ਰੀਹਾਨ ਦੀ ਜਿੱਤ ਤੇ ਰੀਹਾਨ ਤੇ ਉਹਨਾਂ ਦੇ ਕੋਚ ਦੀ ਸਖ਼ਤ ਮਿਹਨਤ ਦਾ ਫ਼ਲ -ਮਾਤਾ, ਪਿਤਾ
ਕਪੂਰਥਲਾ (ਸਮਾਜ ਵੀਕਲੀ) (ਕੌੜਾ)- ਐੱਚ ਐੱਮ ਵੀ ਕਾਲਜ ਜਲੰਧਰ ਵਿੱਚ ਕਰਵਾਈ ਗਈ ਪੰਜਾਬ ਰਾਜ ਕਰਾਟੇ ਚੈਂਪੀਅਨਸ਼ਿਪ 2023 ਵਿੱਚ ਬ੍ਰਿਟਿਸ਼ ਵਿਕਟੋਰੀਆ ਦੇ ਵਿਦਿਆਰਥੀ ਰੀਹਾਨ ਧੀਰ ਨੇ ਸਿਲਵਰ ਮੈਡਲ ਜਿੱਤਣ ਵਿੱਚ ਕਾਮਯਾਬੀ ਹਾਸਿਲ ਕੀਤੀ ਹੈ। ਰੀਹਾਨ ਧੀਰ ਵੱਲੋਂ ਉਕਤ ਪ੍ਰਤੀਯੋਗਿਤਾ ਵਿਚ ਹਾਸਲ ਕੀਤੀ ਜਿੱਤ ਲਈ ਜਿੱਥੇ ਉਹਨਾਂ ਦੇ ਕੋਚ ਸੈਮ ਨੇ ਖੁਸ਼ੀ ਜ਼ਾਹਰ ਕੀਤੀ ਹੈ। ਉਥੇ ਹੀ ਆਪਣੇ ਪੁੱਤਰ ਦੀ ਜਿੱਤ ਨੂੰ ਉਹਨਾਂ ਦੇ ਪਿਤਾ ਇਲਾਕੇ ਦੇ ਪ੍ਰਸਿੱਧ ਫਿਜ਼ੀਓਥਰੈਪਿਸਟ ਡਾਕਟਰ ਦੀਪਕ ਧੀਰ ਤੇ ਮਾਤਾ ਅਨੀਤਾ ਧੀਰ ਨੇ ਸਖ਼ਤ ਮਿਹਨਤ ਦਾ ਫ਼ਲ ਦੱਸਿਆ ਹੈ। ਉਹਨਾਂ ਕਿਹਾ ਕਿ ਉਹਨਾਂ ਦਾ ਸੁਪਨਾ ਆਪਣੇ ਪੁੱਤਰ ਨੂੰ ਕਰਾਟੇ ਚੈਂਪੀਅਨ ਬਣਾਉਣਾ ਹੈ। ਇਸ ਜਿੱਤ ਨਾਲ ਉਹਨਾਂ ਦੇ ਸੁਪਨੇ ਦਾ ਆਗਾਜ਼ ਸ਼ੁਰੂ ਹੋ ਗਿਆ ਹੈ। ਇਸ ਮੌਕੇ ਤੇ ਰੀਹਾਨ ਧੀਰ ਤੇ ਉਹਨਾਂ ਦੇ ਕੋਚ ਤੇ ਮਾਤਾ ਪਿਤਾ ਨੂੰ ਚੁਫੇਰਿਓਂ ਵਧਾਈਆਂ ਮਿਲ ਰਹੀਆਂ ਹਨ।
‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
