(ਸਮਾਜ ਵੀਕਲੀ)
ਦੁੱਖ ਇੱਕ ਹੋਵੇ ਮੈਂ ਤਾਂ ਦੱਸਾਂ-
ਦੁੱਖਾਂ ਦੀ ਪੰਡ ਸਿਰ ਤੇ, ਮੈਂ ਕਿਵੇਂ ਹੱਸਾਂ?
ਵਤਨ ਪੰਜਾਬ ਦਾ ਦੇਖ ਦੁੱਖੀ ਚਿਹਰਾ –
ਮੈਂ ਆਪਣੇ ਘਰ ਵਿੱਚ ਸੁਖੀ ਕਿਵੇਂ ਵੱਸਾਂ?
ਦੁੱਖੀ ਅੱਖਾਂ ਦੇ ਹੰਝੂ ਛੁਪਾਉਣ ਖਾਤਰ-
ਸੁੱਖ ਦੀ ਚਾਦਰ ਵਿਹੜੇ ਵਿਛਾਉਣ ਖਾਤਰ –
ਮੈਂ ਬਣਿਆ ਹਾਂ ਸੇਵਕ ਸਮਾਜ ਦਾ,
ਮੇਰੀ ਨਜ਼ਰ ਵਿੱਚ ਪਾਪੀ ਨੇ ਉਹ ਸਾਰੇ-
ਜੋ ਲਾਲਚ ਕਰਦੇ ਨੇ ਦਾਜ ਦਾ,
ਮੇਰੀ ਨਜ਼ਰ ਦੇ ਸਾਹਮਣੇ ਉਹ ਹਾਰੇ-
ਜੋ ਅਭਿਲਾਸ਼ਾ ਰਖਦੇ ਨੇ ਬੇਈਮਾਨੀ ਦੇ ਵਿਆਜ਼ ਦਾ,
ਅੱਖਾਂ ਮੇਰੀਆਂ ਵਿੱਚ ਕਾਤਲ ਉਹ ਸਾਰੇ-
ਜੋਕਾਂ ਵਾਂਗ ਜੋ ਲੋਕਾਂ ਦਾ ਖੂਨ ਚੂਸਣ-
ਹਰਾਮ ਦੀ ਕਮਾਈ ਨਾਲ ਹੀ ਜੇਬਾਂ ਠੂਸਣ ,
ਦੁੱਖੜੇ ਦੱਸਦੇ ਹੀ ਸਵੇਰ ਹੋਈ-
ਦੁੱਖਾਂ ਦੇ ਪਹਾੜ ਦੇਖ ਕੇ ਰੂਹ ਰੋਈ,
ਦੁਨੀਆਂ ਚਲਦੀ ਇਸੇ ਤਰ੍ਹਾਂ ਚਲਦੀ ਰਹਿਣੀ-
ਨਿੰਮੇ ਇਸੇ ਤਰ੍ਹਾਂ ਸੱਚ ਦੀ ਬਾਤ ਕਹਿਣੀ,
ਗੱਲ ਸੁਣ ਕੇ ਮੇਰੀ ਤਕਲੀਫ ਹੋਣੀ-
ਸੱਚ ਦੀ ਗੱਲ ਝੂਠਿਆਂ ਨਹੀਂ ਸਹਿਣੀ,
ਨਿਰਮਲ ਸਿੰਘ ਨਿੰਮਾ
‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
