* ਮਾਪਿਆਂ ਦੀ ਸਵਰਗ ਵਿੱਚ ਸੇਵਾ *

03/10/2023

ਵਿਅੰਗ (ਸਮਾਜ ਵੀਕਲੀ)

ਸਰਾਧ ਤਾਂ ਹਰ ਸਾਲ ਹੀ ਆਉਂਦੇ ਨੇ,

ਐਤਕੀਂ ਵੀ ਉਸੇ ਤਰਾਂ ਹੀ ਆਉਣਗੇ l

ਜਿਹੜੇ ਮਾਂ ਪਿਓ ਨੂੰ ਰੋਟੀ ਨਾ ਪੁੱਛਦੇ ਸੀ,

ਉਹੋ ਵਿਹਲੜਾਂ ਤਾਈਂ ਖੀਰ ਖਵਾਉਣਗੇ l

ਜਿਉਂਦਿਆਂ ਦੇ ਨਾ ਪਾਟੇ ਲੱਤੜੇ ਦੇਖੇ ਸੀ,

ਯਾਦ ਵਿੱਚ ਪੁਜਾਰੀਆਂ ਦੇ ਚੋਗੇ ਪਵਾਉਣਗੇ l

ਬਦਲੇ ਵਿੱਚ ਰੱਬ ਅੱਗੇ ਪ੍ਰਾਰਥਨਾਵਾਂ ਕਰਵਾ,

ਮਰਿਆਂ ਨੂੰ ਸਵਰਗ’ਚ ਕੱਪੜੇ ਪਹੁੰਚਾਉਣਗੇ l

ਜੀਵਨ ਵਿੱਚ ਦੁੱਖ ਸੁੱਖ ਦੀ ਸਾਂਝ ਨਾ ਪਾਈ,

ਸਿਰਫ ਇੱਕ ਦਿਨ ਯਾਦ ਕਰ ਹੰਝੂ ਵਹਾਉਣਗੇ l

ਬਰਸੀ ਦੇ ਦਿਨ ਖਾਣਿਆਂ ਦੀ ਕਮੀ ਨਾ ਰਹੂ l

ਰੱਜਿਆਂ ਨੂੰ ਸੱਦ ਸੱਦ ਲੰਗਰ ਲਾਉਣਗੇ l

ਕੋਲ ਹੁੰਦੇ ਮਾਪਿਆਂ ਨੂੰ ਪਾਣੀ ਨਾ ਪੁੱਛਿਆ,

ਹੁਣ ਦੁੱਧ ਲਈ ਗਾਈਆਂ ਦਾਨ ਕਰਾਉਣਗੇ l

ਅਵਤਾਰ ਸੁੱਖ ਨਾਲ ਜਿੰਦਗੀ ਨਾ ਜੀਣ ਦਿੱਤੀ,

ਖੁਰਦਪੁਰੀਆ ਮਰਿਆਂ ਦੀ ਗਤੀ ਕਰਾਉਣਗੇ l

-ਅਵਤਾਰ ਤਰਕਸ਼ੀਲ ਨਿਊਜ਼ੀਲੈਂਡ

ਜੱਦੀ ਪਿੰਡ ਖੁਰਦਪੁਰ (ਜਲੰਧਰ)

006421392147

ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly

Post Views: 8