(ਸਮਾਜ ਵੀਕਲੀ)
ਨੀ ਬੰਬੀਹਾ ਬੋਲੇ,ਬੋਲੇ ਵਿਚ ਪੰਜਾਬ।
ਨੀ ਬੰਬੀਹਾ ਬੋਲੇ, ਬੋਲੇ ਵਿਚ ਪੰਜਾਬ।
ਹੱਕ ਕਈਆਂ ਦੇ ਖੋਹ ਲਏ, ਨੀ ਬੰਬੀਹਾ ਬੋਲੇ।
ਗੱਲ ਚੰਡੀਗੜੋਂ ਗਈ ਫੈਲ,
ਅੱਖੀਂ ਖ਼ੂਨ ਸੀ ਲਾਈਫ ਸਟਾਇਲ,
ਪਊਆ ਕੱਦ ਕਰਦਾ ਸੀ ਕਾਇਲ,
ਜੱਟ ਡਰੀਮ ਸ਼ੌਕੀਨੀ ਵੈਲ,
ਤੱਕਦਾ ਕੌੜਾ ਕੌੜਾ ਕੈਲ,
ਉਹਦੇ ਬਿਖਰੇ ਗੁੱਡੀ ਪਟੋਲੇ।
ਨੀ ਬੰਬੀਹਾ ਬੋਲੇ।
ਬਾਪੂ SC ਪੁੱਤਰ ਜੱਟ,
ਦੱਸਦਾ ਪੱਟੀਦੇ ਕਿਵੇਂ ਡੱਟ,
ਗਿਐ ਗਰੀਬਾਂ ਦੇ ਹੱਕ ਚੱਟ,
ਬੜੀ ਕਮਾਈ ਕਿੱਲੇ ਸੱਠ,
Don’t you know ਪਿੱਛੇ ਹਟ,
ਉਹਦੇ ਪਏ ਪੋਤੜੇ ਫੋਲੇ।
ਨੀ ਬੰਬੀਹਾ ਬੋਲੇ।
ਕਹਿ ਬਿਸਮਿਲਾਹ ਵੇਖ ਡਿਟੇਲ,
ਬਾਪੂ ਖੇਡੀ ਕਿਹੜੀ ਖੇਲ,
ਬਣਗੀ ਅੜ੍ਹਬ ਗਾਇਕ ਦੀ ਰੇਲ,
ਮੁੰਡਾ ਚਾਚੇ ਦਾ ਹੋਇਆ ਫੇਲ,
ਦਿੰਦਾ ਸੀ ਗੰਨਾਂ ਨੂੰ ਤੇਲ,
ਗਾਉਂਦਾ ਰਿਹਾ ਗੀਤ ਬੜਬੋਲੇ।
ਨੀ ਬੰਬੀਹਾ ਬੋਲੇ।
ਬਾਪੂ ਕਰ ਗਿਆ ਕੰਮ ਖ਼ਰਾਬ,
ਉੱਤਰੀ ਡੇਢ ਲੱਖ ਦੀ ਸ਼ਰਾਬ,
ਛੱਬੀ ਕੇਸ ਮਰੇ ਖ਼ੁਆਬ,
ਸਿਰਾ ਈ ਨਿਕਲਿਆ ਬੇਹਿਸਾਬ,
“ਰਾਜਨ ” ਮੰਗਣ ਲੋਕ ਜਵਾਬ,
ਹਾਸੇ ਮਹਿਫਲਾਂ ਵਿੱਚੋਂ ਡੋਲੇ।
ਨੀ ਬੰਬੀਹਾ ਬੋਲੇ।
ਬੋਲੇ ਵਿਚ ਪੰਜਾਬ।
ਨੀ ਬੰਬੀਹਾ ਬੋਲੇ।
ਰਜਿੰਦਰ ਸਿੰਘ ਰਾਜਨ
ਡੀਸੀ ਕੋਠੀ ਰੋਡ ਸੰਗਰੂਰ।
98761-84954
‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
