ਮਾਨਸਾ (ਸਮਾਜ ਵੀਕਲੀ) (ਚਰਨਜੀਤ ਸੱਲ੍ਹਾਂ ) ਅੱਜ ਮਾਨਸਾ ਵਿਖੇ ਬਹੁਜਨ ਸਮਾਜ ਪਾਰਟੀ ਦੇ ਸੀਨੀਅਰ ਵਰਕਰਾਂ ਨੂੰ ਸੰਬੋਧਨ ਕਰਦਿਆਂ ਕੁਲਦੀਪ ਸਿੰਘ ਸਰਦੂਲਗੜ੍ਹ ਕੋਆਰਡੀਨੇਟਰ ਬਸਪਾ ਪੰਜਾਬ ਨੇ ਕਿਹਾ ਕਿ ਬਹੁਜਨ ਸਮਾਜ ਦੇ ਲੋਕ ਦੋਚਿੱਤੀ ਵਿੱਚ ਵੋਟਾਂ ਵਾਲੇ ਦਿਨ ਫਸ ਜਾਂਦੇ ਹਨ ਉਨ੍ਹਾਂ ਨੇ ਇੱਕ ਕੁੱਤੇ ਦੀ ਉਦਾਹਰਨ ਦੇ ਕੇ ਵਰਕਰਾਂ ਨੂੰ ਸਮਝਾਇਆ ਕਿ ਜਦੋਂ ਇੱਕ ਗੱਡੀ ਵਿੱਚ ਮਾਲਿਕ ਜਾਂਦਾ ਹੈ ਤੇ ਉਸ ਦੇ ਹੇਠਾਂ ਇੱਕ ਕੁੱਤਾ ਆ ਜਾਂਦਾ ਹੈ। ਮਾਲਿਕ ਆਪਣੇ ਡਰਾਈਵਰ ਨੂੰ ਪੁੱਛਦਾਂ ਹੈ ਕਿ ਇਹ ਕੁੱਤਾ ਕਿਸ ਕਰਕੇ ਮਾਰਿਆ ਗਿਆ ਹੈ ਅਤੇ ਉਹ ਡਰਾਇਵਰ ਮਾਲਿਕ ਨੂੰ ਜਵਾਬ ਦਿੰਦਾ ਹੈ ਕਿ ਉਹ ਕੁੱਤਾ ਦੋਚਿੱਤੀ ਵਿੱਚ ਫਸ ਗਿਆ ਸੀ ਇਸ ਕਰਕੇ ਮਾਰਿਆ ਗਿਆ। ਇਸ ਤਰ੍ਹਾਂ ਹੀ ਸਾਡੇ ਸਮਾਜ ਦੀਆਂ ਵੋਟਾਂ ਜ਼ਿਆਦਾ ਹਨ ਪਰ ਇਹ ਦੋਚਿੱਤੀ ਵਿੱਚ ਫਸ ਜਾਂਦੇ ਹਨ। ਅਸੀਂ ਦੋਚਿੱਤੀ ਵਿੱਚ ਨਹੀਂ ਫਸਣਾ ਬਸ ਬਹੁਜਨ ਸਮਾਜ ਪਾਰਟੀ ਨੂੰ ਵੋਟਾਂ ਪਾਉਣੀਆਂ ਹਨ ਸਾਡੇ ਸਮਾਜ ਨੂੰ ਕੋਈ ਫਹਿਮ ਨਹੀਂ ਹੋਣਾ ਚਾਹੀਦਾ। ਇਸ ਲਈ ਮੈਂ ਬਹੁਜਨ ਸਮਾਜ ਦੇ ਲੋਕਾਂ ਨੂੰ,ਵਰਕਰਾਂ ਨੂੰ ਅਤੇ ਸਮਰਥਕਾ ਨੂੰ ਅਪੀਲ ਕਰਦਾਂ ਹਾਂ ਕਿ ਤੁਸੀਂ ਫਿਲੌਰ ਹਲਕੇ ਤੋਂ ਸਬਕ ਸਿੱਖ ਲੈਣਾ ਚਾਹੀਦਾ ਹੈ ਕਿ ਸਾਡਾ ਸਮਾਜ ਜਦੋਂ ਇਕੱਠਾ ਹੋਣ ਲੱਗ ਪਏਗਾ ਸਮਝੋਂ ਤੁਹਾਡੀ ਜਿੱਤ ਵੀ ਹੋਣ ਲੱਗ ਪਏਗੀ ਅਤੇ ਤੁਹਾਡੇ ਜਿੱਤ ਦੇ ਝੰਡੇ ਝੂਲਣਗੇ। ਇਸ ਮੌਕੇ ਤੇ ਮਾਨਸਾ ਜ਼ਿਲ੍ਹੇ ਦੀ ਪੂਰੀ ਬਸਪਾ ਟੀਮ ਹਾਜ਼ਰ ਸੀ।
‘ਸਮਾਜਵੀਕਲੀ’ ਐਪਡਾਊਨਲੋਡਕਰਨਲਈਹੇਠਦਿਤਾਲਿੰਕਕਲਿੱਕਕਰੋ
https://play.google.com/store/apps/details?id=in.yourhost.samajweekly
