ਕੁਲ 1011 ਪੋਸਟਾਂ ਵਿਚੋਂ 493 ਅਸਾਮੀਆਂ ਖਾਲੀ
ਹੁਸ਼ਿਆਰਪੁਰ (ਸਮਾਜ ਵੀਕਲੀ) (ਸਤਨਾਮ ਸਿੰਘ ਸਹੂੰਗੜਾ) ਨਗਰ ਨਿਗਮ ਇਕ ਸ਼ਹਿਰੀ ਲੋਕਾਂ ਨੂੰ ਬੁਨਿਆਦੀ ਸਹੂਲਤਾ ਮੁਹੱਈਆ ਕਰਵਾਉਣ, ਲੋਕਾਂ ਦੀ ਜਾਨ ਮਾਲ ਦੀ ਰੱਖਿਆ ਕਰਨ, ਸਾਫ ਸਫਾਈ ਦਾ ਪ੍ਰਬੰਧ ਕਰਨ, ਚੰਗੀਆਂ ਸਿਹਤ ਸਹੂਲਤਾਂ ਦੇਣ ਅਤੇ ਮਹੱਤਵ ਪੂਰਨ ਇਨਫਰਾ ਸਟਰਕਚਰ ਮੁਹੱਈਆ ਕਰਵਾਉਣ ਵਾਲੀ ਸਾਰੇ ਸਾਰਥਕ ਪ੍ਰਬੰਧਾ ਨਾਲ ਲੈਸ ਇਕ ਮਹੱਤਵ ਪੂਰਨ ਸੰਸਥਾ ਹੈ। ਸੰਸਥਾ ਦੇ ਕਰਮਚਾਰੀ, ਮੁਲਾਜਮ ਅਤੇ ਪੜ੍ਹੇ ਲਿਖੇ ਅਧਿਕਾਰੀ ਉਸ ਦਾ ਇਕ ਅੰਗ ਹਨ। ਲੇਬਰ ਪਾਰਟੀ ਦੇ ਪ੍ਰਧਾਨ ਜੈ ਗੋਪਾਲ ਧੀਮਾਨ ਨੇ ਸੂਚਨਾ ਦਾ ਅਧਿਕਾਰ ਐਕਟ ਦੁਆਰਾ ਅਪਾਹਜ ਹੋਈ ਵਿਵਸਥਾ ਵਾਲੀ ਨਗਰ ਨਿਗਮ ਹੁਸਿ਼ਆਪੁਰ ਅੰਦਰ ਖੁਲਾਸਾ ਕਰਦਿਆਂ ਦੱਸਿਆ ਕਿ ਡੀਗਾਂ ਤਾਂ ਵੱਡੀਆਂ ਵੱਡੀਆਂ ਮਾਰੀਆਂ ਜਾ ਰਹੀਆਂ ਹਨ। ਪਰ ਆਪ ਦੀ ਸਰਕਾਰ ਵ੍ਹੀਲ ਚੈਅਰ ਉਤੇ ਹਟਕੋਰੇ ਮਾਰ ਰਹੀ ਹੈ ਤੇ ਦੁਸਰਿਆਂ ਨੂੰ ਵਿਵਸਥਾ ਦੇਣ ਦੀਆਂ ਗੱਲਾਂ ਕਰ ਰਹੀ ਹੈ ਇਸ ਦੀ ਸਖਤ ਸ਼ਬਦਾ ਵਿਚ ਨਿੰਦਾ ਕਰਦਿਆਂ ਉਹਨਾਂ ਕਿਹਾ ਕਿ ਜੋ ਆਪ ਅਪਾਹਜ ਹੋਵੇ ਤੇ ਦੂਸਰਿਆਂ ਨੂੰ ਕਿਸ ਤਰ੍ਹਾਂ ਸਹਾਰਾ ਦਿੱਤਾ ਜਾ ਸਕਦਾ ਹੈ। ਉਨ੍ਹਾਂ ਦੱਸਿਆ ਕਿ ਨਗਰ ਨਿਗਮ ਅੰਦਰ ਕੁੱਲ ਅਸਾਮੀਆਂ 1011 ਵਿਚੋਂ 493 ਅਸਾਮੀਆਂ ਸਾਰੀ ਤਰ੍ਹਾਂ ਦੇ ਸਟਾਫ ਦੀਆਂ ਖਾਲੀ ਰਖੀਆਂ ਗਈਆਂ ਹਨ ਤੇ ਜਿਥੇ ਲਗਭਗ 49 ਪ੍ਰਤੀਸ਼ਤ ਖਾਲੀ ਰੱਖ ਕੇ ਕੀ ਨਤੀਜੇ ਆਉਣਗੇ? ਇਹ ਖਾਲੀ ਅਸਮੀਆਂ ਕਾਰਨ ਹੀ ਸਾਰੇ ਸ਼ਹਿਰ ਅੰਦਰ ਰਹਿ ਰਹੇ ਲੋਕਾਂ ਨੂੰ ਤਾਂ ਹੀ ਤਾਂ ਸਮੇਂ ਸਿਰ ਸੇਵਾਵਾਂ ਨਹੀਂ ਮਿਲ ਰਹੀਆਂ ਤੇ ਟੈਕਸਾਂ ਦੀ ਭਰਮਾਰ ਹੋਣ ਦੇ ਬਾਵਜੂਦ ਵੀ ਪੈਸੇ ਪਤਾ ਨਹੀਂ ਕਿਥੇ ਜਾ ਰਿਹਾ ਹੈ। ਧੀਮਾਨ ਨੇ ਦਸਿਆ ਕਿ ਮਿਊਂਸੀਪਲ ਐਕਟ ਤਾਂ ਹੀ ਤਾਂ ਲਾਗੂ ਨਹੀਂ ਹੋ ਰਿਹਾ। ਅਗਰ ਉਸ ਵਿਚ ਦਰਸਾਈਆਂ ਸਾਰੀਆਂ ਸੇਵਾਵਾਂ ਲੋਕਾਂ ਨੂੰ ਮੁਹੱਈਆ ਕਰਵਾਉਣੀਆਂ ਹਨ ਤਾਂ ਸਟਾਫ ਦੀ ਗਿਣਤੀ ਪੂਰੀ ਕਰਨੀ ਪਵੇਗੀ। ਇਨ੍ਹਾਂ ਅਣਗਹਿਲੀਆਂ ਕਾਰਨ ਸ਼ਹਿਰੀ ਲੋਕਾਂ ਦਾ ਜੀਵਨ ਅਨੇਕਾਂ ਮੁਸਿ਼ਕਲਾਂ ਵਿਚ ਫਸਾ ਕੇ ਰਖਿਆ ਗਿਆ ਹੈ ਤਾਂ ਕਿ ਲੋਕ ਨਗਰ ਨਿਗਮ ਦੇ ਕੰਮਾ ਵੱਲ ਧਿਆਨ ਨਾ ਦੇ ਸਕਣ। ਉਨ੍ਹਾਂ ਦਸਿਆ ਕਿ ਜਨਰਲ ਪ੍ਰਸ਼ਾਸ਼ਨ ਸਟਾਫ ਦੀਆਂ ਪ੍ਰਵਾਨਤ ਅਸਾਮੀਆਂ 57 ਤੇ ਉਨ੍ਹਾਂ ਵਿਚੋਂ 27 ਖਾਲੀ ਹਨ ਤੇ ਸਿਰਫ 30 ਭਰੀਆਂ ਹੋਈਆਂ ਹਨ ਤੇ ਉਨ੍ਹਾਂ ਵਿਚੋਂ ਸਕੱਤਰ 1 ਵਿਚੋਂ 1 ਖਾਲੀ, ਡੀ ਸੀ ਐਫ ਏ 1 ਵਿਚੋਂ 1 ਖਾਲੀ, ਲਾਅ ਅਫਸਰ 1 ਵਿਚੋਂ 1 ਖਾਲੀ, ਲੇਖਾਕਾਰ ਗ੍ਰੇਡ—2 ਦੀ 1 ਵਿਚੋਂ 1 ਖਾਲੀ, ਇੰਸਪੈਟਰ—ਸੀਨੀਅਰ ਸਹਾਇਕ 6 ਵਿਚੋਂ 4 ਖਾਲੀ, ਸੀਨੀਅਰ ਸਕੇਲ ਸਟੇਨੋ 1 ਵਿਚੋਂ 1 ਖਾਲੀ, ਕੈਸ਼ੀਅਰ ਕਮ ਅਕਾਊਂਟੈਂਟ 1 ਵਿਚੋਂ 1 ਖਾਲੀ, ਸਟੈਨੋ ਟਾਇਪਿਸਟ 2 ਵਿਚੋਂ 2 ਖਾਲੀ, ਕਲਰਕ ਕਮ—ਕੰਪਿਊਟਰ ਅਪਰੇਟਰ 20 ਵਿਚੋਂ 11 ਖਾਲੀ, ਜ਼ੂਨੀਅਰ ਸਕੇਲ ਸਟੈਨੋ 2 ਵਿਚੋਂ 2 ਖਾਲੀ, ਟੈਲੀਫੋਨ ਅਪਰੈਟਰ 1 ਵਿਚੋਂ 1 ਖਾਲੀ ਆਦਿ ਹਨ। ਇੰਜੀਨੀਅਰਿੰਗ ਵਿੰਗ (ਓ ਐਡ ਐਮ) ਵਿਚ ਪ੍ਰਾਂਤੀਕਰਨ ਅਤੇ ਗੈਰ ਪ੍ਰਾਂਤੀਕਰਨ ਅਸਾਮੀਆਂ ਜਿਨ੍ਹਾਂ ਵਿਚੋਂ ਨਿਗਰਾਨ ਇੰਜੀਨੀਅਰ (ਓ ਐਂਡ ਐਮ) 1 ਵਿਚੋਂ 1 ਖਾਲੀ, ਸਹਾਇਕ ਕਾਰਪੋਰੇਸ਼ਨ ਇੰਜੀਨੀਅਰ (ਓ ਐਂਡ ਐਮ) 2 ਵਿਚੋਂ 2 ਖਾਲੀ, ਜੂਨੀਅਰ ਇੰਜੀਨੀਅਰ (ਓ ਐਂਡ ਐਮ) 4 ਵਿਚੋਂ 4 ਖਾਲੀ, ਜੂਨੀਅਰ ਇੰਜੀਨੀਅਰ (ਬਿਜਲੀ)1 ਵਿਚੋਂ 1 ਖਾਲੀ, ਜੂਨੀਅਰ ਇੰਜੀਨੀਅਰ (ਬਾਗਬਾਨੀ) 1 ਵਿਚੋਂ 1 ਖਾਲੀ, ਇਲੈਟ੍ਰੀਸ਼ੀਅਨ 2 ਵਿਚੋਂ 1 ਖਾਲੀ, ਇਲੈਕਟ੍ਰੀਕਲ ਇੰਸਪੈਕਟਰ 1 ਵਿਚੋਂ 1 ਖਾਲੀ, ਪਲੰਬਰ 6 ਵਿਚੋਂ 5 ਖਾਲੀ, ਪੰਪ ਅਪਰੇਟਰ 12 ਵਿਚੋਂ 10 ਖਾਲੀ, ਸਹਾਇਕ ਪੰਪ ਓਪਰੈਟਰ 6 ਵਿਚੋਂ 6 ਖਾਲੀ, ਮੀਟਰ ਰੀਡਰ 6 ਵਿਚੋਂ 6 ਖਾਲੀ, ਬਿੱਲ ਡਿਸਟ੍ਰੀਬਿਊਟਰ 5 ਵਿਚੋਂ 5 ਖਾਲੀ, ਫਿੱਟਰ 5 ਵਿਚੋਂ 4 ਖਾਲੀ,ਲਾਇਨਮੈਨ 5 ਵਿਚੋਂ 5 ਖਾਲੀ, ਅਸਿਸਟੈਂਟ ਲਾਇਨਮੈਨ 10 ਵਿਚੋਂ 10 ਖਾਲੀ, ਸੁਪਰਵਾਇਜਰ (ਬਾਗਵਾਨੀ) 2 ਵਿਚੋਂ 2 ਖਾਲੀ, ਹੈਡਮਾਲੀ 1 ਵਿਚੋਂ 1 ਖਾਲੀ, ਮਾਲੀ—ਕਮ—ਬੇਲਦਾਰ 25 ਵਿਚੋਂ 