ਪ੍ਰਿੰਸੀਪਲ ਹਰਜੀਤ ਸਿੰਘ ਦਾ ਸੇਵਾਮੁਕਤੀ ਸਮਾਰੋਹ ਯਾਦਗਾਰੀ ਹੋ ਨਿੱਬੜਿਆ, ਗਿੱਧਾ, ਭੰਗੜਾ, ਸਕਿਟਾਂ ਦੀ ਬਾ ਕਮਾਲ ਪੇਸ਼ਕਾਰੀ

ਮਹਿਤਪੁਰ ,(ਸਮਾਜ ਵੀਕਲੀ) (ਪੱਤਰ ਪ੍ਰੇਰਕ)– ਆਪਣੀ ਜ਼ਿੰਦਗੀ ਵਿਚ ਡਿਊਟੀ ਕਾਰਜਕਾਲ ਦੌਰਾਨ ਬਹੁਤ ਵਧੀਆਂ ਅਤੇ ਬੇ ਦਾਗ਼ ਸਿਵਾਵਾ ਨਿਭਾਉਣ ਤੋਂ ਬਾਅਦ ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਮਹਿਤਪੁਰ ਦੇ ਵਿਹੜੇ ਵਿਚੋਂ  ਪ੍ਰਿੰਸੀਪਲ ਸ੍ਰੀ ਹਰਜੀਤ ਸਿੰਘ ਜੀ ਦਾ  ਵਿਦਾਇਗੀ ਅਤੇ ਸਨਮਾਨ ਸਮਾਗਮ ਯਾਦਗਾਰੀ ਹੋ ਨਿਬੜਿਆ। ਇਸ ਮੌਕੇ ਸਕੂਲ ਦੀਆਂ ਸਮੂਹ ਵਿਦਿਆਰਥਣਾਂ ਵੱਲੋਂ  ਡਾਂਸ, ਸਕਿੱਟਾ ਅਤੇ ਗਿੱਧਾ ਦੀ  ਪੇਸ਼ਕਾਰੀ ਕਰਦਿਆਂ ਵਿਦਾਇਗੀ ਸਮਾਰੋਹ ਵਿਚ ਚਾਰ ਚੰਨ ਲਗਾ ਦਿੱਤੇ। ਇਸ ਸਮਾਰੋਹ ਦੌਰਾਨ ਸੇਵਾਮੁਕਤ ਹੋਏ ਪ੍ਰਿੰਸੀਪਲ ਹਰਜੀਤ ਸਿੰਘ ਦੇ ਪਰਿਵਾਰਿਕ ਮੈਂਬਰਾਂ ਤੋਂ ਇਲਾਵਾ ਰਿਸ਼ਤੇਦਾਰ ਅਤੇ ਵੱਖ‌- ਵੱਖ ਸਕੂਲ ਮੁਖੀਆਂ ਵੱਲੋਂ ਸ਼ਿਰਕਤ ਕੀਤੀ ਗਈ ।  ਇਸ ਮੋਕੇ ਸਕੂਲ ਨੂੰ ਰੰਗ ਬਰੰਗੀਆ ਝੰਡੀਆਂ ਨਾਲ ਸਜਾ ਕੇ ਕੀਮਤੀ  ਪਲਾਂ ਨੂੰ ਯਾਦਗਾਰੀ  ਬਣਾ ਦਿੱਤਾ ਗਿਆ। ਇਸ ਦ੍ਰਿਸ਼ ਨੂੰ ਦੇਖ ਕੇ ਪਰਿਵਾਰਕ ਮੈਂਬਰਾਂ ਨਾਲ ਸਕੂਲ ਪਹੁੰਚੇ  ਪ੍ਰਿੰਸੀਪਲ ਸ੍ਰੀ ਹਰਜੀਤ ਸਿੰਘ ਦੀਆਂ ਅਖਾਂ ਨਮ ਹੋ ਗਈਆਂ। ਕੁਝ ਪਲ ਉਹ ਆਪਣੇ ਹੱਥੀਂ ਲਗਾਏ ਬੂਟਿਆਂ ਕੋਲ ਜਾ ਖਲੋਤੇ। ਇਸ ਮੌਕੇ ਸਕੂਲ ਸਟਾਫ ਵੱਲੋਂ ਸਵਾਗਤ ਕਰਦਿਆਂ  ਉਨ੍ਹਾਂ ਨੂੰ ਹਾਰ ਪਹਿਨਾ ਕੇ ਸਨਮਾਨਿਤ ਕੀਤਾ ਗਿਆ । ਸਮਾਰੋਹ ਵਿਚ ਹਾਜ਼ਰ ਸਖਸ਼ੀਅਤਾਂ ਵੱਲੋਂ ਦਿਤੇ ਭਾਸ਼ਨ ਦੌਰਾਨ ਪ੍ਰਿੰਸੀਪਲ ਹਰਜੀਤ ਸਿੰਘ ਵੱਲੋਂ ਆਪਣੇ ਕਾਰਜਕਾਲ ਦੌਰਾਨ ਕੀਤੇ ਕੰਮਾਂ ਨੂੰ ਯਾਦ ਕਰਦਿਆਂ ਭਰਭੂਰ ਤੇ ਜ਼ੋਰਦਾਰ ਸ਼ਬਦਾਂ ਵਿਚ ਸ਼ਲਾਘਾ ਕੀਤੀ ਗਈ। ਇਸ ਮੌਕੇ ਦਿੱਤੇ ਆਪਣੇ ਭਾਸ਼ਣ ਦੌਰਾਨ ਪ੍ਰਿੰਸੀਪਲ ਹਰਜੀਤ ਸਿੰਘ ਨੇ ਸਕੂਲ ਵਿਚ ਬਤਾਏ ਬਿਹਤਰੀਨ ਪਲਾਂ ਨੂੰ ਯਾਦ ਕੀਤਾ। ਉਨ੍ਹਾਂ ਕਿਹਾ ਮੈਂ ਹਮੇਸ਼ਾ ਸਕੂਲ ਨੂੰ ਮੰਦਰ ,  ਵਿਦਿਆਰਥਣਾਂ ਨੂੰ ਬੇਟੀਆਂ ਅਤੇ ਸਟਾਫ ਨੂੰ ਪਰਿਵਾਰਕ ਮੈਂਬਰ ਸਮਝਿਆ। ਉਨ੍ਹਾਂ ਨਿਮਰਤਾ ਨਾਲ ਕਿਹਾ ਹੁਣ ਤੱਕ ਨਿਭਾਈ ਡਿਊਟੀ ਦੌਰਾਨ ਉਨ੍ਹਾਂ ਵੱਲੋਂ ਹੋਈ ਅਚਨਚੇਤ ਗਲਤੀ ਜਿਸ ਨਾਲ ਕਿਸੇ ਦਾ  ਦਿਲ ਦੁਖਿਆ ਹੋਵੇ ਲਈ ਮੈਂ ਖਿਮਾ ਮੰਗਦਾ ਹਾਂ। ਇਸ ਮੌਕੇ ਵਿਦਾਇਗੀ ਸਮਾਰੋਹ ਪਾਰਟੀ ਦੌਰਾਨ ਚਾਹ ਪਾਣੀ ਦਾ ਸੁਚੱਜਾ ਪ੍ਰਬੰਧ ਵੀ ਕੀਤਾ ਗਿਆ। ਇਸ ਮੌਕੇ ਪ੍ਰਿੰਸੀਪਲ ਹਰਜੀਤ ਸਿੰਘ ਦੀ ਧਰਮ ਪਤਨੀ  ਸ੍ਰੀਮਤੀ ਰੇਖਾ ਰਾਣੀ, ਬੇਟੀ ਮਿਸ ਅੰਕਿਤਾ ਠਾਕੁਰ , ਸ੍ਰੀ ਕਰਨੈਲ ਪਠਾਨੀਆ, ਰਣਜੀਤ ਸਿੰਘ, ਦਲਜੀਤ ਸਿੰਘ, ਰਾਜੇਸ਼ ਕੁਮਾਰ, ਰਾਕੇਸ਼ ਕੁਮਾਰ, ਸੰਤ ਕੁਮਾਰ ਰਾਜੇਸ਼ਵਰ ਪਠਾਨੀਆ ਪਰਿਵਾਰਿਕ ਮੈਂਬਰਾਂ ਤੋਂ ਇਲਾਵਾ ਸਿੱਖਿਆ ਵਿਭਾਗ ਤੋਂ  ਧਰਮਿੰਦਰ ਰੈਨਾ ਸਟੇਟ ਐਵਾਰਡੀ,  ਭਗਵੰਤ ਸਿੰਘ,  ਗੁਰਮੀਤ ਸਿੰਘ,  ਹਰਭਜਨ ਸਿੰਘ,  ਮੇਜਰ ਸਿੰਘ,  ਰਾਕੇਸ਼ ਕੁਮਾਰ,  ਸੋਨੂੰ,  ਅਮਰਜੀਤ,  ਸਤਨਾਮ ਸਿੰਘ ਆਦਿ ਸ਼ਖ਼ਸੀਅਤਾਂ  ਹਾਜ਼ਰ ਸਨ।

ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly