਾਨ ਨੇ।
ਲਾਹੌਰ ਸ਼ਹਿਰ ਵਿਚ ਕਹਿਰ ਵਰਤਿਆ,
ਜ਼ੁਲਮ ਕਰਵਾਇਆ ਚੰਦੂ ਦੀਵਾਨ ਨੇ।

ਜੇਠ ਹਾੜ ਦੀ ਗਰਮੀ ਗੁਰਾਂ ਨੂੰ ਬਠਾਇਆ ਤੱਤੀ ਤਵੀ ਤੇ,
ਤੱਤਾ ਰੇਤ ਵੀ ਸਰੀਰ ਤੇ ਪਾਇਆ।
ਵਾਹਿਗੁਰੂ ਦੀ ਰਜ਼ਾ ਵਿਚ ਰਹਿ ਸਤਿਗੁਰ,
ਰੱਬਾ ਕੀ ਭਾਣਾ ਹੈ ਵਰਤਾਇਆ ।

ਮੀਆਂ ਮੀਰ ਜੀ ਤਕ ਪਹੁੰਚੀ ਖਬਰ ਜਦੋਂ,
ਭੁੱਬਾਂ ਮਾਰ ਰੋਏ, ਅੱਲ੍ਹਾ ਏਹ ਕੈਸਾ ਸਮਾਂ ਆਇਆ ਹੈ।
ਕੌਮ ਵਿੱਚ ਕੁਰਬਾਨੀਆਂ ਦਾ ਜਜ਼ਬਾ ਭਰਨ ਲਈ ,
ਮੀਰ ਜੀ,ਬਲੀਦਾਨ ਦੇਣ ਦਾ ਸਮਾਂ ਆਇਆ ਹੈ

ਪੰਚਮ ਪਾਤਸ਼ਾਹ ਸਿੱਖੀ ਸਿਦਕ ਵਾਸਤੇ ਲਾਸਾਨੀ ਸ਼ਹਾਦਤ ਪਾ ਗਏ,
ਸ਼ਾਂਤੀ ਦੇ ਪੁੰਜ, ਉਬਲਦੀ ਦੇਗ ਦਾ ਪਾਣੀ ਠਾਰ ਗਏ।
ਸਬਰ ਤੇ ਸ਼ਾਂਤੀ ਦੇ ਮੁਜੱਸਮੇ ਗੁਰੂ ਅਰਜਨ ਦੇਵ,
ਰਹਿੰਦੀ ਦੁਨੀਆਂ ਤਕ ਆਪਣਾ ਧਰਮ ਤਾਰ ਗਏ ।

ਅਮਰਜੀਤ ਸਿੰਘ ਤੂਰ
ਪਿੰਡ ਕੁਲਬੁਰਛਾਂ ਜ਼ਿਲਾ ਪਟਿਆਲਾ
ਫੋਨ ਨੰਬਰ : 9878469639

‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly