(ਸਮਾਜ ਵੀਕਲੀ)
ਤੇਰੇ ਇਮਤਿਹਾਨ ਦੀ ਘੜੀ ਆ ਗਈ ,
ਤੂੰ ਵੋਟਰ ਵੀਰਾ ਹੋ ਹੁਸ਼ਿਆਰ ।
ਹੁਣ ਗੱਲ ਨਈਓਂ ਪੰਜ ਸਾਲਾਂ ਦੀ ,
ਜ਼ਿੰਦਗੀ ਮੌਤ ਹੈ ਆਰ ਜਾਂ ਪਾਰ।
ਜੋ ਪਾਰਟੀਆਂ ਸੱਤਰ ਸਾਲਾਂ ਤੋਂ ,
ਇੱਕੋ ਰਾਹ ‘ਤੇ ਤੁਰੀਆਂ ਹੋਈਆਂ ;
ਉਨ੍ਹਾਂ ਵਿੱਚੋਂ ਹੁਣ ਲਾ ਕੇ ਝਾਰਨਾਂ ,
ਚੱਜ ਦੇ ਬੰਦੇ ਲਈਏ ਉਭਾਰ ।
ਪਹਿਲੀ ਗੱਲ ਉਹਦੀ ਸੋਚ ਵੇਖੀਏ,
ਦੂਸਰੀ ਬੋਲਾਂ ਵਾਲ਼ੀ ਮਿਠਾਸ ;
ਤੀਸਰਾ ਚੰਗਾ ਚਰਿੱਤਰ ਹੋਵੇ ,
ਨਾਲ਼ੇ ਪੂਰਾ ਹੋਵੇ ਈਮਾਨਦਾਰ ।
ਹੋਵੇ ਦੇਸ਼ ਕੌਮ ਦਾ ਦਰਦ ਉਹਨੂੰ ,
ਚਹੁੰ ਪੱਲਿਆਂ ਦਾ ਪੂਰਾ ਹੋਵੇ ;
ਸਿੰਘ ਪੁੱਤਰਾਂ ਤੋਂ ਹੋਣ ਪਿਆਰੇ ,
ਬੱਸ ਆਪਣਾ ਪਾਲ਼ੇ ਨਾ ਪਰਿਵਾਰ ।
ਤੇਰੇ ਹੱਥ ਵਿੱਚ ਚੱਪੂ ਦੇਸ਼ ਦਾ ,
ਇਸ ਨੂੰ ਕਿਸੇ ਕਿਨਾਰੇ ਲਾ ਦੇ ;
ਨਹੀਂ ਤਾਂ ਆਉਂਣ ਵਾਲ਼ੀਆਂ ਪੀੜ੍ਹੀਆਂ,
ਡੁੱਬ ਜਾਣੀਆਂ ਅੱਧ ਵਿਚਕਾਰ ।
ਮੂਲ ਚੰਦ ਸ਼ਰਮਾ ਪ੍ਰਧਾਨ ,
ਪੰਜਾਬੀ ਸਾਹਿਤ ਸਭਾ ਧੂਰੀ ਜਿਲ੍ਹਾ ਸੰਗਰੂਰ ।
9914836037
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
https://play.google.com/store/apps/details?id=in.yourhost.samajweekly
