(ਸਮਾਜ ਵੀਕਲੀ)
ਛੱਬੀ ਜਨਵਰੀ ਨੂੰ ਗਣਤੰਤਰ ਦਿਵਸ ਮਨਾਇਆ ਜਾਵੇਗਾ।
ਹਰ ਵਾਰੀ ਦੀ ਤਰ੍ਹਾਂ ਸਕੂਲ ਨੂੰ ਖ਼ੂਬ ਸਜਾਇਆ ਜਾਵੇਗਾ।
ਕਾਰਗਿਲ ਸ਼ਹੀਦ ਜਸਵੰਤ ਸਿੰਘ ਨੂੰ ਯਾਦ ਕਰਾਂਗੇ ਸ਼ਰਧਾ ਨਾਲ਼,
ਆਨ-ਬਾਨ ਤੇ ਸ਼ਾਨ ਤਿਰੰਗਾ ਵੀ ਲਹਿਰਾਇਆ ਜਾਵੇਗਾ।
ਭਸੌੜ ਸਕੂਲ ਦੇ ਵਿਹੜੇ ਵਿੱਚ ਖ਼ੁਸ਼ੀਆਂ ਦੀ ਛਹਿਬਰ ਲੱਗੂਗੀ ;
ਬੱਚਿਆਂ ਵੱਲੋਂ ਰੰਗਾਰੰਗ ਪ੍ਰੋਗਰਾਮ ਵਿਖਾਇਆ ਜਾਵੇਗਾ ।
ਮਾਤ – ਭਾਸ਼ਾ ਤੇ ਮਾਂ – ਬੋਲੀ ਦੀ ਦੱਸੀ ਜਾਊ ਮਹੱਤਤਾ ਵੀ ;
ਬੱਚਿਆਂ ਨੂੰ ਨੈਤਿਕ ਸਿੱਖਿਆ ਦਾ ਵੀ ਸਬਕ ਪੜ੍ਹਾਇਆ ਜਾਵੇਗਾ ।
ਭਾਸ਼ਾ ਐਕਟ ਨੂੰ ਅਮਲੀ ਰੂਪ ਵਿੱਚ ਲਾਗੂ ਕਰਨ ਦੀ ਗੱਲ ਹੋਊ ;
ਸਾਨੂੰ ਸਾਡਾ ਅਪਣਾ ਫਰਜ਼ ਵੀ ਯਾਦ ਕਰਾਇਆ ਜਾਵੇਗਾ ।
ਤਿੰਨ ਵਰਗਾਂ ਦੇ ਛੇ ਬੱਚਿਆਂ ਨੂੰ ਮਾਣ ਅਤੇ ਸਨਮਾਨ ਦੇਣ ਲਈ ;
ਪੰਜਾਬੀ ਭਾਸ਼ਾ ਭਾਈਚਾਰੇ ਦਾ ਉੱਦਮ ਸਲ੍ਹਾਇਆ ਜਾਵੇਗਾ ।
ਜੋ ਬੱਚਿਆਂ ਨੇ ਆਪਣੇ ਸਕੂਲ ਦੀ ਸ਼ਾਨ ਵਧਾਈ ਹੋਵੇਗੀ ;
ਉਨ੍ਹਾਂ ਦਾ ਵੀ ਪੰਚਾਇਤ ਵੱਲੋਂ ਹੌਂਸਲਾ ਵਧਾਇਆ ਜਾਵੇਗਾ ।
ਮਹਿਮਾਨਾਂ ਨੂੰ ਜੀ ਆਇਆਂ ਨੂੰ ਆਖ ਸੁਆਗਤ ਕੀਤਾ ਜਾਊ,
ਅਤੇ ਸਟਾਫ਼ ਦੇ ਧੰਨਵਾਦ ਦਾ ਮਤਾ ਪਕਾਇਆ ਜਾਵੇਗਾ ।
ਵਿਦਿਆਰਥੀਆਂ ਦੇ ਧੰਨਵਾਦ ਦਾ ਮਤਾ ਪਕਾਇਆ ਜਾਵੇਗਾ ।
ਮੂਲ ਚੰਦ ਸ਼ਰਮਾ ਪ੍ਰਧਾਨ ,
ਪੰਜਾਬੀ ਸਾਹਿਤ ਸਭਾ ਧੂਰੀ ਜਿਲ੍ਹਾ ਸੰਗਰੂਰ ।
9914836037