24 ਖਾਲੀ ਆਦਿ। ਇਸ ਵਿੰਗ ਵਿਚ ਕੁਲ 107 ਵਿਚੋਂ 88 ਪੋਸਟਾਂ ਖਾਲੀ (82 ਪ੍ਰੀਤਸ਼ਤ) ਰਖੀਆਂ ਗਈਆਂ ਹਨ। ਇੰਜੀਨੀਅਰਿੰਗ ਵਿੰਗ (ਬੀ ਐਂਡ ਆਰ) ਪ੍ਰਾਂਤੀਕਰਨ ਅਸਮੀਆਂ ਵਿਚ ਕੁਲ 14 ਅਸਾਮੀਆਂ ਵਿਚੋਂ 6 ਖਾਲੀ ਹਨ।ਗੈਰ ਪ੍ਰਾਤੀਕਰਨ ਅਸਮੀਆਂ ਵਿਚ ਸਰਵੇਅਰ 2 ਵਿਚੋਂ 2 ਖਾਲੀ, ਵਰਕ ਸੁਪਰਵਾਈਜਰ 4 ਵਿਚੋਂ 4 ਖਾਲੀ, ਮੈਸਨ 5 ਵਿਚੋਂ 5 ਖਾਲੀ, ਕਾਰਪੈਂਟਰ 1 ਵਿਚੋਂ 1 ਖਾਲੀ, ਮੇਟ 5 ਵਿਚੋਂ 5 ਖਾਲੀ, ਬੇਲਦਾਰ 10 ਵਿਚੋਂ 7 ਖਾਲੀ, ਡਰਾਈਵਰ (ਹੈਵੀ ਵਹੀਕਲ) 1 ਵਿਚੋਂ 1 ਖਾਲੀ ਆਦਿ ਰਖੀਆਂ ਹੋਈਆਂ ਹਨ। ਇਸ ਵਿੰਗ ਵਿਚ 47 ਵਿਚੋਂ ਕੁਲ 31 ਖਾਲੀ ਹਨ। ਟਾਊਨ ਪਲੈਨਿੰਗ ਵਿੰਗ ਵਿਚ ਸਹਾਇਕ ਟਾਉਨ ਪਲਾਨਰ 2 ਵਿਚੋਂ 1 ਖਾਲੀ, ਡਰਾਫਟਮੈਨ 4 ਵਿਚੋਂ 2 ਖਾਲੀ, ਬਿੱਲਡਿੰਗ ਇੰਨਸਪੈਕਟਰ 5 ਵਿਚੋਂ 1 ਖਾਲੀ, ਕਾਨੂੰਗੋ—ਪਟਵਾਰੀ 1 ਵਿਚੋਂ 1 ਖਾਲੀ ਆਦਿ ਹਨ। ਸੈਨੀਟੇਸ਼ਨ ਐਂਡ ਹੈਲਥ ਵਿੱਚ ਪ੍ਰਾਂਤੀਕਰਨ ਅਤੇ ਗੈਰ ਪ੍ਰਾਤੀਕਰਨ ਅਸਾਮੀਆਂ ਵਿਚ ਕਾ ਮੇਡੀਕਲ ਹੈਲਥ ਅਫਸਰ 1 ਵਿਚੋਂ 1 ਖਾਲੀ, ਕਾ ਸਹਾਇਕ ਮੇਡੀਕਲ ਹੈਲਥ ਅਫਸਰ 1 ਵਿਚੋਂ 1 ਖਾਲੀ, ਕਾ ਸੈਨੀਟੇਸ਼ਨ ਅਫਸਰ 1 ਵਿਚੋਂ 1 ਖਾਲੀ, ਚੀਫ ਸੈਨੀਟੇਸ਼ਨ ਇੰਨਸਪੈਟਰ 3 ਵਿਚੋਂ 3 ਖਾਲੀ, ਸੈਨੀਟਰੀ ਇੰਸਪੈਕਟਰ 6 ਵਿਚੋਂ 3 ਖਾਲੀ, ਸਫਾਈ ਸੇਵਕ 600 (ਜਿਨ੍ਹਾਂ ਵਿਚੋਂ 199 ਰੈਗੂਲਰ ਤੇ 193 ਠੇਕੇ ਦੇ ਅਧਾਰ ਤੇ ਹਨ) ਵਿਚੋਂ 208 ਖਾਲੀ ਹਨ। ਸੈਨੀਟਰੀ ਸੁਪਰਵਾਈਜਰ 10 ਵਿਚੋਂ 4 ਖਾਲੀ, ਸੀਵਰ ਸੁਪਰਵਾਈਜਰ 10 ਵਿਚੋਂ 10 ਖਾਲੀ, ਸੇਨੇਟਰੀ ਮੇਟ 10 ਵਿਚੋਂ 2 ਖਾਲੀ, ਸੀਵਰਮੈਨ ਦੀਆਂ ਕੁਲ 70 ਅਸਾਮੀਆਂ ਵਿਚੋਂ ( 1 ਰੈਗੂਲਰ ਤੇ 39 ਠੇਕੇ ਤੇ ਅਧਾਰਤ) ਅਤੇ 30 ਖਾਲੀ ਹਨ। ਫਾਇਰ ਸ਼ਾਖਾ ਵਿਚ ਏ ਡੀ ਐਫ ਓ ਦੀ ਅਸਾਮੀ 1 ਵਿਚੋਂ 1 ਖਾਲੀ, ਐਫ ਐਸ ਓ 2 ਵਿਚੋਂ 1 ਖਾਲੀ, ਐਸ ਐਫ ਓ ਦੀਆਂ 4 ਵਿਚੋਂ 1 ਖਾਲੀ, ਲੀਡਿੰਗ ਫਾਇਰਮੈਨ ਦੀਆਂ ਕੁਲ 24 ਵਿਚੋਂ 22 ਖਾਲੀ, ਫਾਇਰਮੈਨ ਦੀਆਂ 25 ਵਿਚੋਂ 2 3 ਖਾਲੀ, ਫਾਇਰ ਡਰਾਈਵਰ ਦੀਆਂ 15 ਵਿਚੋਂ 11 ਖਾਲੀ ਹਨ। ਐਨਾ ਬੁਰਾ ਹਾਲ ਹੈ ਫਾਇਰ ਸਿਸਟਮ ਦਾ। ਪੁਲਿਸ ਸ਼ਾਖਾ : ਸਹਾਇਕ ਸਬ ਇੰਨਸਪੈਕਟਰ ਦੀ ਅਸਾਮੀ 1 ਵਿਚੋਂ 1 ਖਾਲੀ, ਹਵਾਲਦਾਰ 1 ਵਿਚੋਂ 1 ਖਾਲੀ ਅਤੇ ਸਿਪਾਹੀ ਦੀਆਂ ਕੁਲ 8 ਅਸਾਮੀਆਂ ਵਿਚੋਂ 8 ਹੀ ਖਾਲੀ ਹਨ। ਧੀਮਾਨ ਨੇ ਕਿਹਾ ਕਿ ਇਹ ਹਾਲ ਉਸ ਜਿ਼ਲੇ ਦੀ ਨਗਰ ਨਿਗਮ ਦਾ ਹੈ ਜਿਥੇ ਦੇ ਸਥਾਨਕ ਸਰਕਾਰਾਂ ਦੇ ਮੰਤਰੀ ਖੁ਼ਦ ਹੁਸਿ਼ਆਰਪੁਰ ਸ਼ਹਿਰ ਦੇ ਹਨ। ਜਦੋਂ ਅਪਣੇ ਜਿ਼ਲੇ ਅੰਦਰ ਕੋਈ ਧਿਆਨ ਨਹੀਂ ਦੇ ਰਹੇ। ਉਨ੍ਹਾਂ ਕਿਹਾ ਕਿ ਹਰ ਤਰ੍ਹਾਂ ਦਾ ਨੁਕਸਾਨ ਖਾਲੀ ਅਸਾਮੀਆਂ ਕਾਰਨ ਹੁੰਦਾ ੲੈ ਤੇ ਲਗਾਤਾਰ ਹੋ ਰਿਹਾ ਹੈ।