ਗਾਇਕ ਆਸ਼ੂ ਸਿੰਘ “ਸਰਬੱਤ ਦਾ ਭਲਾ” ਟਰੈਕ ਨਾਲ ਗੁਰਪੁਰਬ ਤੇ ਸੰਗਤ ਦੇ ਹੋਇਆ ਰੂਬਰੂ

ਕਨੇਡਾ /ਵੈਨਕੂਵਰ (ਕੁਲਦੀਪ ਚੁੰਬਰ)- ਨੂਰ ਰਿਕਾਰਡਸ ਦੀ ਪੇਸ਼ਕਸ਼ ਵਿੱਚ ਪ੍ਰਸਿੱਧ ਗੀਤਕਾਰ ਮਹਿੰਦਰ ਸੰਧੂ ਮਹੇੜੂ ਦੀ ਨਿਰਦੇਸ਼ਨਾ ਹੇਠ ਰਾਜ ਘੇੜਾ ਜਰਮਨ ਵਲੋਂ ਗਾਇਕ ਆਸ਼ੂ ਸਿੰਘ ਦਾ ਨਵਾਂ ਸਿੰਗਲ ਟਰੈਕ ਜਗਤ ਗੁਰੂ ਸ਼੍ਰੀ ਗੁਰੂ ਰਵਿਦਾਸ ਮਹਾਰਾਜ ਜੀ ਦੇ ਪਾਵਨ ਪਵਿੱਤਰ ਪ੍ਰਕਾਸ਼ ਪੁਰਬ ਦੀ ਖੁਸ਼ੀ ਵਿੱਚ “ਸਰਬੱਤ ਦਾ ਭਲਾ” ਟਾਈਟਲ ਹੇਠ ਰਿਲੀਜ਼ ਕੀਤਾ ਗਿਆ ਹੈ । ਆਰ ਕੇ ਬਾਂਸਲ ਇਸ ਟਰੈਕ ਦੇ ਡਾਇਰੈਕਟਰ ਹਨ ਜਦਕਿ ਇਸਦਾ ਸੰਗੀਤ ਬੀਟ ਮੇਕਰ ਵਲੋਂ ਕੀਤਾ ਗਿਆ ਹੈ। ਸਰਬੱਤ ਦਾ ਭਲਾ ਟਰੈਕ ਨੂੰ ਮਹਿੰਦਰ ਸੰਧੂ ਮਹੇੜੂ ਨੇ ਕਲਮਬੱਧ ਕੀਤਾ ਹੈ । ਗਾਇਕ ਆਸ਼ੂ ਸਿੰਘ ਸਮੇਂ ਸਮੇਂ ਆਪਣੇ ਪੰਜਾਬੀ ਅਤੇ ਧਾਰਮਿਕ ਗੀਤਾਂ ਰਾਹੀਂ  ਰੂ ਬ ਰੂ ਹੁੰਦੇ ਰਹਿੰਦੇ ਹਨ ਅਤੇ ਉਹਨਾਂ ਵਲੋਂ ਕੀਤੀ ਗਈ ਇਸ ਸ਼ਾਨਦਾਰ ਕੋਸ਼ਿਸ਼ ਨਾਲ ਉਹਨਾਂ ਦੀ ਸੰਗਤ ਵਿੱਚ ਭਰਵੀਂ ਹਾਜ਼ਰੀ ਲੱਗੇਗੀ । “ਸਰਬੱਤ ਦਾ ਭਲਾ” ਟਰੈਕ ਲਗਭਗ ਸੋਸ਼ਲ ਸਾਈਟਾਂ ਤੇ ਰਿਲੀਜ਼ ਕਰ ਦਿੱਤਾ ਗਿਆ ਹੈ।  ਜਿਸ ਦੇ ਜਾਰੀ ਕੀਤੇ ਗਏ ਪੋਸਟਰ ਨੂੰ ਵੀ ਸੰਗਤਾਂ ਨੇ ਅਥਾਹ ਮੁਹੱਬਤਾਂ ਦੇ ਕੇ ਨਿਵਾਜ਼ਿਆ ਹੈ।