(ਸਮਾਜ ਵੀਕਲੀ)
ਨਿੱਤ ਦਿਹਾੜੀ ਮਿਸਤਰੀਆਂ ਨਾਲ ਵਿੱਚ ਵਿੱਚ ਲੈਟਰ ਪਾਵਾ
ਕੇਹੜੀ ਗੱਲ ਦਾ ਫ਼ਿਕਰ ਮਜਾਜਣੇ
ਸੱਤ ਸੌਂ ਰੋਜ਼ ਕਮਾਵਾਂ
ਜਿੰਨੇ ਬੱਚਦੇ ਸਾਰੇ ਪੈਸੇ ਤੇਰੇ ਹੱਥ ਤੇ ਧਰਦਾ
ਫਿਰ ਵੀ ਰੋਜ਼ ਆਖਦੀ ਘਰ ਪੂਰਾ ਨਹੀਂ ਸਰਦਾ
ਚਾਹ ਦੇ ਨਾਲ ਨਿਆਣੇ ਉਠਕੇ, ਸੌਂ ਦਾ ਨੋਟ ਖਾ ਜਾਂਦੇ
ਭੂੱਜੀਆ ਬਿਸਕੁਟ ਡੱਬਰਰੋਟੀਆ ਮੇਰੇ ਤੋ ਮੰਗਵਾਦੇ
ਪੈਸਾ ਪੈਸਾ ਰੱਖ ਸਾਂਭ ਕੇ ਨਿੱਤ ਤੈਨੂੰ ਸਮਝਾਉਂਦੀ
ਵੇ ਜੋ ਤੈਨੂੰ ਮੈਂ ਦੱਸਦੀ ਲੱਗਦਾ ਸਮਝ ਨਹੀਂ ਆਉਂਦੀ
ਫਿਕਰ ਕਰਨ ਨਾਲ ਕੁਝ ਨਹੀਂ ਹੁੰਦਾ ਜੋ ਹੋਣਾ ਸੋ ਹੋਣਾ
ਗੁਰਮੀਤ ਡੁਮਾਣਿਆਂ ਵਾਲੇ ਵਾਂਗੁ ਕਿਉਂ ਕਮਲੀਏ ਰੋਣਾ
ਮੁੱਠ ਬੰਦ ਨਹੀਂ ਖੁੱਲਣ ਦਈ ਦੀ ਘਰਾਂ ਦਾ ਹੁੰਦਾ ਪਰਦਾ
ਫਿਰ ਵੀ ਰੋਜ਼ ਆਖਦੀ ਘਰ ਪੂਰਾ ਨਹੀਂ ਸਰਦਾ
ਰੋਜ਼ ਦੇ ਖ਼ਾਨਾ ਤਿੰਨ ਪੈਗਾ,ਨਾਲ ਸਟਿੰਗ ਦੀ ਬੋਤਲ
ਜ਼ਰਦੇ ਦੀ ਪੁੜੀ ਨਾਲ਼ ਬੀੜੀਆਂ ਢਾਈ ਸੌ ਹੋ ਗਏ ਟੋਟਲ
ਢਿਲ ਮੱਠ ਕਦੇ ਆ ਹੀ ਜਾਂਦੀ, ਫਿਰ ਇੱਟ ਵਜਦੀ ਆ ਭਾਉਂਦੀ
ਵੇ ਜ਼ੋ ਤੈਨੂੰ ਮੈਂ ਦੱਸਦੀ ਲੱਗਦਾ ਸਮਝ ਨਹੀਂ ਆਉਂਦੀ
ਗੁਰਮੀਤ ਡੁਮਾਣਾ ਲੋਹੀਆਂ ਖਾਸ ਜਲੰਧਰ
