ਸੀ.ਟੀ.ਯੂ. ਦੀ ਸ਼ੇਰਨੀ ਕੋਮਲ ਨੇ ਵਧਾਇਆ ਦੇਸ਼ ਦਾ ਮਾਣ, ਨੈਸ਼ਨਲ ਪਾਵਰਲਿਫਟਿੰਗ ’ਚ ਗੋਲਡ ਜਿੱਤ ਕੇ ਬਣੀ “ਭਾਰਤ ਦੀ ਸਭ ਤੋਂ ਮਜ਼ਬੂਤ ਮਹਿਲਾ”

ਲੁਧਿਆਣਾ  (ਸਮਾਜ ਵੀਕਲੀ)  (ਕਰਨੈਲ ਸਿੰਘ ਐੱਮ.ਏ.) ਸੀ.ਟੀ. ਯੂਨੀਵਰਸਿਟੀ ਦੀ ਮਾਣਯੋਗ ਐਥਲੀਟ ਕੋਮਲ ਨੇ 2025 ਵਿੱਚ ਦਾਵਣਗੇਰੇ, ਕਰਨਾਟਕਾ ਵਿੱਚ ਕਰਵਾਈ ਗਈ ਸੀਨੀਅਰ ਨੈਸ਼ਨਲ ਪਾਵਰਲਿਫਟਿੰਗ (ਮਰਦ ਅਤੇ ਔਰਤਾਂ) ਚੈਂਪੀਅਨਸ਼ਿਪ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਗੋਲਡ ਮੈਡਲ ਆਪਣੇ ਨਾਮ ਕੀਤਾ। ਦੇਸ਼ ਦੇ 28 ਰਾਜਾਂ ਤੋਂ ਆਏ ਤੇਜ਼-ਤਰਾਰ ਖਿਡਾਰੀਆਂ ਵਿਚਕਾਰ 57 ਕਿਲੋਗ੍ਰਾਮ ਭਾਰ ਵਰਗ ਵਿੱਚ ਕੋਮਲ ਨੇ ਅਦਭੁੱਤ ਤਾਕਤ, ਹੌਸਲਾ ਅਤੇ ਤਕਨੀਕ ਦੇ ਨਾਲ ਸਾਬਤ ਕਰ ਦਿੱਤਾ ਕਿ ਉਹ ਸੱਚਮੁੱਚ  ਹੈ।

ਕੋਮਲ ਦਾ ਰਿਕਾਰਡਤੋੜ ਪ੍ਰਦਰਸ਼ਨ:

ਸਕੁਆਟ: 202 ਕਿਲੋ

ਬੈਂਚ ਪ੍ਰੈਸ: 102 ਕਿਲੋ

ਡੈੱਡਲਿਫਟ: 198 ਕਿਲੋ

ਇਸ ਸ਼ਾਨਦਾਰ ਟੋਟਲ ਨਾਲ ਕੋਮਲ ਨੇ ਨਾ ਸਿਰਫ਼ ਗੋਲਡ ਮੈਡਲ ਜਿੱਤਿਆ, ਸਗੋਂ ਨੈਸ਼ਨਲ ਰਿਕਾਰਡ ਵੀ ਸੈੱਟ ਕੀਤਾ– ਜੋ ਭਾਰਤੀ ਮਹਿਲਾ ਪਾਵਰਲਿਫਟਿੰਗ ਦੇ ਇਤਿਹਾਸ ਵਿੱਚ ਇੱਕ ਇਤਿਹਾਸਕ ਪਲ ਬਣ ਗਿਆ ਅਤੇ ਸੀ.ਟੀ. ਯੂਨੀਵਰਸਿਟੀ ਦਾ ਨਾਂ ਪੂਰੇ ਦੇਸ਼ ਵਿੱਚ ਰੌਸ਼ਨ ਕਰ ਦਿੱਤਾ।

ਕੋਮਲ ਨੇ ਆਪਣੀ ਜਿੱਤ ਦਾ ਸ੍ਰੇਯ ਸੀ.ਟੀ.ਯੂ. ਦੇ ਮਾਰਗਦਰਸ਼ਕਾਂ ਨੂੰ ਦਿੱਤਾ, ਖ਼ਾਸ ਤੌਰ ‘ਤੇ ਇੰਜੀ. ਦਵਿੰਦਰ ਸਿੰਘ (ਨਿਰਦੇਸ਼ਕ, ਵਿਦਿਆਰਥੀ ਭਲਾਈ ਵਿਭਾਗ) ਅਤੇ ਗੁਰਦੀਪ ਸਿੰਘ (ਪ੍ਰਮੁੱਖ, ਖੇਡ ਵਿਭਾਗ) ਨੂੰ, ਜਿਨ੍ਹਾਂ ਦੀ ਲਗਾਤਾਰ ਹੌਸਲਾ ਅਫਜ਼ਾਈ ਅਤੇ ਮਾਰਗਦਰਸ਼ਨ ਨਾਲ ਉਹ ਇਸ ਮੋੜ ‘ਤੇ ਪਹੁੰਚੀ।

