(ਸਮਾਜ ਵੀਕਲੀ)
1. ਤੈਨੂੰ ਕੀ ਲੱਗਦਾ !
ਪਛਾਣਦਾ ਨਹੀਂ ਮੈਂ ?
ਤੂੰ ਕੀ ਸਮਝਿਆ
ਤੈਨੂੰ ਜਾਣਦਾ ਨਹੀਂ ਮੈਂ ?
ਬਹੁਤਾ ਚਲਾਕ ਨਾ ਬਣ
ਗਮ ਤੇ ਦੁੱਖ ਮਾਣਦਾ ਨਹੀਂ ਮੈਂ ?
ਤੈਨੂੰ ਕੀ ਲੱਗਦਾ !
ਤੇਰੇ ਬਾਰੇ ਕੁਝ ਵੀ ਜਾਣਦਾ ਨਹੀਂ ਮੈਂ ….
2. ਮੁੱਢ ਕਦੀਮ ਤੋਂ ਹੀ ਸੀ
ਸ਼ਾਇਦ ਤੇਰੇ ਨਾਲ਼ ਮੇਰਾ ਨਾਤਾ ਕੋਈ ,
ਜੋ ਤੂੰ ਬੜੀ ਆਸਾਨੀ ਨਾਲ਼ ਤੋੜ ਦਿੱਤਾ
ਤੇ ਮੰਨੀ ਨਾ ਮੇਰੀ ਹਰਜੋਈ….
3. ਕੋਲ਼ ਬੈਠਣਾ
ਜ਼ਰੂਰੀ ਨਹੀਂ ਸੀ ,
ਸ਼ਾਇਦ
ਇਹ ਤੇਰੀ ਮਜ਼ਬੂਰੀ ਨਹੀਂ ਸੀ….
4. ਤੇਰੀ ਕਿਸਮਤ ਤੇਰੇ ਨਾਲ਼
ਮੇਰੀ ਕਿਸਮਤ ਮੇਰੇ ਨਾਲ਼ ,
ਤਕਦੀਰ ਆਪਣੀ – ਆਪਣੀ
ਹੋਰ ਸੁਣਾ ਕੀ ਹਾਲ – ਚਾਲ ….?
5. ਬਹੁਤ ਸੋਚਿਆ
ਤੇਰੇ ਬਾਰੇ ,
ਕਿਉਂ ਰਿਹਾ
ਤੇਰੇ ਸਹਾਰੇ….?
6. ਮੇਘ ਨੇ ਤਾਂ
ਗਰਜਣਾ ਹੀ ਸੀ ,
ਗਲਤ ਰਾਹ ਤੋਂ
ਤੂੰ ਹੀ ਮੈਨੂੰ ਵਰਜਣਾ ਸੀ….
7. ਮੰਜ਼ਿਲ ਬਹੁਤ
ਦੂਰ ਸੀ ਮੇਰੀ ,
ਪਰ ਫੋਟੋ
ਬਹੁਤ ਮਸ਼ਹੂਰ ਸੀ ਤੇਰੀ….
8. ਕੀ ਲਿਖਾਂ ਤੇਰੇ ਬਾਰੇ ?
ਅਸੀਂ ਹਰ ਜਿੱਤੀ ਜੰਗ ਹਾਰੇ !
ਕੀਤਾ ਵਿਸ਼ਵਾਸ ਹੀ ਮਾਰ ਗਿਆ
ਹੁਣ ਅਸੀਂ ਹਾਂ ਰੱਬ ਦੇ ਸਹਾਰੇ….
9. ਜ਼ਿੰਦਗੀ ਦੇ ਪੰਨੇ ‘ਤੇ
ਲਿਖੀਆਂ ਨੇ ਕੁਝ ਗੱਲਾਂ ,
ਕਈ ਵਾਰ ਜ਼ਿੰਦਗੀ ਇੰਝ ਲੱਗਦੀ
ਜਿਵੇਂ ਸਮੁੰਦਰ ਦੇ ਪਾਣੀ ਦੀਆਂ ਛੱਲਾਂ….
10. ਹਿੰਦੀ ਵਿੱਚ ਉਸਨੇ ਗੱਲ ਕਹੀ
ਪਰ ਗੱਲ ਸੀ ਮਿੱਠੀ ਪੰਜਾਬੀ ਜਿਹੀ ,
ਦੁੱਖ ਇਸ ਗੱਲ ਦਾ ਹੋਇਆ ਮੈਨੂੰ
ਕਿ ਉਸਨੇ ਗੱਲ ਪੰਜਾਬੀ ‘ਚ ਕਿਉਂ ਨਾ ਕਹੀ….?
ਮਾਸਟਰ ਸੰਜੀਵ ਧਰਮਾਣੀ
ਸ਼੍ਰੀ ਅਨੰਦਪੁਰ ਸਾਹਿਬ
9478561356
