(ਸਮਾਜ ਵੀਕਲੀ)
ਅੱਜ ਦਾ ਬੰਦਾ ਹੀ ਬੰਦੇ ਨੂੰ ਖਾ
ਰਿਹਾ ਏ ਕੋਈ ਬੋਲਦਾ ਨਹੀਂ,
ਅੱਖਾਂ ਹੁੰਦਿਆਂ ਖੂਹ ਵੱਲ ਜਾ
ਰਿਹਾ ਏ ਕੋਈ ਬੋਲਦਾ ਨਹੀਂ।
ਰਿਸ਼ਤੇ ਨਾਤਿਆਂ ਦੀ ਲੜੀ
ਖ਼ਤਮ ਹੋਈ,
ਭਾਈ-ਭਾਈ ਤੇ ਜ਼ੁਲਮ ਕਮਾ
ਰਿਹਾ ਏ ਕੋਈ ਬੋਲਦਾ ਨਹੀਂ।
ਜ਼ੁਲਮ ਵਧ ਗਏ
ਧੀਆਂ ਧਿਆਣੀਆਂ ਤੇ,
ਕੋਈ ਜਬਰੀ ਚੁੱਕ ਲਿਜਾ
ਰਿਹਾ ਏ ਕੋਈ ਬੋਲਦਾ ਨਹੀਂ।
ਮਾਂ-ਬਾਪ ਨੂੰ ਉੱਕਾ
ਹੀ ਭੁੱਲ ਬੈਠੇ,
ਅੱਖਾਂ ਬਾਪ ਨੂੰ ਪੁੱਤ ਵਿਖਾ
ਰਿਹਾ ਏ ਕੋਈ ਬੋਲਦਾ ਨਹੀਂ।
ਪੈਸੇ ਵਾਲੇ ਨੂੰ ਏਥੇ
ਸਲਾਮ ਹੁੰਦੀ,
ਤਕੜਾ ਮਾੜੇ ਤੇ ਜ਼ੁਲਮ ਕਮਾ
ਰਿਹਾ ਏ ਕੋਈ ਬੋਲਦਾ ਨਹੀਂ।
ਵਿਰਸਾ ਭੁੱਲ ਗਏ ਗੀਤਾਂ
ਨੂੰ ਗਾਉਣ ਵਾਲੇ,
ਹਰ ਗਾਇਕ ਅੱਜ ਗੰਦ ਹੀ
ਗਾ ਰਿਹਾ ਏ ਕੋਈ ਬੋਲਦਾ ਨਹੀਂ।
ਕੀ ਆਖਾਂ ਮੈਂ ਕਲਮ ਦੇ
ਧਨੀਆਂ ਤਾਈਂ,
ਸ਼ਾਇਰ ਗੰਦੀ ਹੀ ਕਲਮ ਚਲਾ
ਰਿਹਾ ਏ ਕੋਈ ਬੋਲਦਾ ਨਹੀਂ।
ਚੰਗੇ ਮਾੜੇ ਦੀ ਹੁੰਦੀ
ਨਾ ਪਰਖ ਏਥੇ,
ਐਸ਼ ਲੁੱਚਾ ਲੰਫਗਾ ਉਡਾ
ਰਿਹਾ ਏ ਕੋਈ ਬੋਲਦਾ ਨਹੀਂ।
ਭੱਠਾ ਬੈਠਾ ਸਮਾਜ ਦੇ
ਰਾਖਿਆਂ ਦਾ,
ਹਰ ਕੋਈ ਆਪਣਾ ਕਨੂੰਨ
ਚਲਾ ਰਿਹਾ ਏ ਕੋਈ ਬੋਲਦਾ ਨਹੀਂ।
ਮਹਿੰਦਰ ਝੱਮਟ ਨੂੰ ਔਕੜਾਂ
ਆਉਣ ਪਈਆਂ,
ਸੋਚਾਂ ਫਿਕਰਾਂ ਦੇ ਵਿੱਚ ਕੁਰਲਾ
ਰਿਹਾ ਏ ਕੋਈ ਬੋਲਦਾ ਨਹੀਂ।
ਲੇਖਕ
ਮਹਿੰਦਰ ਸਿੰਘ ਝੱਮਟ
ਪਿੰਡ ਅੱਤੋਵਾਲ
ਜ਼ਿਲ੍ਹਾ ਹੁਸ਼ਿਆਰਪੁਰ
ਮੋ 9915898210
‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
