(ਸਮਾਜ ਵੀਕਲੀ)
ਚੁਗਲੀ ਕਰਕੇ ਭਰਾਵਾਂ ਨੂੰ ਲੜਾਣਾ ਠੀਕ ਨਹੀਂ,
ਚੱਲਦੇ ਕੰਮ ਵਿੱਚ ਲੱਤ ਫਸਾਣਾ ਠੀਕ ਨਹੀਂ।
ਵਹਿਮਾਂ ‘ਚ ਪੈ ਕੇ ਬੰਦਾ ਕੁੱਝ ਨਹੀਂ ਕਰ ਸਕਦਾ,
ਐਵੇਂ ਕਿਸੇ ਨੂੰ ਵਹਿਮਾਂ ‘ਚ ਪਾਣਾ ਠੀਕ ਨਹੀਂ।
ਠੀਕ ਰਾਹ ਤੇ ਤੁਰਨ ਵਾਲੇ ਨੂੰ ਤੁਰਨ ਦਿਉ,
ਐਵੇਂ ਉਸ ਨੂੰ ਕੁਰਾਹੇ ਪਾਣਾ ਠੀਕ ਨਹੀਂ।
ਕੰਮ ਕਰਨ ਵਾਲਿਆਂ ਨੂੰ ਇੱਜ਼ਤ ਤੇ ਪੈਸਾ ਮਿਲੇ,
ਵਿਹਲੇ ਬਹਿ ਕੇ ਸਮਾਂ ਲੰਘਾਣਾ ਠੀਕ ਨਹੀਂ।
ਹੋ ਸਕੇ, ਤਾਂ ਦੁਖੀ ਬੰਦੇ ਦੀ ਸਹਾਇਤਾ ਕਰੋ,
ਐਵੇਂ ਉਸ ਦੇ ਨਾਲ ਆਢਾ ਲਾਣਾ ਠੀਕ ਨਹੀਂ।
ਨਸ਼ਿਆਂ ਨੇ ਸੈਂਕੜੇ ਘਰ ਬਰਬਾਦ ਕਰ ਦਿੱਤੇ,
ਮੁੰਡਿਆਂ ਨੂੰ ਨਸ਼ਿਆਂ ਤੇ ਲਾਣਾ ਠੀਕ ਨਹੀਂ।
ਸਫਾਈ ਰੱਖਣ ਨਾਲ ਬੀਮਾਰੀਆਂ ਘੱਟ ਲੱਗਣ,
ਐਵੇਂ ਆਲੇ-ਦੁਆਲੇ ਗੰਦ ਪਾਣਾ ਠੀਕ ਨਹੀਂ।
ਕਿਸੇ ਦੇ ਅੱਲੇ ਜ਼ਖਮਾਂ ਤੇ ਮੱਲ੍ਹਮ ਲਾਉ ਯਾਰੋ,
ਇਨ੍ਹਾਂ ਤੇ ਨਮਕ ਛਿੜਕਾਣਾ ਠੀਕ ਨਹੀਂ।
ਮਹਿੰਦਰ ਸਿੰਘ ਮਾਨ
ਸਲੋਹ ਰੋਡ
ਚੈਨਲਾਂ ਵਾਲੀ ਕੋਠੀ
ਨਵਾਂ ਸ਼ਹਿਰ-9915803554
