*ਸ਼੍ਰੀ ਗੁਰੂ ਰਵੀਦਾਸ ਮਹਾਰਾਜ ਜੀ ਦੇ ਜਨਮ ਦਿਹਾੜੇ ਨੂੰ ਸਮਰਪਿਤ ਮਨੁੱਖਤਾ ਲਈ ਕੀਤਾ ਖੂਨਦਾਨ*

ਨਵਾਂਸ਼ਹਿਰ /ਰਾਹੋਂ   (ਸਮਾਜ ਵੀਕਲੀ)   (ਜਤਿੰਦਰ ਪਾਲ ਸਿੰਘ ਕਲੇਰ ) ਸਤਿਗੁਰੂ ਰਵਿਦਾਸ ਮਹਾਰਾਜ ਜੀ ਦੇ ਪਵਿੱਤਰ ਜਨਮ ਤੇ ਪਿੰਡ ਹੁਸੈਨਪੁਰ ਤੋਂ ਵਰਿੰਦਰ ਕੁਮਾਰ, ਪ੍ਰੇਮ ਲਾਲ ਅਤੇ ਸੇ਼ਖਾ ਮਜਾਰਾ ਤੋਂ ਲਖਵਿੰਦਰ ਸਿੰਘ ਨੇ ਮਨੁੱਖਤਾ ਦੀ ਸੇਵਾ ਵਿੱਚ ਆਪਣਾ ਵਿਸ਼ੇਸ਼ ਯੋਗਦਾਨ ਪਾਉਂਦੇ ਹੋਏ ਖੂਨ ਦਾਨ ਕੀਤਾ।ਲਖਵਿੰਦਰ ਸਿੰਘ ਨੇ ਆਪਣੇ ਵਿਚਾਰਾਂ ਦਾ ਪ੍ਰਗਟਾਵਾ ਕਰਦੇ ਹੋਏ ਕਿਹਾ ਕੇ ਉਨਾਂ ਨੇ 16ਵੀਂ ਵਾਰ ਖੂਨ ਦਾਨ ਕਰਕੇ ਇਸ ਕਾਰਜ ਰਾਹੀਂ ਸਤਿਗੁਰ ਜੀ ਦੇ “ਸੇਵਾ, ਸਿਮਰਨ, ਸੰਗਤ” ਦੇ ਸੰਦੇਸ਼ ਨੂੰ ਸਾਕਾਰ ਕੀਤਾ ਹੈ।ਇਹ ਨੇਕ ਪਹਿਲਕਦਮੀ ਨਾ ਕੇਵਲ ਸਮਾਜਿਕ ਜ਼ਿੰਮੇਵਾਰੀ ਦੀ ਮਿਸਾਲ ਹੈ, ਸਗੋਂ ਇਸ ਦਿਵਸ ਦੀ ਪਵਿੱਤਰਤਾ ਨੂੰ ਇੱਕ ਨਵੇਂ ਅਰਥਾਂ ਵਿੱਚ ਮਨਾਉਣ ਦਾ ਸੁੰਦਰ ਤਰੀਕਾ ਵੀ ਹੈ। ਇਸ ਤਰ੍ਹਾਂ ਇਹ ਕਾਰਜ ਨੌਜਵਾਨਾਂ ਨੂੰ ਨਵੀਂ ਉਮੀਦ ਦੇਣ ਦਾ ਪੁਨੀਤ ਕਾਰਜ ਵੀ ਹੈ।ਸਤਿਗੁਰੂ ਰਵਿਦਾਸ ਮਹਾਰਾਜ ਜੀ ਦਾ ਜੀਵਨ ਸਮਾਜਿਕ ਏਕਤਾ ਅਤੇ ਸੇਵਾ ਭਾਵਨਾ ਲਈ ਸਮਰਪਿਤ ਰਿਹਾ। ਇਸ ਮੌਕੇ ਖੂਨਦਾਨ ਕਰਕੇ  ਇਸ ਸੰਦੇਸ਼ ਨੂੰ ਅੱਜ ਦੇ ਯੁੱਗ ਵਿੱਚ ਜੀਵੰਤ ਰੱਖਿਆ ਹੈ। “ਜਿਵੇਂ ਸਤਿਗੁਰੂ ਰਵਿਦਾਸ ਮਹਾਰਾਜ ਜੀ ਨੇ ਮਨੁੱਖਤਾ ਦੀ ਸੇਵਾ ਨੂੰ ਸਰਵਉਚ ਦਰਜਾ ਦਿੱਤਾ, ਉਸੇ ਤਰ੍ਹਾਂ ਅਸੀਂ ਵੀ ਖੂਨ ਦਾਨ ਜਿਹੀਆਂ ਮਾਨਵੀ ਸੇਵਾਵਾਂ ਰਾਹੀਂ ਸਮਾਜ ਵਿੱਚ ਸਕਾਰਾਤਮਕ ਪਰਿਵਰਤਨ ਲਿਆ ਸਕਦੇ ਹਾਂ”।

‘ਸਮਾਜਵੀਕਲੀ’ ਐਪਡਾਊਨਲੋਡਕਰਨਲਈਹੇਠਦਿਤਾਲਿੰਕਕਲਿੱਕਕਰੋ
https://play.google.com/store/apps/details?id=in.yourhost.samajweekly