ਡਾ: ਮਨਬੀਰ ਸਿੰਘ (ਪ੍ਰੋ: ਚਾਂਸਲਰ, ਸੀ.ਟੀ.ਯੂ.) ਨੇ ਕਿਹਾ:

“ਕੋਮਲ ਦੀ ਇਹ ਜਿੱਤ ਸਿਰਫ਼ ਖੇਡਾਂ ਵਿੱਚ ਨਹੀਂ, ਸਗੋਂ ਇਹ ਸਾਡੇ ਵਿਦਿਆਲੇ ਦੀ ਅਕਾਦਮਿਕ, ਖੇਡ ਅਤੇ ਆਤਮਿਕ ਵਿਕਾਸ ਪ੍ਰਤੀ ਸੰਕਲਪਬੱਧਤਾ ਨੂੰ ਦਰਸਾਉਂਦੀ ਹੈ। ਉਸਨੇ ਸਿਰਫ਼ ਭਾਰ ਨਹੀਂ ਚੁੱਕਿਆ, ਸਗੋਂ ਪੂਰੇ ਸੀ.ਟੀ.ਯੂ. ਪਰਿਵਾਰ ਦਾ ਮਾਣ ਉੱਚਾ ਕੀਤਾ ਹੈ।”

ਡਾ: ਨਿਤਿਨ ਟੰਡਨ (ਵਾਈਸ ਚਾਂਸਲਰ, ਸੀ.ਟੀ.ਯੂ.) ਨੇ ਵੀ ਆਪਣੇ ਵਿਚਾਰ ਸਾਂਝੇ ਕਰਦੇ ਹੋਏ ਕਿਹਾ:

“ਨੈਸ਼ਨਲ ਰਿਕਾਰਡ ਬਣਾਉਣਾ ਕੋਈ ਆਮ ਗੱਲ ਨਹੀਂ। ਇਹ ਕੋਮਲ ਦੀ ਮਿਹਨਤ, ਦ੍ਰਿੜਤਾ ਅਤੇ ਸਾਡੇ ਖੇਡ ਵਿਭਾਗ ਦੀ ਲਗਨ ਦਾ ਨਤੀਜਾ ਹੈ। ਅਸੀਂ ਕੋਮਲ ਤੇ ਬੇਹੱਦ ਮਾਣ ਮਹਿਸੂਸ ਕਰਦੇ ਹਾਂ ਅਤੇ ਹਰੇਕ ਖੇਤਰ ਵਿੱਚ ਇਨ੍ਹਾਂ ਵਰਗੇ ਟੈਲੈਂਟ ਨੂੰ ਉਭਰਨ ਦਾ ਮੌਕਾ ਦਿੰਦੇ ਰਹਾਂਗੇ।”

ਇਹ ਇਤਿਹਾਸਕ ਜਿੱਤ ਨਾ ਸਿਰਫ਼ ਕੋਮਲ ਦੀ ਨਿੱਜੀ ਉਪਲਬਧੀ ਹੈ, ਸਗੋਂ ਸੀ.ਟੀ. ਯੂਨੀਵਰਸਿਟੀ ਦੇ ਖੇਡ ਵਿਭਾਗ ਅਤੇ ਪੂਰੇ ਪਰਿਵਾਰ ਲਈ ਇੱਕ ਵਿਸ਼ੇਸ਼ ਮਾਣਪੂਰਨ ਪਲ ਹੈ — ਜੋ ਇਹ ਸਾਬਤ ਕਰਦਾ ਹੈ ਕਿ ਸੀ.ਟੀ.ਯੂ. ਸਿੱਖਿਆ ਦੇ ਨਾਲ ਨਾਲ ਖੇਡਾਂ ਵਿੱਚ ਵੀ ਦੇਸ਼ ਭਰ ਵਿੱਚ ਆਪਣਾ ਅਗੂ ਪਦਵੀ ਹਾਸਿਲ ਕਰ ਚੁੱਕੀ ਹੈ।