ਇਸੇ ਕਰਕੇ ਕੰਮਾਂ ਵਿਚ ਪਾਰਦਰਸ਼ਤਾ ਅਤੇ ਇਨਸਾਫ ਅਲੋਪ ਹੋ ਰਿਹਾ ਲੋਕ ਦਫਤਰਾਂ ਦੇ ਚਕੱਰ ਤੇ ਚਕੱਰ ਮਾਰ ਰਹੇ ਹਨ।ਸਿ਼ਹਰ ਅੰਦਰ ਲੋਕਾਂ ਦੀ ਜਾਨ ਮਾਲ ਦੀ ਰਖਿਆ ਕਰਨ ਦੀ ਜੁੰਮੇਵਾਰੀ ਨਗਰ ਨਿਗਮ ਦੀ ਹੈ ਕਿਉਂ ਕਿ ਉਸ ਕੋਲ ਅਪਣਾ ਵੀ ਪੁਲਿਸ ਵਿੰਗ ਹੈ,ਜਿਸ ਵਿਚ 10 ਵਿਚੋਂ 10 ਅਸਾਮੀਆਂ ਖਾਲੀ ਹਨ।ਸਵਾਲ ਇਹ ਪੈਦਾ ਹੁੰਦਾ ੲੈ ਕਿ ਲੋਕਾਂ ਨੂੰ ਬੁਨਿਆਦੀ ਸਹੂਲਤਾਂ ਕੋਣ ਮੁਹਈਆ ਕਰਵਾਏਗਾ ?ਸ਼ਹਿਰ ਅੰਦਰ ਸਾਫ ਤੇ ਸ਼ੁਧ ਵਾਤਾਵਰਣ ਦੇਣਾ ਵੀ ਨਿਗਮ ਦਾ ਕੰਮ ਹੈ।ਕੋਣ ਕਰੇਗਾ ਇਹ ਸਾਰੇ ਪ੍ਰਬੰਧ ?ਅਗਰ ਏਹੀ ਅਣਗਹਿਲੀਆਂ ਜਾਰੀ ਰਹੀਆਂ ਤਾਂ ਵਿਨਾਸ਼ ਪੱਕਾ ਵੇਖਣ ਨੁੰ ਮਿਲੇਗਾ।ਜਿਨਾ ਅਸਾਮੀਆ ਨੁੰ ਖਾਲੀ ਰਖਿਆ ਗਿਆ ਹੈ ਉਹ ਨਗਰ ਨਿਗਮ ਅੰਦਰ ਲੋਕਾਂ ਨੂੰ ਬੁਨਿਆਦੀ ਸਹੂਲਤਾਂ ਮੁਹਈਆ ਕਰਵਾਉਣ ਵਾਲੇ ਵਿੰਗਾਂ ਦੇ ਮਹੰਤਵ ਪੂਰਨ ਅੰਗ ਹਨ।ਇਸ ਵੱਡੀ ਘਾਟ ਕਾਰਨ ਸ਼ਹਿਰ ਦਾ ਹਰ ਪਾਸਾ ਨਰਕ ਬਣਿਆ ਪਿਆ ਹੈ,ਸੜਕਾਂ ਟੁਟੀਆਂ ਪਈਆਂ ਹਨ,ਬਰਸਾਤ ਦੇ ਦਿਨਾ ਵਿਚ ਸਾਰੇ ਸ਼ਹਿਰ ਦਾ ਗੰਦ ਸੜਕਾਂ ਉਤੇ ਘੁੰਮਦਾ ਆਮ ਵੇਖਿਆ ਜਾ ਸਕਦਾ ਹੈ।ਧੀਮਾਨ ਨੇ ਸ਼ਹਿਰੀ ਲੋਕਾਂ ਨੁੰ ਜਾਗਰੂਕ ਹੋਣ ਦੀ ਅਪੀਲ ਕੀਤੀ ਕਿ ਉਹ ਅਪਣੇ ਮੂਲ ਸੰਵਿਧਾਨਕ ਅਧਿਕਾਰਾਂ ਪ੍ਰਤੀ ਜਾਗਰੂਕ ਹੋਣ ਤੇ ਨਗਰ ਨਿਗਮ ਅੰਦਰ ਸੁਧਾਰ ਲਈ ਅਵਾਜ਼ ਬੁਲੰਦ ਕਰਨ।
