(ਸਮਾਜ ਵੀਕਲੀ)
ਕਨੇਡਾ, ਟੋਰਾਂਟੋ /ਵੈਨਕੂਵਰ, ( ਕੁਲਦੀਪ ਚੁੰਬਰ )- ਪ੍ਰਸਿੱਧ ਗੀਤਕਾਰ ਮੰਗਲ ਹਠੂਰ ਦਾ ਵੱਖ ਵੱਖ ਸੱਭਿਆਚਾਰਕ ਸੰਸਥਾਵਾਂ ਵੱਲੋਂ ਕਨੇਡਾ ਫੇਰੀ ਮੌਕੇ ਸਨਮਾਨ ਕੀਤਾ ਗਿਆ । ਜਿਸ ਕੜੀ ਵਿੱਚ ਬੀਤੇ ਕੱਲ੍ਹ ਸਾਊਥ ਫੀਲਡ ਸੀਨੀਅਰ ਕਲੱਬ ਕਾਲਡਨ ਵੈਸਟ ਵਲੋਂ ਉਕਤ ਗੀਤਕਾਰ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਬਲਦੇਵ ਸਿੰਘ ਚੰਨੂਵਾਲ, ਸਰਪ੍ਰਸਤ ਕੈਪਟਨ ਕੁਲਵੰਤ ਸਿੰਘ ਬੱਲ, ਪ੍ਰਧਾਨ ਗੁਰਨਾਮ ਸਿੰਘ ਧਾਲੀਵਾਲ, ਖ਼ਜ਼ਾਨਚੀ ਹਰਬੰਸ ਸਿੰਘ ਗਿੱਲ, ਮੇਜ਼ਰ ਸਿੰਘ ਗੁਦਾਰਾ, ਜਸਪ੍ਰੀਤ ਸਿੰਘ ਗਿੱਲ, ਮਾਸਟਰ ਰਘਬੀਰ ਸਿੰਘ, ਗੁਰਸੇਵਕ ਸਿੰਘ ਗਿੱਲ, ਗੁਣਗੀਤ ਮੰਗਲ,ਅਮਰਜੀਤ ਸਿੰਘ ਅਤੇ ਹੋਰ ਪਤਵੰਤੇ ਸੱਜਣ ਹਾਜ਼ਰ ਸਨ । ਇਸੇ ਹੀ ਤਰ੍ਹਾਂ ਲੰਡਨ (ਕਨੇਡਾ) ਵਿਖੇ ਵੀ ਸ਼੍ਰੀਮਾਨ ਗੁਰਪ੍ਰੀਤ ਕੋਹਾੜ ਵਲੋਂ ਰੱਖੇ ਗਏ ਇੱਕ ਪ੍ਰੋਗਰਾਮ ਦੌਰਾਨ ਗੀਤਕਾਰ ਮੰਗਲ ਹਠੂਰ ਨੂੰ ਸਤਿਕਾਰਿਆ ਗਿਆ । ਇਸ ਸਮੇਂ ਪ੍ਰਸਿੱਧ ਗਾਇਕ ਹੈਰੀ ਸੰਧੂ, ਗੁਰਪ੍ਰੀਤ ਕੋਹਾੜ, ਗੁਣਗੀਤ ਮੰਗਲ, ਗਾਇਕ ਹੀਰ ਸੱਜਣ ਮਿੱਤਰ ਅਤੇ ਹੋਰ ਆਖਰ ਆਖਰ ਮੈਂਬਰ ਹਾਜ਼ਰ ਸਨ। ਆਖਰ ਵਿੱਚ ਗੀਤਕਾਰ ਮੰਗਲ ਨੇ ਆਪਣੇ ਰਵਾਇਤੀ ਸ਼ਾਇਰੋ ਸ਼ਾਇਰੀ ਦੇ ਅੰਦਾਜ਼ ਵਿੱਚ ਸਭ ਸੱਜਣਾਂ ਦਾ ਤਹਿ ਦਿਲ ਤੋਂ ਧੰਨਵਾਦ ਕੀਤਾ ਅਤੇ ਅੱਗੇ ਤੋਂ ਵੀ ਇਸੇ ਤਰ੍ਹਾਂ ਪੰਜਾਬੀ ਗੀਤਕਾਰੀ ਬਦਲੇ ਮਾਣ ਸਨਮਾਨ ਬਖਸ਼ਦੇ ਰਹਿਣ ਦੀ ਆਸ ਜਤਾਈ ।
